2 कुरिन्थियों 6:4 - नुवो नेम (मेवड़ी नया नियम)

⁴ पण माँ तो परमेसर का हव दास का जस्यान खुद ने साबत करा हाँ, धीरज का हाते हारोई सेण करता तका दुक में, अबकी टेम में, परेसानी में,

2 कुरिन्थियों 6:4 Iomraidhean Croise

लूका 21:19

विस्वास में गाटा रेवा की वजेऊँ थाँ अनंत जीवन पाँ लेवो।

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

थरप्या तका का काम 2:22

“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो।

थरप्या तका का काम 20:34

थाँ जाणो हो के, अणा हाताँईस मारी अन मारा हण्डाळ्याँ की जरुरत ने पुरी किदी ही।

थरप्या तका का काम 9:16

मूँ वींने ओ हारोई बताऊँ, जो वींने मारा नाम के वाते सेण करणो पेड़ी।”

रोमियों 14:18

ज्यो मसी की ईं तरियाऊँ सेवा करे हे, वणीऊँ परमेसर राजी रेवे हे अन मनक वींको मान करे हे।

रोमियों 16:10

मसी में खरा अपिल्‍लेस ने मारो नमस्कार। अरिस्तुबुलुस का परवार ने नमस्कार।

रोमियों 3:5

पण यद्याँ आपणाँ बुरा करम परमेसर की धारमिकताने सई तरियाऊँ परगट करे हे अन अणी बात पे परमेसर आपाँ पे गुस्सो करे हे तो आपाँ कई केवा के, वीं आपणाँ हाते अन्याव करे हे। यो तो मूँ मनक का रिती पे कूँ हूँ।

रोमियों 5:8

पण परमेसर आपाँ पे वणी टेम आपणो परेम दिकायो के, जद्याँ आपाँ पापीईस हा, तो ईसू मसी आपणाँ वाते जीव दिदो।

1 कुरिन्थियों 3:5

ओ बतावो अपुलोस कूण अन पोलुस कूण हे? बेस माँ तो परबू का सेवक हाँ, ज्याँके वजेऊँ थाँ विस्वास किदो हो। माकाँ मूँ हाराई बेस वोईस काम कर हे ज्यो परबू माने हूँप्यो हे।

1 कुरिन्थियों 4:1

माकाँ बारा में कणी मनक ने अस्यान होचणो छावे के, माँ मसी का दास हा। परमेसर के भेद की बाताँ का भण्डारी हा।

1 कुरिन्थियों 9:11

ईं वाते जद्याँ के, माँ थाँका बंच में आत्मिक बिजड़ा वाया हे, यद्याँ माँ थाँकाऊँ माँके सरीर के जरूत की चिजाँ पाबा आस राका हाँ, तो कई आ मोटी बात हे?

2 कुरिन्थियों 11:23

कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में,

2 कुरिन्थियों 11:27

में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ।

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।

2 कुरिन्थियों 12:10

ईं तरियाँ मूँ मसी का आड़ीऊँ मारी कमजोरियाँ में, बेजत वेन में, दुक में, हताव में, तकलिप में, अबकी टेम में मूँ राजी रूँ हूँ। जद्याँ मूँ कमजोर वेवूँ हूँ, तद्याँईस मूँ जोरावर बणूँ हूँ।

2 कुरिन्थियों 12:12

कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 3:6

अन वणाईस माने नवा करार का दास वेबा का वाते बलाया हे। आ कस्यी लिकी तकी बात तो ने हे पण आ तो आत्मा को करार हे, काँके लिकी तकी बाताँ तो मनक ने मारे हे पण आत्मा वाँने जीवन देवे हे।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 4:8

आपाँ च्यारूँमेरऊँ कळेस तो भोगरिया हाँ, पण गुन्दयाँ ने जावाँ, आपाँ घबराया तका तो हाँ पण आस ने तोड़ा।

2 कुरिन्थियों 7:11

थाँ ओ देकज्यो, ज्यो दुक परमेसर की वजेऊँ थाँका पे आयो हो, वींकी वजेऊँ थाँ कतरा राजी व्या हो, अन ईंकी वजे ऊँइस थाँने अस्यी मनसा दिदी के, अबे थाँ खुद का बारा में के सको के, थाँको मन साप हे, गलत काम का विरोद में गुस्सो, परमेसर को मान करणो, माँकाऊँ मलबा की आगत अन पाप को न्याव करबा की भावना थाँकामें पेदा वीं हे। थाँ अस्यान करन ओ बता दिदो हे के, थाँ एकदम निरदोस हो।

कुलुसियों 1:24

अबे मूँ ज्यो थाँका वाते दुक ऊटारियो हूँ वणीऊँ मूँ राजी हूँ। मसी की देह रूपी मण्डली का वाते मसी जीं दुक जेल्या हे, वाँमें मूँ हमेस्यान वींका हाते भागीदार बणरियो हूँ।

1 थिस्सुलुनिक्यों 3:7

ईं वाते हो भायाँ-बेना, थाँका विस्वास का हमच्यारऊँ माकाँ हाराई दुक में अन कळेस में माँने घणी हिम्मत मली हे।

1 थिस्सुलुनिक्यों 5:14

हो भायाँ-बेना, माँ थाँने हमजावा हाँ के, जी आळकातक हे वाँने हमजावो, दरपे वाँकी हिम्मत बड़ावो, कमजोरा ने हमाळो अन हाराई का हाते नरमाई राको।

1 तिमुतियूस 2:15

पण लुगायाँ बाळक जणन बंचगी, अन वाँने छावे के, वीं धीरज का हाते विस्वास, परेम अन खरईपणा में गाटी रेवे।

1 तिमुतियूस 4:6

यद्याँ थूँ विस्वास्याँ ने आ सला देई, तो थूँ ईसू मसी को हव दास केवाई अन विस्वास की बाताँ अन खरी हिक का वजेऊँ ज्याँने थूँ मानतो आयो हे, वाँकाऊँ थूँ खुद को आत्मिक तरियाऊँ पालण-पोसण करी।

1 तिमुतियूस 6:11

पण थूँ, ज्यो परमेसर ने मानबावाळो हे, अणा हारी बाताँऊँ छेटी रेज्ये, पण धारमिकता, भगती, विस्वास, परेम, धीरज अन दया में बण्यो तको रेज्ये।

2 तिमुतियूस 1:8

ईं वाते थूँ आपणाँ परबू अन मारी गवई देबा का वाते, ज्यो मसी का वाते बन्दी हूँ, हरमाज्ये मती, पण अस्यान करबा के, बजाय परमेसर, ज्या तागत थने दिदी हे, वींने मारा हाते हव हमच्यार का वाते दुक उटाबा में लगाज्ये।

2 तिमुतियूस 2:24

परमेसर को दास लड़बावाळो ने, पण हाराई पे दया दिकाबावाळो, धीरज राकबावाळो अन हिक देबा जोगो वेणो छावे।

2 तिमुतियूस 4:5

थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।

इब्रानियों 12:1

ईं वाते जद्याँ गवा की एक मोटी भीड़ आपणाँ च्यारूँमेर हे, तो आवो, आड़ी देबावाळी हारी चिजाँ ने अन उलजाबा पाप ने छेटी करा अन ज्या दोड़ आपाँने दोड़णी हे, वींने सेण करता तका दोड़ता रा।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।

परकासितवाक्य 3:10

काँके थाँ धीरजऊँ मारा हुकम पे चालता रिया हो, ईं वाते जद्याँ ईं धरती का मनकाँ ने परकबा का वाते अबकी टेम आई, तो मूँ थने बंचाऊँ।