2 कुरिन्थियों 3:6 - नुवो नेम (मेवड़ी नया नियम)

⁶ अन वणाईस माने नवा करार का दास वेबा का वाते बलाया हे। आ कस्यी लिकी तकी बात तो ने हे पण आ तो आत्मा को करार हे, काँके लिकी तकी बाताँ तो मनक ने मारे हे पण आत्मा वाँने जीवन देवे हे।

2 कुरिन्थियों 3:6 Iomraidhean Croise

मत्ती 13:52

वाँकाणी वाँने क्यो, “ईं वाते नेमा ने हिकाबावाळा ज्यो परमेसर का राज का चेला बण्या हे, वीं वणी घरवाळा का जस्यान हे ज्यो भण्डारऊँ नई अन जूनी चिजाँ बारणे काड़े हे।”

मत्ती 26:28

काँके यो मारो वो लुई हे, ज्यो एक नुवो वादो हे, ज्यो नरई के पाप की मापी का वाते वेवाड़्यो जावे हे।

मरकुस 14:24

जदी ईसू क्यो, “ओ मारो लुई हे, यो परमेसर का नवा करार की हेन्याणी हे, ज्यो घणा जणा के वाते वेवाड़्यो ग्यो हे।

लूका 22:20

अणीस तरिया जद्याँ वणा खाणो खा लिदो तो ईसू प्यालो लिदो अन क्यो, “ओ प्यालो मारा वीं लुई को हेन्याण हे ज्यो थाँका वाते वेवाड़्यो जारियो हे, ओ परमेसर को नुवो वादो हे।”

यहुन्ना 5:21

जस्यान परमेसर मरिया तका ने उठान जिवावे हे, वस्यानीस मूँ बेटो भी ज्याँने छाऊँ हे, वाँने जीवावूँ हूँ।

यहुन्ना 6:63

परमेसर की आत्मा तो जीवन देबावाळी हे, पण मनकाँ की तागतऊँ कई फायदो ने हे। जीं बचन में थाँकाऊँ क्या हे, वीं आत्मिक जीवन देवे हे।

रोमियों 3:20

काँके नेमा का कामाँऊँ कुई भी मनक परमेसर का हामे धरमी ने बण सके हे। काँके नेमाऊँ तो पाप की ओळकाण वेवे हे।

रोमियों 4:15

मनक नेमा को पालण ने करे तो परमेसर को गुस्सो भड़के हे, पण जटे नेम ईं ने हे वटे नेमा ने तोड़बा की गूंजाइसई कोयने हे?

रोमियों 4:17

सास्तर बतावे हे के, “में थने घणी जात को बापू बणायो हे।” वीं परमेसर की नजरा में अबराम आपणाँ बापू हे, जणी परमेसर पे विस्वास हे। परमेसर मरिया तका ने जीवन देवे हे अन ज्यो ने हे, वींने हामे लावे हे।

रोमियों 7:6

पण अबे आपाँने नेमाऊँ छुटकारो मलग्यो हे। काँके जणा नेमा को आपणाँ पे हक हो, वींका वाते आपाँ मरग्या हा। ताँके पुराणा लिक्या तका नेमाऊँ ने, पण आत्मा की नुवी रितऊँ परमेसर की सेवा करा।

रोमियों 8:2

काँके ईसू मसी में जीवन देबावाळा आत्मा का नेम मने पाप अन मोत का नेमाऊँ छुटकारो देवे हे।

1 कुरिन्थियों 11:25

अन खाणो खाया केड़े अणीस तरियाँ वणा प्यालो लिदो अन क्यो, “यो प्यालो मारा लुई में एक नवो करार हे। जद्याँ भी थाँ ईंमेंऊँ पियो, तद्याँ मने आद करबा का वाते अस्यान करता रेज्यो।”

1 कुरिन्थियों 12:28

अन परमेसर की मण्डली में अलग अलग मनकाँ ने परमेसर अलग अलग रूप में चुण्या हे जस्यान के किंने खन्दाया तका चेला को रूप में, दूजाँ ने परमेसर का आड़ीऊँ बोलबा का रूप में, तीजा ने गरू का रूप में अन किंने तो अचम्बा का काम करबावाळा का रूप में अन किंने तो हव करबावाळा का वरदानाँ में, अन किंने मदत करबावाळा का रूप में अन किंने तो वेवस्ता करबावाळा का रूप में तो किंने तो अलग अलग बोली बोलबावाळा का रूप में चुण्या हे।

1 कुरिन्थियों 15:45

सास्तर में लिक्यो तको हे के, “पेलो मनक आदम हे ज्यो जीवतो प्राणी हे”, पण आकरी मनक मसी हे, ज्यो जीवन देबावाळी आत्मा हे।

1 कुरिन्थियों 3:10

परमेसर की वीं दया के जस्यान, ज्यो मने दिदी गी हे, में एक हूँस्यार कारीगर के जस्यान नीम नाकी, पण वींपे सणई करबावाळो तो कुई ओरी हे। पण हरेक मनक ने ध्यान राकणो हे के, वीं कस्यान काम कररिया हे।

1 कुरिन्थियों 3:5

ओ बतावो अपुलोस कूण अन पोलुस कूण हे? बेस माँ तो परबू का सेवक हाँ, ज्याँके वजेऊँ थाँ विस्वास किदो हो। माकाँ मूँ हाराई बेस वोईस काम कर हे ज्यो परबू माने हूँप्यो हे।

2 कुरिन्थियों 11:23

कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में,

2 कुरिन्थियों 3:14

पण वाँकी अकल बन्द वेगी ही अन वीं अबाणू तईं वणी जूना करार ने भणे हे। ईं वजेऊँ अबाणू भी वोईस परदो वाँकी आक्याँ पे पड़्यो तको हे अन ओ परदा बेस मसीइस छेटी कर सके हे।

2 कुरिन्थियों 3:3

अन थाँ भी तो अस्यानीस दिको हो जस्यान थाँ मसी को कागद हो अन जिंने माकाँ हाते खन्दायो ग्यो हे, जिंने सईऊँ ने लिक्यो ग्यो हे पण ओ परमेसर की आत्माऊँ लिक्यो ग्यो हे अन ईंने भाटा पे ने लिक्यो ग्यो हे पण ईंने मनकाँ का हरदा पे लिक्यो ग्यो हे।

2 कुरिन्थियों 3:7

मूसा का नेम का जस्यान सेवा मोत लेन अई ही, वीं नेम भाटा पे लिकन दिदा ग्या हा। जद्याँ ईं नेम दिदा ग्या हा, वीं टेम परमेसर की मेमा परगट वीं। वीं दाण मूसा को मुण्डो घणो चमकिलो हो पण वाँ चमक धीरे-धीरे कम वेरी ही, तद्याँ भी इजराएल का मनक वींको मुण्डो भी ने देक सक्या।

2 कुरिन्थियों 3:9

जद्याँ दोसी ठेरबावाळी सेवा चमकिली हे, तो पछे परमेसर का हामे सई ठेरबावाळी सेवा वणीऊँ भी हेली चमकिली काँ ने वेई?

गलातियों 3:21

तो पछे ईंको कई मतलब हे, कई नेम परमेसर का वादा का हामे हे? कदी ने हे, काँके यद्याँ अस्या नेम दिदा जाता जीं जीवन दे सके हे। तो हाँची में नेमईस परमेसर का हामे धरमी बणाबा को सादन बण जाता।

इपिसियों 2:1

एक टेम ही, जद्याँ थाँ आपणाँ गुना अन पापाँ का मस आत्मिक जीवन में मरिया तका हा।

इपिसियों 2:5

जद्याँ आपाँ गुना का मस आत्मिक जीवन में मरिया तका हा, तो आपाँने मसी का हाते जिवाया। वाँकी करपाऊँ थाँ बंचाया ग्या हो।

इपिसियों 3:7

मूँ परमेसर की करपा का दानऊँ, जिंने वणा वाँके काम करबावाळी तागतऊँ दिदो, जणीऊँ मूँ हव हमच्यार को दास बण्यो।

1 तिमुतियूस 4:6

यद्याँ थूँ विस्वास्याँ ने आ सला देई, तो थूँ ईसू मसी को हव दास केवाई अन विस्वास की बाताँ अन खरी हिक का वजेऊँ ज्याँने थूँ मानतो आयो हे, वाँकाऊँ थूँ खुद को आत्मिक तरियाऊँ पालण-पोसण करी।

2 तिमुतियूस 1:11

परमेसर मने हव हमच्यार ने हुणाबावाळो, एक हिकाबावाळो अन ईसू को थरप्या तका की जस्यान काम दिदो हे।

इब्रानियों 12:24

अन एक नुवा वादा का बिचोलिया ईसू का नके अन छाट्याँ तका वीं लुईऊँ नके आग्या हो, ज्यो हाबिल का लुईऊँ भी बड़िया वादो करे हे।

इब्रानियों 13:20

जणी गारा का वणी मान गवाळ्याँ आपणाँ परबू ईसू ने वीं अनंतकाल का करार करबावाळा लुईऊँ मरिया तका मेंऊँ पाच्छा जीवता कर दिदा, वीं सान्तीदाता परमेसर, थाँ हाराने हव चिजाँ में धपा दे, जणीऊँ थाँ वाँकी मनसा ने पुरी कर सको। अन ज्यो कई वींने भावे हे, वींने ईसू मसीऊँ आपाँ में पूरो करे। परमेसर की मेमा हमेस्यान वेती रेवे। आमीन।

इब्रानियों 7:22

ईं होगनऊँ ईसू एक ओरी हव करार की गारन्टी देबावाळा बणग्या हे।

इब्रानियों 8:13

नवो करार करन वणी पेला करार ने बेकार ठेरायो हे अन ज्याँ चीज पुराणी अन बेकार वे जावे हे, वींको खतम वेणो जरूरी हे।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 यहुन्ना 1:1

आपाँ वणी जीवन का बचन की बात करा हाँ, ज्यो किंकी भी रचना वेबाऊँ पेल्याई हो, आपाँ ईंने हुण्यो, आपणी आक्याँऊँ देक्यो, ईंपे ध्यान लगायो, अन आपाँ खुद वींके हात अड़ायो।