2 कुरिन्थियों 2:3 - नुवो नेम (मेवड़ी नया नियम)

³ ईंवातेइस में थाँने आ बात पेल्या लिकी ही के, जद्याँ मूँ थाँका नके आऊँ तो वाँ मनकाँऊँ ज्यो मने राजी राके हे, वाँकी वजेऊँ मने दुक ने वेवे, काँके मूँ थाँ हारई पे विस्वास करूँ हूँ के, थाँ मारे राजी रेवाऊँइस राजी रेवो हो।

2 कुरिन्थियों 2:3 Iomraidhean Croise

1 कुरिन्थियों 4:21

थाँ कई छावो हो के, कई मूँ थाँका नके कामड़ी लेन अऊँ कन परेम अन दया की आत्मा का हाते अऊँ।

2 कुरिन्थियों 1:15

अन ईं भरोसा की वजेऊँ मूँ थाँका नके पाछो आबा का वाते ते किदो हो, जणीऊँ मूँ थाँने दो दाण आसिरवाद ले सको।

2 कुरिन्थियों 1:23

गवई का रूप में परमेसरऊँ अरज करतो तका अन मारा जीवन का होगन खान कूँ हूँ के, मूँ पाछो कुरिन्तुस में ईं वाते ने आयो हो काँके मूँ थाँने दकऊँ बंचाणा छातो हो।

2 कुरिन्थियों 12:11

मूँ बेण्डा मनक का जस्यान बतारियो हूँ पण अस्यान करबा वाते थाँईस मारा ऊपरे जोर दिदो हे। जद्याँ के, मूँ तो कई भी ने हूँ पण थाँ तो मारी बड़ई करणा छाता हाँ, काँके मूँ थाँका वाँ “मोटाऊँ मोटा खन्दाया तका चेलाऊँ” की कणी भी बात में कम ने हूँ।

2 कुरिन्थियों 12:21

मने आ भी दरपणी लागे हे के, जद्याँ मूँ थाँकाऊँ मलबा आऊँ तो थाँका हामे मारो परमेसर मने हरमा ने मारे। मने वाँका वाते ज्यो पेल्याँ पाप किदो हो जस्यान कुकरम, हूगळोपणो अन भोग-विलास में जीव जियो हो अन आ बाताँ ने करबा का केड़े भी वीं आपणाँ मन ने ने फेरिया, वाँ वाते रोणो ने पड़े।

2 कुरिन्थियों 13:10

ईं वाते थाँकाऊँ छेटी रेतो तका भी मूँ ईं बाताँ थाँका वाते लिकरियो हूँ जणीऊँ की जद्याँ मूँ थाँका नके आऊँ तो मने परबू का दिदा तका हक ने कल्डा रूप में काम ने लेणो पड़े। यो हक थाँने नाकबा का वाते ने हे, पण थाँने बणाबा का वाते हे।

2 कुरिन्थियों 2:9

अन में ओ देकबा का वाते या बात लिकी ही के, थाँ परक में खरा निकळो के ने अन हारी बाताँ में मानबावाळा हो कन ने।

2 कुरिन्थियों 7:12

ईं वाते मारो थाँने कागद लिकबा को ओ मतलब ने हो के, मूँ थाँने बताऊँ के, कूण दोसी हे अन वींका बारा में के, किंका खिलाप में गुनो किदो ग्यो हे, पण ईं वाते लिक्यो हो के, परमेसर का हामे थाँने खुद पतो पड़ जावे के, थाँ माँकी करती मानो हो।

2 कुरिन्थियों 7:16

मूँ राजी हूँ के, थाँका पे मूँ पूरो भरोसो राक सकूँ हूँ।

2 कुरिन्थियों 7:6

पण दन-दक्या मनकाँ ने सक सान्ती देबावाळा परमेसर तीतूस ने मारा नके खन्दान मारी हिम्मत बड़ई हे।

2 कुरिन्थियों 7:8

जद्याँ के में थाँने कागद लिकन दुक दिदो हे पण मने वींने लिकबा को नामेक भी दुक ने हे। जद्याँ के पेल्याँ मने ईं बात को दुक व्यो हो, पण अबे मने पतो हे के, वीं कागदऊँ थाँने थोड़ोकइस दुक व्यो।

2 कुरिन्थियों 8:22

वाँका हाते माँ माकाँ एक ओरी भई ने खन्दारिया हाँ, जिंने माँ घणी बाताँ में अन घणी दाण भलई करबा का वाते त्यार देक्यो हे अन अबे वींने थाँका पे घणो विस्वास हे, जणीऊँ वींने थाँकी मदत करबा की मरजी घणी हेली वेगी हे।

गलातियों 5:10

परबू में मने थाँका पे पूरो भरोसो हे के, थाँ दूजी कस्याई बच्यार ने मानो, पण जीं थाँने भटकाणा छावे हे, वो पलई कुई भी वे, वींने तो परमेसर जरुर सजा देई।

2 थिस्सुलुनिक्यों 3:4

परबू में माँने थाँका वाते पाको विस्वास हे अन थाँका बारा में माँने कई चन्ता ने हे के, जस्यान माँ थाँने करबा वाते क्यो हो थाँ वस्यानीस कररिया हो अन करता रेवो।

फिलेमोन 1:21

मूँ विस्वास करूँ हूँ के, थूँ मारी आग्या को पालण करे हे। थाँरा पे यो विस्वास राकन ओ कागद मूँ थने लिकरियो हूँ। मूँ जाणूँ हूँ के, मूँ जतरो थाँराऊँ केरियो हूँ वणीऊँ भी थूँ हेलो करी।