2 कुरिन्थियों 2:14 - नुवो नेम (मेवड़ी नया नियम)

¹⁴ परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे।

2 कुरिन्थियों 2:14 Iomraidhean Croise

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

रोमियों 1:8

हाराऊँ पेली मूँ थाँका हाराई वाते ईसू मसी में परमेसर को धन्नेवाद दूँ हूँ, काँके हारी दनियाँ थाँका विस्वास का बारा में हुणरी हे।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

रोमियों 6:17

पण परमेसर को धन्नेवाद वे के, थाँ ज्यो पाप का दास वेबा पे भी थाँ वणी हिक ने मानी, ज्या थाँने हूँपी गी ही।

रोमियों 8:37

अणा हारी बाताँ में माँकाऊँ परेम करबावाळा की वजेऊँ माँ जीतबावाळाऊँ भी बड़कर हा।

1 कुरिन्थियों 12:8

अन ईं आत्माऊँ किंने तो अकलऊँ बात करबा को अन वणीइस आत्माऊँ दूजाँ ने ग्यानऊँ बात करबा को वरदान दिदो जावे हे।

1 कुरिन्थियों 15:37

अन जिंने थाँ वायो हे वो उगबावाळो पोदो कोयने पण वो तो दाणो हे पलई वो गऊँ को वे कन ओरी किंको भी दाणो वे।

1 कुरिन्थियों 15:57

पण परमेसर को धन्नेवाद वे के, वणा आपाँने परबू ईसू मसीऊँ मोत पे जीत देवाड़ी हे।

2 कुरिन्थियों 1:11

अन यद्याँ थाँ भी थाँकी परातना में माँने आद करन मदत किदी तो जीं मनक माकाँ वाते अरज करे हे के, माकाँ पे परबू की दया वे, अन परमेसर ज्यो माकाँ वाते किदो हे वींका वाते वणा मनकाँ ने भी धन्नेवाद देबा को मोको मल जाई।

2 कुरिन्थियों 8:16

परबू को धन्नेवाद वे, ज्यो तीतूस का हरदा में थाँकी चन्ता करबा का वाते वस्यानीस मरजी दिदी हे, जस्यान की मरजी मारा हरदा में हे।

2 कुरिन्थियों 9:15

परमेसर का वणी वरदान का वाते वींको धन्नेवाद वे, जिंको बखाण ने करियो जा सके हे।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 5:20

अन हरदाण हारी बाताँ का वाते आपणाँ परबू ईसू मसी का नामऊँ आपणाँ बापू परमेसर को धन्नेवाद करता रेवो।

फिलिपियों 4:18

थाँ ज्यो खन्दायो हो वो मने मल्यो हे, वो मारा वाते नरोई हे। अबे ज्यो कई छारियो हे वो मारा नके हे। थाँ ज्यो खन्दायो हो इपापरदितुस मने दिदो हे। ईं चिजाँ परमेसर ने हव लागबा वाळी बली का जस्यान हे अन अणाने वीं माने हे अन अणीऊँ वीं राजी हे।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 2:15

अन हाराई बुरा आत्मिक परदानाँ अन बुरी सगत्याँ का हत्यार कोसन हूळीऊँ वाँको हाराई का हामे तमास्यो किदो अन वाँने आपणे पाच्छे कर नाक्या अन जीत को जुलस काड़्यो।

1 थिस्सुलुनिक्यों 1:8

काँके परबू का बचन थाँका नकेऊँ मकिदुनिया अन अखाया मेंईस ने हुणायो ग्यो, पण ईं वजेऊँ परमेसर पे थाँका विस्वास की चरचा हारी जगाँ में फेलगी हे। ईं वाते माँने कई केवाँ की जरुतई ने पड़ी।

1 थिस्सुलुनिक्यों 3:9

अबे माँ थाँका वाते परमेसर ने धन्नेवाद दे सका हाँ। थाँकी वजेऊँ ज्यो आणन्द परमेसर हामे माँने मल्यो हे वणी वाते माँ वींको घणो धन्नेवाद देवाँ हाँ।

1 तिमुतियूस 2:8

ईं वाते अबे मूँ छावूँ हूँ के, हरेक जगाँ मनक लड़ई-जगड़ो अन बुरा काम ने करे, पण आपणाँ हात-जोड़न परातना करिया करे।

2 तिमुतियूस 2:2

परमेसर को परच्यार करती दाण नरई गवा की मोजुदगी में, जीं बाताँ थें माराऊँ हिकी हे, वाँने विस्वास जोगा मनकाँ ने हूँप दे, जीं दूजाँ ने हिकाबा को मन राकता वेवे।

परकासितवाक्य 7:12

पछे वणा क्यो, “आमीन! आपणाँ परमेसर की जे-जेकार, मेमा, अकल, धन्नेवाद, मान, तागत अन सगती हमेस्यान बणी तकी रेवे। आमीन।”