2 कुरिन्थियों 3:3 - नुवो नेम (मेवड़ी नया नियम)

³ अन थाँ भी तो अस्यानीस दिको हो जस्यान थाँ मसी को कागद हो अन जिंने माकाँ हाते खन्दायो ग्यो हे, जिंने सईऊँ ने लिक्यो ग्यो हे पण ओ परमेसर की आत्माऊँ लिक्यो ग्यो हे अन ईंने भाटा पे ने लिक्यो ग्यो हे पण ईंने मनकाँ का हरदा पे लिक्यो ग्यो हे।

2 कुरिन्थियों 3:3 Iomraidhean Croise

मत्ती 16:16

समोन पतरस जटऊँ क्यो, “थूँ जीवता परमेसर को पूत मसी हे।”

1 कुरिन्थियों 3:5

ओ बतावो अपुलोस कूण अन पोलुस कूण हे? बेस माँ तो परबू का सेवक हाँ, ज्याँके वजेऊँ थाँ विस्वास किदो हो। माकाँ मूँ हाराई बेस वोईस काम कर हे ज्यो परबू माने हूँप्यो हे।

2 कुरिन्थियों 3:6

अन वणाईस माने नवा करार का दास वेबा का वाते बलाया हे। आ कस्यी लिकी तकी बात तो ने हे पण आ तो आत्मा को करार हे, काँके लिकी तकी बाताँ तो मनक ने मारे हे पण आत्मा वाँने जीवन देवे हे।

2 कुरिन्थियों 3:7

मूसा का नेम का जस्यान सेवा मोत लेन अई ही, वीं नेम भाटा पे लिकन दिदा ग्या हा। जद्याँ ईं नेम दिदा ग्या हा, वीं टेम परमेसर की मेमा परगट वीं। वीं दाण मूसा को मुण्डो घणो चमकिलो हो पण वाँ चमक धीरे-धीरे कम वेरी ही, तद्याँ भी इजराएल का मनक वींको मुण्डो भी ने देक सक्या।

2 कुरिन्थियों 6:16

परबू का मन्दर को मूरत्याऊँ कई वेवार? काँके आपाँ खुदईस जीवता परमेसर का मन्दर हा, जस्यान वणा खुदईस क्यो हो, “मूँ वाँका में वास करिया करूँ, वाँका में चालूँ-फरूँ। मूँ वाँको परमेसर वेऊँ अन वीं मारा मनक वेई।

1 थिस्सुलुनिक्यों 1:9

काँके वटा का मनक खुद ईं माकाँ बारा में बतावे हे के, कस्यान माँ थाँका नके आया अन कस्यान थाँ मूरत्याँ ने छोड़न जीवता अन हाँचा परमेसर की सेवा करबा का वाते फरग्या हाँ।

इब्रानियों 10:16

“परबू केवे हे के, वणा दनाँ का केड़े मूँ ज्यो करार वाँकाऊँ करबावाळो हूँ वो ओ हे के, मूँ मारा नेम वाँका काळजा पे लिकूँ अन मूँ वाँके मन में ईं बाताँ नाकूँ।”

इब्रानियों 8:10

अबे परबू केवे हे के, ज्यो करार मूँ इजराएल का घराणाऊँ करूँ। अन ईंका केड़े परबू घोसणा करे हे, वाँके मन में आपणाँ नेम नाकूँ, वाँके काळजा पे मूँ वाँने लिक देऊँ। मूँ वाँको परमेसर वेवूँ अन वीं मारा मनक वेई।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

परकासितवाक्य 2:1

“इपिसुस की मण्डली का दुताँ ने ओ संदेस लिक। जणी हातई तारा आपणाँ जीमणा हात में ले राक्या हे अन होना का हातई दिवा का बचमें में फरे हे वो अस्यान केवे हे के,

परकासितवाक्य 2:12

“पिरगमुन की मण्डली का दुताँ ने ओ लिक। जणा तीकी दोधारी तरवार ले राकी हे वो अस्यान केवे हे के,

परकासितवाक्य 2:18

“थुआतीरा की मण्डली का दुताँ ने ओ लिक। परमेसर को बेटा जिंकी आक्याँ वादी की लपटा का जस्यान हे, अन पग पकई तकी पीतळ का जस्यान चमकरिया हे वो ओ केवे हे के,

परकासितवाक्य 2:8

“स्मुरना की मण्डली का दुताँ ने ओ लिक। ज्यो पेलो अन आकरी हे, ज्यो मरग्यो हो, पण पाछो जीवतो वेग्यो हे, वो अस्यान केवे हे के,

परकासितवाक्य 3:1

“सरदीस की मण्डली का दुताँ ने ओ लिक। जिंका नके परमेसर की हात आत्मा अन हात तारा हे वो अस्यान केवे हे, मूँ थाँका करम जाणूँ हूँ। थाँ जीवता तो केवावो हो, पण हाँची में मरिया तका हो।

परकासितवाक्य 3:14

“लोदकिया की मण्डली का दुताँ ने ओ लिक। ज्यो आमीन हे, विस्वास जोगो, हाँचो गवा हे अन हारी रचना को मुल हे, वो अस्यान केवे हे के,

परकासितवाक्य 3:22

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे।”

परकासितवाक्य 3:7

“फिलोदेलफीया की मण्डली का दुताँ ने ओ लिक। वीं ज्यो पुवितर अन हाँचा हे अन जिंका नके दाऊद राजा का नगर की कुस्याँ हे अन वो जणी बारणा ने खोले हे वींने कुई भी जड़ ने सके अन जिंने वो जड़ हे वींने कुई खोल ने सके। ओ अस्यान केवे हे के,