2 कुरिन्थियों 10:1 - नुवो नेम (मेवड़ी नया नियम)

¹ मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 कुरिन्थियों 10:1 Iomraidhean Croise

मत्ती 11:29

मारो जूँड़ो आपणाँ खादा पे जोत लो अन माराऊँ हिको, काँके मूँ हुदो हूँ अन मारो मन दयाऊँ भरियो तको हे अन थाँने भी आपणाँ मन में आराम मली,

मत्ती 21:5

“सिय्योन की छोरीऊँ केवो, ‘देक, थारो राजो थाँका नके आवे हे। वो भलो हे अन गदेड़ी पे बेटो तको हे वो गदेड़ी का बाछरा पे बेटो हे।’”

थरप्या तका का काम 8:32

वो किताब को जो भाग भणरियो हो वो अस्यान हो। “वींने बली वेबावाळा गारा का जस्यान ले जारिया हा। वो तो वीं उन्याँ का जस्यान छानो-मानो हो, जो आपणी ऊन काटबावाळा का हामे छानो रेवे।

रोमियों 10:20

पछे यसाया हिम्मत का हाते क्यो हे के, “मूँ वाँने मल्यो जीं मने ने होदरिया हा।” “मूँ वणा वाते परगट व्यो, ज्यो मारी खोज खबर ईं कोयने ही।

रोमियों 12:1

ईं वाते हो मारा भायाँ, मूँ थाँने परमेसर की दया की आद अवाड़न थाँकाऊँ अरज करूँ हूँ के, थाँ थाँकी देह ने जीवता अन पुवितर बलीदान का रूप में परमेसर ने राजी करबा का वाते दिदो। आ थाँकी आत्मा की हाँची सेवा हे, जिंने थाँने करणी हे।

रोमियों 15:15

पण ईं कागद में, मूँ थाँने आद अवाड़ का वाते थोड़ीक बाताँ साप साप लिकी हे, अन अस्यान में मने मली तकी परमेसर की दया की वजेऊँ किदो हे।

1 कुरिन्थियों 2:3

ईं वाते मूँ कमजोरी का हाते दरपणीऊँ धूजतो तको थाँका नके आयो।

1 कुरिन्थियों 4:10

माँ मसी का वाते बेण्डा बणग्या हाँ, पण थाँ मसी में ग्यानवाळा हो, माँ कमजोर हाँ पण थाँ तागतवर हो। माँको मान गटायो जावे हे पण थाँको मान किदो जावे हे।

1 कुरिन्थियों 4:21

थाँ कई छावो हो के, कई मूँ थाँका नके कामड़ी लेन अऊँ कन परेम अन दया की आत्मा का हाते अऊँ।

2 कुरिन्थियों 10:10

ज्यो मनक मारो विरोद करे हे वीं केवे हे के, “वींका कागद तो जोरदार अन नरोगा रूपऊँ लिक्या तका वेवे हे पण जद्याँ वो हामे आवे हे तो वो देह में कमजोर अन बोलबा में भी अतरो खास ने दिके हे।”

2 कुरिन्थियों 10:2

अबे मारी थाँकाऊँ परातना हे के, जद्याँ मूँ थाँका नके अऊँ, तद्याँ मने वणा मनकाँ का विरोद में कल्ड़ो वेवार करबा की जरूत ने पड़ी जीं अस्यान होचे हे के, माँ दनियाँ को जीवन जीवाँ हाँ।

2 कुरिन्थियों 10:7

थाँ वणाईस बाताँ ने देको ज्यो थाँकी आक्याँ का हामे हे। यद्याँ किंने ओ विस्वास वेवे के, मूँ मसी को हूँतो वींने ओ भी जाणणो छावे के, जस्यान वो मसी को हे वस्यानीस माँ भी मसी का हाँ।

2 कुरिन्थियों 11:21

मूँ हरमा मरन केरियो हूँ माँ वाँकाऊँ घणा कमजोर हाँ, ज्यो थाँने अस्यान हिकावे हे, माँ वाँके जस्यान ने हिका सका हाँ। पण यद्याँ कुई कणी बात पे मेपणो करबा हिम्मत करे हे, तो मूँ बेण्डापणाऊँ कूँ हूँ के, मूँ भी हिम्मत करूँ।

2 कुरिन्थियों 11:30

यद्याँ मने बड़न चड़न बाताँ करणीइस वेती, तो मूँ मारी वाँ बाताँ ने करतो जीं मारी कमजोरी की हे।

2 कुरिन्थियों 12:5

अस्या मनक की वजेऊँ तो मूँ मेपणो कर सकूँ हूँ। पण खुद पे मारी कमजोरियाँ ने छोड़न वींके अलावा कस्यी भी बात पे मेपणो ने करूँ।

2 कुरिन्थियों 3:12

आपाँ अणी नुवी आस का वजेऊँ बेधड़क वेन परच्यार कराँ हाँ।

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

2 कुरिन्थियों 7:4

मूँ थाँका पे भरोसो करूँ हूँ। मने थाँका पे मेपणो हे। थाँ मने घणी हिम्मत दिदी अन माँकी दुक तकलिपाँ में भी मूँ थाँके वजेऊँ राजी-खुसी हूँ।

गलातियों 4:13

पण थाँ जाणो हो के, में आपणी देह की कमज्योरी का मस थाँने पेली दाण हव हमच्यार हुणायो हो।

गलातियों 5:2

देको, मूँ पोलुस खुद थाँकाऊँ केवूँ हूँ के, यद्याँ अबे थाँ विस्वास करिया केड़े खतनो करावो तो, थाँको मसी ने मानणो बेकार हे।

इपिसियों 3:1

मूँ पोलुस थाँ ज्यो यहूदी ने हा थाँका वाते ईसू मसी को दास हूँ, ईंवाते जेळ में बन्द हूँ।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

फिलिपियों 4:5

थाँकी नरमाई हाराई मनकाँ का बचमें दिके। आद राको परबू को पाछो आणो नके हे।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

2 थिस्सुलुनिक्यों 3:17

मूँ पोलुस, थाँने खुद का हातऊँ जे मसी की लिकरियो हूँ। हाराई कागद के आकरी में याईस मारी हेन्याणी हे अन मारी लिकावट की ओळकाण भी याईस हे।

फिलेमोन 1:19

मूँ पोलुस खुद लिकूँ हूँ के, मूँ खुद वो नकसाण भर देऊँ। मने यो केवा की जरुरत कोयने हे के, थूँ आपणाँ जीवन तईं मारो करजदार रेई।

फिलेमोन 1:9

पण परेमऊँ मूँ थाँराऊँ अरज कररियो हूँ। मूँ पोलुस ज्यो अबे दानो अन ईसू मसी का हव-हमच्यार का वाते बंदी हूँ, थाँने आपणाँ धरम का बेटा उनेसिमुस का बारा में अरज कररियो हूँ ज्यो जेळ में ईसू पे विस्वास करन मारो बेटो बणग्यो हो।

1 पतरस 2:11

हे मारा प्यारा भायाँ-बेना, थाँ जो ईं दनियाँ का मयने बारवासी मनकाँ के जस्यान हो, थाँकाऊँ अरज करूँ हूँ के, थाँ पाप करबा की बुरी मरजीऊँ खुद ने बंचान राकज्यो, ज्या थाँकी आत्माऊँ लड़ती रेवे हे।

परकासितवाक्य 1:9

मूँ यहुन्नो ज्यो थाँको भई हूँ मूँ ईसू के दुक में, धीरज में अन राज में थाँको हण्डाळ्यो हूँ। मने देस निकाळो दिदो ग्यो, जिंकी वजेऊँ मूँ पत्तमुस नाम का टापू में हूँ। काँके मूँ परमेसर का वसन अन ईसू मसी की गवई थाँने देतो हो।