2 कुरिन्थियों 12:20 - नुवो नेम (मेवड़ी नया नियम)

²⁰ काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

2 कुरिन्थियों 12:20 Iomraidhean Croise

रोमियों 1:29

अन वीं हाराई तरिया का अधरम, बुरई, लोब, बुरी आदत, रिस्याँ बळणो, हत्या, लड़ई, धोको, बुरी भावना अन आमी-हामीऊँ भरग्या।

रोमियों 1:30

वीं गाळ्याँ-गळोच करबावाळा, परमेसरऊँ घरणा करबावाळा, दंगो करबावाळा, मेपणो करबावाळा, फोकटी बाताँ करबावाळा, बुरई करबा का वाते नुवी तरकिब होदबावाळा, बई-बापू की आग्याने ने मानबावाळा।

रोमियों 2:8

पण दूजाँ ज्यो हवारती हे, हाँचने कोयने माने, पण बुरई करे हे, वाँका पे परमेसर को गुस्सो अन रीस पड़ी।

1 कुरिन्थियों 1:11

काँके खलोए का घराणा का मनक मने थाँ विस्वासी भायाँ का बारा में बतायो हे के, थाँ आपस में एक-दूजाऊँ लड़रिया हो।

1 कुरिन्थियों 14:33

काँके परमेसर गड़बड़ी करबावाळा परमेसर कोयने पण सान्ती देबावाळा हे, जस्यान परमेसर का मनकाँ की मण्डळ्याँ में हे,

1 कुरिन्थियों 5:2

अणी बात पे थाँ होक भी ने करो हो, थाँने ओ छावे के, थाँ अस्यो काम करबावाळो थाँका बचमेंऊँ निकाळ दो, पण थाँ तो मेपणो करो हो।

2 कुरिन्थियों 1:23

गवई का रूप में परमेसरऊँ अरज करतो तका अन मारा जीवन का होगन खान कूँ हूँ के, मूँ पाछो कुरिन्तुस में ईं वाते ने आयो हो काँके मूँ थाँने दकऊँ बंचाणा छातो हो।

2 कुरिन्थियों 10:2

अबे मारी थाँकाऊँ परातना हे के, जद्याँ मूँ थाँका नके अऊँ, तद्याँ मने वणा मनकाँ का विरोद में कल्ड़ो वेवार करबा की जरूत ने पड़ी जीं अस्यान होचे हे के, माँ दनियाँ को जीवन जीवाँ हाँ।

2 कुरिन्थियों 10:6

यद्याँ थाँ हारी आग्या ने पुरी तरियाऊँ मानबावाळा बण जावो, तो माँ वाँ हाराई ने ज्यो आग्या ने माने वाँने दण्ड देबा का वाते त्यार हाँ।

2 कुरिन्थियों 12:21

मने आ भी दरपणी लागे हे के, जद्याँ मूँ थाँकाऊँ मलबा आऊँ तो थाँका हामे मारो परमेसर मने हरमा ने मारे। मने वाँका वाते ज्यो पेल्याँ पाप किदो हो जस्यान कुकरम, हूगळोपणो अन भोग-विलास में जीव जियो हो अन आ बाताँ ने करबा का केड़े भी वीं आपणाँ मन ने ने फेरिया, वाँ वाते रोणो ने पड़े।

2 कुरिन्थियों 13:2

जद्याँ मूँ दूजी दाण थाँका हाते हो, तो मूँ थाँने चेताया हाँ अन अबे जद्याँ के, मूँ थाँकाऊँ छेटी हूँ, तो भी मूँ थाँने पाच्छा चेतारियो हूँ के, यद्याँ मारो पाछो थाँका नके आणो व्यो तो जणा पाप किदो हे वाँने अन बाकी दूजाँ मनकाँ ने भी ने छोड़ूँ।

2 कुरिन्थियों 2:1

में पेल्याइस ते कर मेल्यो हो के, मूँ थाँने तापड़न दुक देबाने पाछो थाँका नके ने आऊँ।

गलातियों 5:15

पण थाँ तो आपस में एक-दूजाऊँ बेर राको हो, अन यद्याँ थाँ अस्यानीस करता रिया तो ध्यान राकज्यो के, एक दन आपस में एक दूजाँ ने मार ने नाको।

गलातियों 5:26

आपाँने ने तो मेपणो करबावाळा अन ने एक-दूँजा ने हताबावाळा, अन नेई रिस्याँ बळाबावाळा बणणा छावे।

याकूब 4:11

हो भायाँ, थाँ एक दूजाँ ने बदनाम मत करो। अन ज्यो कुई आपणाँ भई ने बदनाम करे हे अन दोस लगावे हे। अस्यान करन वो नेमा का विरोद में बोले हे अन नेमा ने दोसी ठेरावे हे। अस्यान करबाऊँ थाँ नेमाने मानबावाळा ने, पण वींका न्याव करबावाळा बण जावो हो।

1 पतरस 2:1

ईं वाते थाँ छळ, ढोग, वेर भाव, कपट, दूजाँ पे दोस लगाणो अस्यी बुरईऊँ बंचन रेज्यो।

2 पतरस 2:18

ईं मनक बेकार में मेपणा की बाताँ करन कुकरम की कामाँ के वजेऊँ वणा मनकाँ ने जीं अबे भटक्या तका मनक मेंऊँ निकाळणो छारियो हे वाँने देह की मनसा में फसा लेवे हे।

यहूदा 1:16

काँके ईं मनक बड़बड़ाबावाळा, दूजाँ मनकाँ पे दोस लगाबावाळा, आपणी मरजी पुरी करबावाळा, मोटी-मोटी बाताँ करबावाळा अन आपणाँ नफो करबा का वाते दूजाँ की चमचागीरी करबावाळा हे।