2 कुरिन्थियों 5:10 - नुवो नेम (मेवड़ी नया नियम)

¹⁰ काँके आपाँ ईं देह में रेन ज्यो भी भलो-बुरो काम कराँ हाँ, वींको फळ पाबा का वाते आपाँने मसी की न्याव-गादी का हामे जरुर ऊबा वेणो पेड़ी।

2 कुरिन्थियों 5:10 Iomraidhean Croise

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

थरप्या तका का काम 10:42

वणीस माँने आदेस दिदो के, आपीं लोगाँ में घोसित कराँ अन गवई देवा के, ओ वोईस हे, जो परमेसर का हातऊँ जीवता अन मरिया तका को न्याव करबावाळो बणायो हे।

थरप्या तका का काम 17:31

काँके वणी एक दन ठेरायो हे, वीं आपणाँ थरप्या तकाऊँ वो धरती का हंगळा मनकाँ को हाँचऊँ न्याव केरी, अन वणी मरिया तका मूँ पाछो जीवतो वेन हंगळा मनकाँ में आ बात पाकी कर दिदी हे।

रोमियों 2:16

ईं बाताँ वणी दन वेई जद्याँ परमेसर मूँ हूँणऊँ वीं हव हमच्यार का जस्यान ईसू मसीऊँ मनकाँ के छाने की बाताँ को न्याव करी।

रोमियों 6:19

थाँ थाँके देह की कमजोरी का मस हाराई बाताँ ने हमज ने सको हो, ईं वाते मूँ थाँने ईं बाताँ बोलचाल की भासा में हमजारियो हूँ। पेल्याँ थाँ थाँकी देह का अंग ने असुद अन अधरम बड़ाबा का वाते एक दास का रूप काम लेता हा। पण अबे थाँ वस्यानीस थाँका देह का अंग ने दास वेबा का वाते धारमिकता का हात में हूँप दो, ज्याँ थाँने खरईपणा में ले जावे हे।

1 कुरिन्थियों 4:5

ईं वाते जद्याँ तईं परबू ने आवे वणीऊँ पेल्याँ किंको भी न्याव मती करो। वीं तो अदंकार में हपी तकी बाताँ ने भी उजिता में दिकाई अन मना की बाताँ भी हामे लाई अन वणी दाण परमेसर का आड़ीऊँ हरेक की बड़ई वेई।

2 कुरिन्थियों 7:3

मूँ ईं बाताँ थाँने नीचा दिकाबा का वाते ने केरियो हूँ, काँके का थाँ तो जणोईस हो के, थाँ माकाँ हरदा में बस्या तका हो अन अटे तईं के, माँ थाँ हाते जीवाँ अन मरबा का वाते त्यार रेवा हाँ।

इपिसियों 6:8

थाँ तो जाणो हो के, पलई हाळी वे कन पलई आजाद, परबू वाँने वणाके भला काम का जस्यान फळ देई।

इब्रानियों 9:27

जस्यान मनकाँ का वाते एक दाण मरणो अन वींका केड़े न्याव वेणो पको हे।

1 पतरस 4:5

पण वाँने जीं जीवता हे कन मरी ग्या हे हाराई ने आपणाँ-आपणाँ काम को लेको-जोको परमेसर ने देणो पड़ी, जो न्याव करबावाळा हे।

परकासितवाक्य 2:23

मूँ वींका बाळकाँ ने मार देऊँ, तो हारी मण्डली ओ जाण जाई के, मूँ मन अन बदी जाणबावाळो हूँ। अन मूँ थाँ हाराई ने थाँका कामाँ के जस्यान बदलो देऊँ।

परकासितवाक्य 22:12

ईसू क्यो, “हुणो, मूँ पगईं आबावाळो हूँ अन आपणाँ हाते थाँका वाते फळ लेन आरियो हूँ, जणी जस्या करम किदा हे वींने वींके करमा का जस्यान फळ देऊँ।