2 कुरिन्थियों 5:11 - नुवो नेम (मेवड़ी नया नियम)

¹¹ अणीऊँ माँ जाणा हाँ के, परबू की दरपणी कई हे, ईं वाते माँ लोगाँ ने हमजारिया हाँ के, वीं हाँच ने माने। परमेसर आपणाँ हाल-चाल जाणे हे अन मने पूरो विस्वास हे के, थाँ भी माकाँ बारा में हारोई जाणो हो।

2 कुरिन्थियों 5:11 Iomraidhean Croise

मत्ती 10:28

वाँकाऊँ मती दरपो, ज्यो बेस थाँने मार कर सके हे पण थाकी आत्माने नास ने सके हे, बेस वीं परमेसरऊँ दरपज्यो ज्यो सरीर अन आत्मा दुयाँ ने नरक में नाकन नास कर सके हे।

मत्ती 25:46

अन ईं बुरा मनक अनंत दण्ड की सजा भुगती, पण धरमी अनंत जीवन पाई।”

लूका 12:5

मूँ थाँने बताऊँ हूँ के, थाँने बेस परमेसरऊँ दरपणो छावे। ज्यो मारन नरक में नाकबा की तागत राके हे।

लूका 16:31

पण अबराम वींने क्यो, “यद्याँ वी मूसा अन परमेसर का आड़ीऊँ बोलबावाळा की किताबाँ की बात ने माने हे, तो वी यद्याँ कुई मरिया तका मेंऊँ भी वाँका नके जाई तद्याँ भी वी वींकी ने मानी।”

थरप्या तका का काम 13:43

जद्याँ सबा खतम व्यी, तो नरई यहूदी अन यहूदी धरम ने मान लिदा तका लोग भी पोलुस अन बरनबास का पाच्छे वेग्या। पोलुस अन बरनबास वाँकाऊँ बाताँ करता तका लोगाँ ने मनारिया हा के, वे परमेसर की करपा में बण्या रेवे।

थरप्या तका का काम 18:13

अन क्यो “यो मनक लोगाँ ने भोळारियो हे के, परमेसर की परातना अस्यान करो, ज्या वेवस्ता के नेमा के विरोद में हे।”

थरप्या तका का काम 18:4

वीं हरेक सबद का दन यहूदियाँ के परातना घर जाईन, यहूदियाँ अन युनानियाँऊँ बात-बच्यार करता हा अन वाँने मनाबा की कोसीस करता हा।

थरप्या तका का काम 19:26

थाँ देक्यो अन हुण्यो भी हे के, बेस इपिसुस मेंईस ने, पण हंगळा आसिया का लोगाँ ने पोलुस ओ केन भोळाया हे के, जीं हाताऊँ घड्या तका देवताँ हे, वींमें परमेसर ने हे।

थरप्या तका का काम 26:26

राजा अग्रिपा के हामे भी मूँ बना दरप्या बोलरियो हूँ, काँके वो अणा बाताँ ने जाणे हे अन मने विस्वास हे के, अणा बाताँ में कई हप्यो तको ने हे, काँके ईं बाताँ कस्या खुणा में ने वीं हे।

थरप्या तका का काम 28:23

तद्याँ वणी वाँने केबा के वाते एक दन ते किदो अन नरई मनक वटे भेळा व्या जटे वो रेरियो हो। वणी हवेरूँ लगान हाँज तक परमेसर के राज का बारा में बखाण किदो अन मूसा का नेमा अन परमेसर का आड़ीऊँ बोलबावाळा की किताबाँऊँ ईसू का बारा में साबत करतो तको हमजातो रियो।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 1:10

कई अणीऊँ थाँने अस्यान लागे हे के, मूँ मनकाँ ने मानूँ हूँ कन यो के मूँ परमेसर ने मानूँ हूँ? कई मूँ मनकाँ खुस करणो छावूँ हूँ? यद्याँ मूँ अबाणू तई मनकाँ ने खुस करबा को काम करतो रेतो, तो मूँ मसी को दास ने वाजतो।

इपिसियों 5:21

थाँ मसी को आदर-मान राको हो, ईं वाते एक-दूँजा को केणो मानो।

इब्रानियों 10:31

मनक को जीवता परमेसर का हात में पड़णो भयंकर बात हे।

इब्रानियों 12:29

काँके आपणाँ परमेसर बाळ नाके अस्यी वादी हे।

यहूदा 1:23

थाँ आगे बड़न वणा मनकाँ ने बंचा लिज्यो, जीं बंचाणा छारिया। वाँने वादी की लपटा में पड़्या तका ने बचावो हो वस्यानीस वाँने बंचा लिज्यो, वाँका पे दया बापू परबू की दरपणी राकन करज्यो। पण वाँका वणा गाबाऊँ जणापे वाँका पाप का भाव का धबा लागरिया हे, वाँकाऊँ छेटी रेज्यो, मारा केबा को मतलब ओ हे के, वाँका बुरा कामाँऊँ अलग रेज्यो।

परकासितवाक्य 20:15

जिंको भी नाम “जीवन की पोती” में लिक्यो तको ने मल्यो, वींने भी वादी का कुण्ड में नाक दिदो ग्यो।