2 कुरिन्थियों 4:10 - नुवो नेम (मेवड़ी नया नियम)

¹⁰ काँके आपाँ दुक जेलन ईसू की मोत में हिस्सेदार वेवा हाँ, जणीऊँ ईसू का जीवन ने आपणी देह में परगट कर सका।

2 कुरिन्थियों 4:10 Iomraidhean Croise

यहुन्ना 14:19

अन थोड़ीक टेम रेग्यो हे पछे ईं दनियाँ में कुई मने ने देकी पण थाँ मने देको। काँके मूँ जीवूँ हूँ अन थाँ भी जीवो।

रोमियों 6:5

यद्याँ आपाँ वींके जस्यान की मोत में वींके हाते एक वेग्या हा, तो वींके पाच्छा जीव उठबा में भी वींके हाते एक वे जावाँ।

रोमियों 6:8

अन यद्याँ आपाँ मसी का हाते मरग्या, तो आपणो विस्वास हे के, आपाँ वींके हाते जीवाँ भी।

रोमियों 8:36

जस्यान सास्तर में लिक्यो हे के, “थाँरा वाते माँ हरेक टेम मोत का हाताँ में हूँप्यो जावा हा। माँने कटबावाळा गारा हमज्या जावे हे।”

2 कुरिन्थियों 1:5

काँके जस्यान आपाँ मसी का हाते दुक में हिस्सेदार हाँ, वस्यानीस आपाँ भी मसी की वजेऊँ परमेसर की हिम्मत में हिस्सेदार हाँ।

2 कुरिन्थियों 1:9

अन माँ माकाँ हरदा में आ बात होचबा लागा के, माँने तो मोत को दण्ड मलग्यो हे, जणीऊँ माँ खुद पे हेलो भरोसो ने करन परमेसर पे भरोसो राका हा, ज्यो मरिया तका ने भी पाच्छा जीवता कर देवे हे।

2 कुरिन्थियों 13:4

ओ हाँच हे के, वींकी कमजोरी की वजेऊँ वींने हूळी पे चड़ायो ग्यो पण वो परमेसर की तागतऊँ जीरियो हे। ओ हाँच हे के, मसी का मयने माँ भी कमजोर हाँ पण थाँकी भलई की वाते परमेसर की तागतऊँ वींके हाते जीवाँ हाँ।

2 कुरिन्थियों 4:11

ईसू की वजेऊँ आपाँ ज्यो जीवता हाँ, मोत का हाताँ में दिदा जावाँ हाँ, जणीऊँ ईसू को जीवन नास वेबावाळी देह में खुला रूप परगट कर सका।

गलातियों 6:17

कागद ने खतम करतो तको मूँ थाँकाऊँ हाता-जोड़ी करूँ हूँ के, अबे मने ओरी दुक देवो मती, काँके मूँ तो पेल्याऊँ आपणी देह में ईसू मसी का घावा ने लेन गुमीरू हूँ।

कुलुसियों 1:24

अबे मूँ ज्यो थाँका वाते दुक ऊटारियो हूँ वणीऊँ मूँ राजी हूँ। मसी की देह रूपी मण्डली का वाते मसी जीं दुक जेल्या हे, वाँमें मूँ हमेस्यान वींका हाते भागीदार बणरियो हूँ।

2 तिमुतियूस 2:11

आ हाँची बात हे, “यद्याँ आपाँ वींके हाते मरिया हाँ, तो वींके हाते पाच्छा जीवा भी।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

1 पतरस 4:14

यद्याँ मसी का नाम की वजेऊँ थाँने दुक जेलणो अन बेजत वेणो पड़े हे तो थाँ ईंने आसिरवाद हमजो, काँके परमेसर की आत्मा ज्या मेमा की आत्मा हे, वाँ थाँका ऊपरे बणी तकी रेवे हे।

परकासितवाक्य 1:17

जद्याँ में वींने देक्यो, तो वाँका पगा में मरिया तका मनक का जस्यान पड़ग्यो। पछे वणा आपणाँ जीमणो हात मारा पे राकन माराऊँ क्यो, “दरपे मती मूँ पेलो अन आकरी हूँ।