2 कुरिन्थियों 12:11 - नुवो नेम (मेवड़ी नया नियम)

¹¹ मूँ बेण्डा मनक का जस्यान बतारियो हूँ पण अस्यान करबा वाते थाँईस मारा ऊपरे जोर दिदो हे। जद्याँ के, मूँ तो कई भी ने हूँ पण थाँ तो मारी बड़ई करणा छाता हाँ, काँके मूँ थाँका वाँ “मोटाऊँ मोटा खन्दाया तका चेलाऊँ” की कणी भी बात में कम ने हूँ।

2 कुरिन्थियों 12:11 Iomraidhean Croise

लूका 17:10

अणी तरियाँ थाँ भी जद्याँ वणा हाराई कामाँ ने कर नाको। ज्याँकी आग्या थाँने दिदी गी हे, तो अस्यान केज्यो के, ‘माँ तो हुदा-हादा दास हा, ज्यो माँने करणो छावे वोईस माँ किदो।’ ”

1 कुरिन्थियों 13:2

अन यद्याँ मूँ परमेसर की बाताँ भी बता सकूँ अन मूँ हारोई भेद भी खोल सकूँ, हारोई ग्यान भी जाण जऊँ अन मने अटे तईं विस्वास भी वे के, मूँ मंगरा ने भी हरका सकूँ हूँ, पण परेम ने करूँ, तो मूँ कई भी ने हूँ।

1 कुरिन्थियों 3:22

पछे पलई पोलुस वे, अपुलोस वे कन केफा हो पलई दनियाँ वे, जीवन वे कन मोत, पलई ईं आज की बाताँ वे कन आबावाळा दन की वी, हारोई थाँकोईस हे।

2 कुरिन्थियों 1:6

अन यद्याँ माँ कळेस भोगा हाँ तो थाँकी हिम्मत अन थाँने बंचाबा का वाते भोगा हाँ अन माँ राजी हा काँके थाँ राजी हो अन थाँको राजी रेणोइस थाँने धीरज का हाते वणा कळेस ने भोगबा का वाते हिम्मत देवे हे ज्यो आपाँ भोगा हा।

2 कुरिन्थियों 11:1

यद्याँ थाँ मारा बेण्डापणा ने सेण कर लेता तो कतरो भलो वेतो। अन थाँ वींने सेण भी करो हो।

2 कुरिन्थियों 11:5

पण मूँ खुद ने वाँ लोगाऊँ फोरा ने हमजूँ हूँ, ज्याँने थाँ खन्दाया तका मोटा चेला केवो हो।

2 कुरिन्थियों 12:12

कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे।

2 कुरिन्थियों 12:6

जद्याँ मूँ मेपणो करबा की होचूँ भी हूँतो भी मूँ बेण्डो ने हूँ, काँके मूँ हाँच बोल सकूँ हूँ। पण थाँने ईं बातऊँ बंचाणा छावूँ हूँ जणीऊँ कुई मने अस्यान करतो देके कन हुणे हे तो वो अणीऊँ बड़न मने ने हमजे।

2 कुरिन्थियों 3:1

कई माँ माँकी बड़ई खुदईस करबा लागा हाँ? कन माँ दूजाँ मनकाँ का जस्यान जेग को कागद लिकन थाँने देणो छावाँ कन थाँकाऊँ लेणो छावाँ हा?

2 कुरिन्थियों 5:13

अन यद्याँ माँ वेण्डा का जस्यान दिका हाँ तो परमेसर ने मेमा देवा का वाते हाँ अन हूँस्यार हाँ तो थाँका नफा का वाते हाँ।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ