2 कुरिन्थियों 11:6 - नुवो नेम (मेवड़ी नया नियम)

⁶ वे सके हे के, मारी बोलबा को हुनर थोड़ो कम हे पण ग्यान तो घणो हे। ईं हारी बाताँ का बारा में माँ थाँका हामे साप तरियाऊँ बताता आरिया हाँ।

2 कुरिन्थियों 11:6 Iomraidhean Croise

1 कुरिन्थियों 1:17

काँके मसी मने बतिस्मा देबा का वाते ने पण हव हमच्यार हुणाबा का वाते खन्दायो हे अन यो भी मनकाँ का ग्यानऊँ ने। यद्याँ मूँ अस्यान करूँ तो मसी को हूळी चड़णो बेकार वेई।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 12:8

अन ईं आत्माऊँ किंने तो अकलऊँ बात करबा को अन वणीइस आत्माऊँ दूजाँ ने ग्यानऊँ बात करबा को वरदान दिदो जावे हे।

1 कुरिन्थियों 2:13

वणा बाताँ ने आपाँ मनकाँ की अकलऊँ हिकाया तका सबदाऊँ ने बोला पण आत्माऊँ हिकाया तका सबदाऊँ बोला हा, आत्मिक हाँच ने वणा मनकाँ ने बतावा हा जीं आत्मिक हे।

2 कुरिन्थियों 10:10

ज्यो मनक मारो विरोद करे हे वीं केवे हे के, “वींका कागद तो जोरदार अन नरोगा रूपऊँ लिक्या तका वेवे हे पण जद्याँ वो हामे आवे हे तो वो देह में कमजोर अन बोलबा में भी अतरो खास ने दिके हे।”

2 कुरिन्थियों 12:12

कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 5:11

अणीऊँ माँ जाणा हाँ के, परबू की दरपणी कई हे, ईं वाते माँ लोगाँ ने हमजारिया हाँ के, वीं हाँच ने माने। परमेसर आपणाँ हाल-चाल जाणे हे अन मने पूरो विस्वास हे के, थाँ भी माकाँ बारा में हारोई जाणो हो।

2 कुरिन्थियों 6:6

खुद ने पुवितर राकन, ग्यान अन धीरजऊँ, अन दया करन अन पुवितर आत्माऊँ, हाँचा परेमऊँ

2 कुरिन्थियों 7:2

थाँ थाँका हरदा में माँने जगाँ दिज्यो। माँ किंको भी कई ने वगाड़्यो हे, ने माँ किंका हरदा ने दुक दिदो हे अन ने माँ किंकोई कई नफो उटायो हे।

इपिसियों 3:4

जणीऊँ थाँ, भणन हमज सको हो के, मूँ वीं मसी का राज ने कतरोक हव जाण हूँ।