2 कुरिन्थियों 12:16 - नुवो नेम (मेवड़ी नया नियम)

¹⁶ थाँ विस्वास करो हो के, में थाँका पे घणो मोटो बोज ने नाक्यो हो। पण थाँकामूँ कुई केवे हे के, मूँ ठग हूँ अन में थाँने मारी चाल में फसा दिदा हे।

2 कुरिन्थियों 12:16 Iomraidhean Croise

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 11:20

मने विस्वास ने वेरियो के, कुई थाँने दास बणावे, थाँको बुरो भी करे, यद्याँ कुई थाँने जाळ में फसावे, अन खुद ने थाँकाऊँ मोटो बणावे अन कुई थाँका मुण्डा में जापट मारे तो थाँ वींने सेण करो हो।

2 कुरिन्थियों 12:13

थाँ कस्यी बात में दूजी मण्डळ्याऊँ न्यारा हो? बेस अणीऊँ के, में मारो बोज थाँका ऊपरे ने नाक्यो हो। मने ईं काम का वाते थाँ माप करो।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 6:8

माँ इजत, अपमान में अन मान पाबा में अन बेजत वेबा में आगे राका हाँ। माँने मनक ठग हमजे हे, जद्याँ के माँ हाँचा हाँ।

2 कुरिन्थियों 7:2

थाँ थाँका हरदा में माँने जगाँ दिज्यो। माँ किंको भी कई ने वगाड़्यो हे, ने माँ किंका हरदा ने दुक दिदो हे अन ने माँ किंकोई कई नफो उटायो हे।

1 थिस्सुलुनिक्यों 2:3

काँके माँको उपदेस जूटो, धोको देबावाळो अन छळ-कपट करबावाळो ने हे।

1 थिस्सुलुनिक्यों 2:5

थाँ ईं बात ने हव तरियाऊँ जाणो हो के, माँ कदी फोगट की बड़ाई की बाताँ ने किदी अन नेई लोब-लाळच का वाते कस्यो बानो बणायो। ईं बात का परमेसर भी गवा हे।

1 पतरस 2:3

काँके जस्यान पुवितर सास्तर में लिक्यो तको हे के, “अबे थाँने पतो लागग्यो हे परबू थाँका वाते करता दयाळू हे।”