2 कुरिन्थियों 11:1 - नुवो नेम (मेवड़ी नया नियम)

¹ यद्याँ थाँ मारा बेण्डापणा ने सेण कर लेता तो कतरो भलो वेतो। अन थाँ वींने सेण भी करो हो।

2 कुरिन्थियों 11:1 Iomraidhean Croise

मत्ती 17:17

ईसू वींकी बात हुणन क्यो, “अरे बना विस्वास का मनक, मूँ थाँकी लारे कतरा दन तईं रेऊँ? अन कतरा दन थाँकी बाताँ ने सेण करूँ? वीं छोरा ने मारा नके लावो।”

थरप्या तका का काम 18:14

जदी पोलुस बोलवा मेई हो, गलिया यहूदियाँऊँ क्यो, “हो यहूदियाँ, आ बात जूटी अन फोकटी वेती, तो मूँ थाँकी हूणतो।

थरप्या तका का काम 26:29

पोलुस क्यो, “थोड़ाक टेमऊँ कन हेला टेम में, परमेसरऊँ मारी अरज हे के, बेस थूँईस ने पण जतरा लोग आज मारी हुणरिया हे, वीं हंगळा वस्यान वे जावे जस्यान मूँ हूँ, बेस हाँकळा ने छोड़न।”

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 3:18

थाँ आपणाँ खुद ने धोका मती दो। यद्याँ थाँकामूँ कुई ईं दनियाँ में आपणाँ खुद ने ग्यानवाळो हमजे तो वींने बना अकल को बणणो छावे के, वो ग्यानवाळा वे जावे।

1 कुरिन्थियों 4:10

माँ मसी का वाते बेण्डा बणग्या हाँ, पण थाँ मसी में ग्यानवाळा हो, माँ कमजोर हाँ पण थाँ तागतवर हो। माँको मान गटायो जावे हे पण थाँको मान किदो जावे हे।

1 कुरिन्थियों 4:8

अस्यान लागरिया हो के, थाँ तो धापग्या हो अन थाँ रिप्यावाळा वेग्या हो! कई थाँ माँके बना राज किदो हे? पण भलो वेतो के, थाँ राज करता, तो माँ भी थाँका हाते राज करता।

2 कुरिन्थियों 11:19

थाँ हूँस्यार हो ईं वाते राजी रेन मारा बेण्डापणा की बाताँ ने सेण करो हो।

2 कुरिन्थियों 11:21

मूँ हरमा मरन केरियो हूँ माँ वाँकाऊँ घणा कमजोर हाँ, ज्यो थाँने अस्यान हिकावे हे, माँ वाँके जस्यान ने हिका सका हाँ। पण यद्याँ कुई कणी बात पे मेपणो करबा हिम्मत करे हे, तो मूँ बेण्डापणाऊँ कूँ हूँ के, मूँ भी हिम्मत करूँ।

2 कुरिन्थियों 11:4

काँके थाँका नके कुई आन ईसू का उपदेस माँ थाँने हुणाया हाँ, वींके अलावा यद्याँ कुई दूजाँ ईसू का उपदेस हुणावे हे, अन ज्यो पुवितर आत्मा थाँने मली हे, वींके अलावा यद्याँ थाँ दूजी आत्माने मानो हो। जणी छूटकारा का हमच्यार ने थाँने हुणाया हो, वींके अलावा यद्याँ थाँ दूजाँ हमच्यार ने हुणो हो तो ईंको मतलब ओ हे के, थाँ दूजाँ ईसू, दूजाँ हमच्यार अन दूजी आत्माने लेबा का वाते त्यार हो।

2 कुरिन्थियों 12:11

मूँ बेण्डा मनक का जस्यान बतारियो हूँ पण अस्यान करबा वाते थाँईस मारा ऊपरे जोर दिदो हे। जद्याँ के, मूँ तो कई भी ने हूँ पण थाँ तो मारी बड़ई करणा छाता हाँ, काँके मूँ थाँका वाँ “मोटाऊँ मोटा खन्दाया तका चेलाऊँ” की कणी भी बात में कम ने हूँ।

2 कुरिन्थियों 5:13

अन यद्याँ माँ वेण्डा का जस्यान दिका हाँ तो परमेसर ने मेमा देवा का वाते हाँ अन हूँस्यार हाँ तो थाँका नफा का वाते हाँ।

इब्रानियों 5:2

काँके वो खुद भी कमजोरी का काबू में हे, ईं वाते वो बना हमज्या अन भटक्या तका का हाते नरमाईऊँ वेवार कर सके हे।