2 कुरिन्थियों 13:14 - नुवो नेम (मेवड़ी नया नियम)

¹⁴ थाँका पे परबू ईसू की दया अन परमेसर बापू को परेम अन पुवितर आत्मा को छतर-छाया थाँका हाराई पे वेती रेवे।

2 कुरिन्थियों 13:14 Iomraidhean Croise

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

यहुन्ना 4:10

ईसू वींने जवाब दिदो, “यद्याँ थूँ परमेसर का दान ने जाणती, अन ओ भी जाणती वो कुई हे, ज्यो थाँराऊँ केवे हे, ‘मने पाणी पा’, तो थूँ वणीऊँ मांगती अन वो थने जीवन को जळ देतो।”

यहुन्ना 4:14

पण ज्यो कुई वो पाणी पीई ज्यो मूँ वाँने देऊँ, वाँने पाच्छी कदी तर ने लागे। पण ज्यो पाणी मूँ वाँने देवूँ, वो वींमें अनंत जीवन देबावाळी नंदी बण जाई।”

यहुन्ना 7:38

ज्यो कुई मारा में विस्वास केरी, जस्यान पवितर सास्तर बतावे हे के, ‘वींका मेंऊँ जीवन का पाणी की नंद्‍याँ वेबा लागा जई।’”

थरप्या तका का काम 15:11

पण, माँ ओ विस्वास कराँ हा के, माँ परबू ईसू की करपाऊँ बंचाया ग्या हा, जस्यान के वे।”

रोमियों 16:20

सान्ती देबावाळा परमेसर वेगोई सेतान ने थाँका पगा का रेटे नाक देई। आपणाँ परबू ईसू की दया थाँका पे वेवे।

रोमियों 16:23

मारी अन हारी मण्डली की खातरदारी करबावाळा गयुस को थाँने नमस्कार। इरास्तुस ज्यो नगर को भण्डारी हे अन आपणाँ भई क्कारतुस को थाँने नमस्कार।

रोमियों 16:27

ईसू मसी का जरिये बेस एकलोता ग्यान का समन्द परमेसर की मेमा जुग-जुग तईं वे। आमीन!

रोमियों 5:5

अन आ आस आपाँने निरास ने वेबा दे, काँके पुवितर आत्मा ज्यो आपाँने ज्यो दिदी गी हे, वींकाऊँ परमेसर को परेम आपणाँ मन में उन्दायो जावे हे।

रोमियों 8:39

अन ने उचाई, ने गेराई अन ने जग की कुई चीज आपाँने परमेसर का वीं परेमऊँ अलग कर सकी, ज्यो आपणाँ परबू ईसू मसी में हे।

रोमियों 8:9

पण यद्याँ हाँची में थाँकामें परमेसर की आत्मा वास करे हे तो थाँ देह की मरजी का जस्यान ने जीवो, पण आत्मा का जस्यान जीवो। यद्याँ किंमें ईसू मसी की आत्मा ने हे तो वो मसी को ने हे।

1 कुरिन्थियों 12:13

काँके आपाँ हाराई में पलई यहूदी वो, पलई ज्यो यहूदी ने हे वीं वो, पलई दास वो, पलई आजाद वे, आपाँ हाराई ने एकीस आत्माऊँ एकीस देह वेबा का वाते बतिस्मो दिदो ग्यो हे अन आपाँने एकीस आत्मा दिदी गी हे।

1 कुरिन्थियों 14:16

काँके यद्याँ थूँ आत्माऊँइस धन्नेवाद देवे तो वटे ऊबा तका अविस्वासी मनक कस्यान केई के, अस्यानीस वेवे (आमीन), काँके वीं ने जाणे के, थूँ कई केरियो हे?

1 कुरिन्थियों 16:23

परबू ईसू की दया थाँका पे वेती रेवे।

1 कुरिन्थियों 3:16

कई थाँ ने जाणो के, थाँ परमेसर का मन्दर हो अन परमेसर की आत्मा थाँकामें वास करे हे।

1 कुरिन्थियों 6:19

कई थाँ ने जाणो हो के, थाँकी देह पुवितर आत्मा को मन्दर हे, ज्यो थाँकामें बसी तकी हे अन थाँने परमेसर का आड़ीऊँ मली हे अन वाँ थाँकी खुद की ने हे। थाँ खुदऊँ ने पण परमेसर का हो।

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

इपिसियों 2:18

काँके मसीऊँइस आपीं दुई एक पुवितर आत्माऊँ बापू परमेसर का नके पोछ सका।

इपिसियों 2:22

वाँके हाते गट-जोड़ऊँ आपाँ हाराई भी परमेसर का वाते पुवितर आत्माऊँ वाँके रेवा को मेल बणाया जारिया हो।

इपिसियों 5:9

काँके उजाळा को फळ हाराई तरियाँ की भलई, ज्यो परमेसर छावे वो करणो अन हाँच हे।

इपिसियों 6:23

बापू परमेसर अन परबू ईसू मसी का आड़ीऊँ भायाँ ने सान्ती अन परेम, विस्वास का हाते मले।

फिलिपियों 2:1

यद्याँ मसी थाँकी हिम्मत बड़ावे, वाँको परेम थाँने धिज्यो देवे, पुवितर आत्मा थाँके हाते रेवे, अन थाँ एक-दूँजा का वाते दया अन बाळ राको हो

1 यहुन्ना 1:3

माँ वींने देक्यो अन हुण्यो हे। अन अबे थाँकामें भी वींके बारा में परच्यार करा हाँ, जणीऊँ थाँ भी मारा हाते भेळा वे जावो। काँके आपाँ परम बापू अन वींकी बेटा ईसू मसी का हाते भेळा हा।

1 यहुन्ना 3:16

ईसू मसी आपाँ वाते आपणाँ जीवन त्याग कर दिदो हो, ईं वजेऊँ आपाँ जाण सका हाँ के, परेम कई हे? ईं वाते आपाँने भी आपणाँ भायाँ वाते जान भी देणी का वाते त्यार रेणो छावे।

1 यहुन्ना 3:24

अन ज्यो भी मनक परमेसर को आदेस माने हे वींका में परमेसर को वास रेवे हे अन वो मनक परमेसर में बण्यो तको रेवे हे। अन पुवितर आत्मा की वजेऊँ ज्या आपाँने दिदी गी, वणीऊँ ओ जाण सका हाँ के, आपणाँ मयने परमेसर को रेवास हे।

यहूदा 1:21

आपणाँ परबू ईसू मसी की वाट नाळता रेज्यो काँके वोईस थाँने जुग-जुग को जीवन देई। ईं वाते परमेसर की भगती करबा में मन लगाज्यो।