2 कुरिन्थियों 6:14 - नुवो नेम (मेवड़ी नया नियम)

¹⁴ बना विस्वासवाळा मनकाँ का हण्डाळ्याँ मती बणो, काँके धारमिकता को पाप का हाते कई मेळ ने हे। अन्दारा की उजिता का हाते कस्यान संगती वे सके हे?

2 कुरिन्थियों 6:14 Iomraidhean Croise

यहुन्ना 7:7

या दनियाँ थाँकाऊँ नपरत ने राके हे, पण माराऊँ नपरत राके हे, काँके मूँ वाँका विरोद में केऊँ के, वाँका काम बुरा हे।

थरप्या तका का काम 4:23

जद्याँ पतरस अन यहुन्ना ने छोड़ दिदा, तो वे आपणाँ लोग-बागाँ नके आया अन वाँने जो भी यहूदी मोटा याजक अन बुड़ा-ठाड़ा क्यो हो, वो सब वाँने के हुणायो।

1 कुरिन्थियों 10:21

थाँ परबू का प्याला मूँ अन हुगली आत्मा का प्यालो मूँ दुयाऊँ ने पीं सको हो। थाँ परबू का भोज अन हुगली आत्मा का भोज, दुयाँ में एक हाते भागी ने वे सको हो।

1 कुरिन्थियों 15:33

धोको मती खाज्यो, “काँके बुरी संगती हव आदत ने भी बगाड़ देवे हे।”

1 कुरिन्थियों 5:9

में आपणाँ पेला कागद में लिक्यो हो के, थाँ कुकरमी मनकाँऊँ कई वेवार मती राकज्यो।

1 कुरिन्थियों 6:6

कई एक भई कदी आपणाँ दूजाँ विस्वासी भई पे मुकदमो करे हे? पण थाँ तो आपणी बाताँ को फेसलो अविस्वासी मनकाँ नकूँ करारिया हो।

1 कुरिन्थियों 7:39

जद्याँ तईं कणी लुगई को धणी जीवतो हे, तद्याँ तईं वाँ वींका बन्धन में बन्दी तकी हे। पण जद्याँ वींको धणी मर जावे, तो वाँ जणीऊँ छावे वणीऊँ ब्याव कर सके हे पण बेस परबू का गट-जोड़ में।

फिलिपियों 2:15

ताँके थाँ ईं टेड़ी अन नसंगी हुगली पीड़ी का बचमें परमेसर का खरा, स्यवकार अन बना दोस का छोरा-छोरी वे जावो। थाँ अस्यी दनियाँ में तारा के जस्यान चमको,

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।