2 कुरिन्थियों 12:19 - नुवो नेम (मेवड़ी नया नियम)

¹⁹ अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ।

2 कुरिन्थियों 12:19 Iomraidhean Croise

रोमियों 12:19

मारा लाड़ला, कणीऊँ खुद बदलो मती लो, पण ईंने परमेसर का गुस्सा ने मोको दो, काँके सास्तर में लिक्यो हे के, “परबू क्यो, बदलो लेणो मारो काम हे, ईंको फळ मूँ देऊँ।”

रोमियों 14:19

तो, वणा बाताँ में लाग्या रेवो, जीं सान्ती बड़ावे हे अन एक दूजाँ की आत्मिक बढोतरी में मदत मले हे।

रोमियों 15:2

आपणाँ मेंऊँ हाराई जणा दूजाँ की भलई का वाते राजी करणा छावे, ताँके वीं विस्वास में गाटा वेवे।

रोमियों 9:1

मूँ मसी में हाँची बोलरियो हूँ। मूँ जूट ने बोलूँ अन मारो मन ज्यो पुवितर आत्माऊँ मारी गवई देवे हे

1 कुरिन्थियों 10:14

ईं वाते हो मारा प्यारा भायाँ, मूरती पूँजाऊँ बंचन रो।

1 कुरिन्थियों 10:33

जस्यान मूँ हारी बाताँऊँ हाराई ने राजी राकूँ हूँ, अन आपणो ने पण दूजाँ को नफो देकूँ हूँ के, वीं बंचाया जावे, वस्यानीस थाँ भी करिया करो।

1 कुरिन्थियों 14:26

हो विस्वासी भायाँ जद्याँ थाँ भेळा वेवो तो थाँने कई करणो छावे? थाँ तो जद्याँ भी भेळा वेवो हो तद्याँ थाँ भजन अन बचन, परमेसर का दरसण का बारा मेंईस बखाण करो हो। कुई अलग अलग बोली बोले हे अन कुई वीं बोली को मतलब बतावे हे। अन ईं हारी बाताँऊँ मण्डली आत्मिक रूप में गाटी वेणी छावे।

2 कुरिन्थियों 10:8

मूँ मारा वीं हक की वजेऊँ ज्यो परबू मने दिदो हे वींपेईस मेपणो करूँ अन ओ हक परबू माँने थाँने बगाड़वा का वाते ने दिदो हे पण थाँने बणाबा का वाते दिदो हे। ईं वाते मूँ हरमा ने मरूँ।

2 कुरिन्थियों 11:10

यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी।

2 कुरिन्थियों 11:31

आपणाँ परबू ईसू मसी का बापू परमेसर की हमेस्यान मेमा वेती रेवे, वीं जाणे के, मूँ जूट ने बोलूँ हूँ।

2 कुरिन्थियों 12:15

जटा तईं मारी बात हे तो, मारा नके ज्यो कई भी हे, वींने थाँका वाते राजी वेन खरच करूँ अटे तईं के, मूँ खुद ने भी थाँका वाते दी देऊँ। यद्याँ मूँ थाँकाऊँ घणो परेम करूँ हूँतो थाँ कई माराऊँ कम परेम करो?

2 कुरिन्थियों 13:10

ईं वाते थाँकाऊँ छेटी रेतो तका भी मूँ ईं बाताँ थाँका वाते लिकरियो हूँ जणीऊँ की जद्याँ मूँ थाँका नके आऊँ तो मने परबू का दिदा तका हक ने कल्डा रूप में काम ने लेणो पड़े। यो हक थाँने नाकबा का वाते ने हे, पण थाँने बणाबा का वाते हे।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 3:1

कई माँ माँकी बड़ई खुदईस करबा लागा हाँ? कन माँ दूजाँ मनकाँ का जस्यान जेग को कागद लिकन थाँने देणो छावाँ कन थाँकाऊँ लेणो छावाँ हा?

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

1 थिस्सुलुनिक्यों 5:11

ईं वाते जस्यान थाँ करता आरिया हो वस्यानीस एक दूजाँ ने जेलो देन हिम्मत बड़ाता रेवो अन विस्वास में गाटा करता रेवो।

इब्रानियों 6:9

पण हो मारा भायाँ, माँ ईं बाताँ केवा हाँ, तद्याँ भी थाँका बारा में माँ अणीऊँ बड़िया बाताँ को भरोसो करा हाँ, जीं मुगती का बारा में हे।