2 कुरिन्थियों 4:16 - नुवो नेम (मेवड़ी नया नियम)

¹⁶ जद्याँ के आपाँ देह कमजोर वेती जारी हे, तद्याँ भी आपाँ निरास ने वेवा हाँ काँके आपणी अंतर-आत्मा नुवी वेती जारी हे।

2 कुरिन्थियों 4:16 Iomraidhean Croise

लूका 11:3

माँके दन भर की रोटी आज माने दे।

रोमियों 12:2

अबे ओर ईं दनियाँ का गेला पे मती चालो, पण थाँका मना ने नवा करन खुद ने बदल लेवो, जणीऊँ थाँ परमेसर की मरजी ने परको अणजाण सको हे, मतलब ज्यो हव अन ज्यो वींने भावे हे अन ज्यो सिद हे।

रोमियों 7:22

काँके मूँ मारी अंतर-आत्मा का मयने तो परमेसर का नेमाऊँ घणो राजी रेवूँ हूँ।

1 कुरिन्थियों 15:58

ईं वाते हो विस्वासी भायाँ विस्वास में बना आगा-पाछा व्या गाटा बण्या तका रेवो अन परबू को काम करबा वाते खुद ने त्यार राको, काँके थाँ तो जाणो हो के, परबू वाते किदो ग्यो काम बेकार ने वे जावे।

2 कुरिन्थियों 12:15

जटा तईं मारी बात हे तो, मारा नके ज्यो कई भी हे, वींने थाँका वाते राजी वेन खरच करूँ अटे तईं के, मूँ खुद ने भी थाँका वाते दी देऊँ। यद्याँ मूँ थाँकाऊँ घणो परेम करूँ हूँतो थाँ कई माराऊँ कम परेम करो?

2 कुरिन्थियों 4:1

आपाँने परबू की दयाऊँ आ सेवा मली हे, अणीऊँ आपाँ निरास ने वेवा हाँ।

इपिसियों 3:16

परमेसर आपणी आत्माऊँ आपणाँ मेमा भरिया धनऊँ थाँकी अंतर-आत्मा जोरावर वेबा का वाते थाँने तागत देवे।

इपिसियों 4:23

जणीऊँ थाँको मन अन आत्मा बदलन नुवी वेणी छावे।

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

तीतूस 3:5

यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे।

1 पतरस 3:4

पण थाँ थाँको मयने का मन ने परबू का वसनऊँ जो सान्ती अन हुदा भावऊँ भरियो तको हे, वणीऊँस खुद ने सजाज्यो, काँके अस्यान को सजणो-धजणो परमेसर का हामे घणो हव हे।

1 पतरस 4:14

यद्याँ मसी का नाम की वजेऊँ थाँने दुक जेलणो अन बेजत वेणो पड़े हे तो थाँ ईंने आसिरवाद हमजो, काँके परमेसर की आत्मा ज्या मेमा की आत्मा हे, वाँ थाँका ऊपरे बणी तकी रेवे हे।