2 कुरिन्थियों 5:6 - नुवो नेम (मेवड़ी नया नियम)

⁶ ईं वाते आपाँने हिम्मत राकणी छावे काँके आपाँ जाणा हाँ के, जद्याँ तईं आपाँ ईं देह रूपी घर में हाँ, तद्याँ तईं परबू का हाते ने हाँ।

2 कुरिन्थियों 5:6 Iomraidhean Croise

2 कुरिन्थियों 5:1

आपाँ जाणा हाँ के, ईं धरती पे आपणी देह रूपी घर भगाड़ दिदो जाई पछे आपाँने परमेसर का आड़ीऊँ हरग में कदी नास ने वेबावाळो घर मली वो मनकाँ का हाताऊँ बणायो तको ने वेई।

2 कुरिन्थियों 5:8

ईं वाते आपाँ हिम्मत राका हाँ अन खुद की देह ने छोड़न, परबू का हाते वाँका घर में रेणो छावाँ हाँ।

इब्रानियों 10:35

ईं वाते थाँ हिम्मत मती हारज्यो, काँके थाँने ईं बात की वजेऊँस मोटो फळ मली।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 13:14

काँके अटे आपणो कस्योई हेमस्यान रेवा वाते नगर ने हे, पण आपीं तो वणी नगर की वाट नाळरिया हे, ज्यो आबावाळो हे।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।