2 कुरिन्थियों 12:14 - नुवो नेम (मेवड़ी नया नियम)

¹⁴ अबे मूँ तीजी दाण थाँका नके आबा वाते त्यार हूँ, पण मूँ थाँका ऊपरे बोज ने बणूँ। काँके मने थाँकी धन-दोलत को लालच ने हे पण थाँको लालच हे। अन ने बाळक ने आपणाँ बई-बापू वाते धन भेळा करबा की जरूत ने वेवे हे पण बई-बापू ने बाळक वाते धन भेळा करबा की जरूत वेवे हे।

2 कुरिन्थियों 12:14 Iomraidhean Croise

थरप्या तका का काम 20:33

में कणी भी मनक की चाँदी अन होना अन गाबा को लाळच ने किदो।

1 कुरिन्थियों 10:24

कने भी आपणाँ हवारत का बारा मेंईस ने होचणो छावे पण दूजाँ लोगाँ की जरूत का बारा में भी होचणो छावे।

1 कुरिन्थियों 10:33

जस्यान मूँ हारी बाताँऊँ हाराई ने राजी राकूँ हूँ, अन आपणो ने पण दूजाँ को नफो देकूँ हूँ के, वीं बंचाया जावे, वस्यानीस थाँ भी करिया करो।

1 कुरिन्थियों 11:34

यद्याँ किंने हाँची में जोरऊँ भूक लागरी वे, तो वींने घरेइस खाणो खा लेणो छावे, ताँके थाँको वटे भेळो वेणो दण्ड को मस ने बणे अन दूजी बाताँ ने जद्याँ मूँ आऊँ तद्याँईस थाँने हमजाऊँ।

1 कुरिन्थियों 16:5

मूँ मकिदुनिया वेता तको थाँका नके आऊँ, काँके मारो मकिदुनिया जाणो जरूरी हे।

1 कुरिन्थियों 4:19

पण परबू छाई तो मूँ थाँका नके फटाकऊँ आऊँ, अन पछे वणा मेपणो करिया हा वणा मनकाँ की बाताँ नेईस ने पण वाँकी तागत ने भी जाण लेऊँ।

1 कुरिन्थियों 9:12

जद्याँ दूजाँ को थाँका पे ओ अदिकार हे, तो कई माँको अणीऊँ हेलो कोयने? पण माँ ओ अदिकार काम में ने लिदो, पण हारोई सेण करता रिया के, माँकाऊँ मसी का हव हमच्यार में कई रोक-टोक ने वेवे।

1 कुरिन्थियों 9:18

ईं वाते मारी दानकी कस्यी हे? के जद्याँ हव हमच्यार को परच्यार करूँ तो बना दानकी लेन करूँ हूँ, ताँके हव हमच्यार को परच्यारऊँ ज्यो पाबा को मने अदिकार हे, मूँ वींने पूरो काम में ने लूँ।

1 कुरिन्थियों 9:19

काँके में हाराऊँ आजाद वेबा पे भी आपणाँ खुद ने हारोई को दास बणा दिदो हे, ताँके नरई लोगाँ का मन ने मसी का वाते जीत सकूँ।

2 कुरिन्थियों 1:15

अन ईं भरोसा की वजेऊँ मूँ थाँका नके पाछो आबा का वाते ते किदो हो, जणीऊँ मूँ थाँने दो दाण आसिरवाद ले सको।

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।

2 कुरिन्थियों 12:13

थाँ कस्यी बात में दूजी मण्डळ्याऊँ न्यारा हो? बेस अणीऊँ के, में मारो बोज थाँका ऊपरे ने नाक्यो हो। मने ईं काम का वाते थाँ माप करो।

गलातियों 4:19

हो लाड़ला बाळकाँ, जद्याँ तई थाँ मसी का रूप में ने बण जावो, वीं टेम तईं मूँ छोरा-छोरी जणवा की टेम वेबावाळी तकलिप का जस्यान दुक सेण करतो रेऊँ हूँ।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

फिलिपियों 4:17

ओ ने के, मूँ दानकी आस राकूँ हूँ, पण मूँ ओ छावूँ हूँ के, थाँका खाता में आसीस जुड़तो जावे।

1 थिस्सुलुनिक्यों 2:11

थाँ जाणो हो के, जस्यान बापू आपणाँ बाळक का हाते वेवार करे हे वस्यानीस माँ भी थाँने हरेक ने उपदेस देन, सान्ती देन अन हमजाता हाँ।

1 थिस्सुलुनिक्यों 2:8

पण थाँका परेम में, माँ थाँने खाली हव-हमच्यारइस ने हुणायो, पण ईंका हाते माँ थाँका वाते जान देबा ने भी राजी हाँ, काँके थाँ माकाँ खास भई बणग्या हा।