2 कुरिन्थियों 1:22 - नुवो नेम (मेवड़ी नया नियम)

²² वींइस आपाँ पे छाप भी लगई हे अन आपणाँ मयने गारन्टी का रूप में पुवितर आत्मा दिदी हे, वीं आपणो वादो पूरो करी।

2 कुरिन्थियों 1:22 Iomraidhean Croise

यहुन्ना 3:33

जणी भी वाँकी बात मान लिदी, वणी वाँकी बात ने मान लिदी हे के, परमेसर हाँचो हे।

यहुन्ना 6:27

वीं खाणा वाते मेनत मती करो, ज्यो वासी जावे हे। पण वीं खाणा का वाते मेनत करो, ज्यो अनंत जीवन का वाते हे। अन यो खाणो मनक को पूत थाँने देई, काँके परमेसर वींने यो अदिकार दिदो हे।”

रोमियों 4:11

ईंका केड़े वणी एक हेन्याण का तरिया खतनो करायो। ज्या विस्वास की वजेऊँ धारमिकता की छाप हे यो विस्वास वणी जदी दिकाया हो जद्याँ वींको खतनो ने व्यो हो। तो वो वाँ हाराई को बापू हे जीं बना खतना का वेन भी विस्वासी हे। ईं वाते ज्यो यहूदी ने हे वीं भी धरमी गण्या जावे।

रोमियों 8:23

अन आ दनियाईस ने पण आपाँ भी ज्याँने आत्मा को पेलो फळ मल्यो हो, आपाँ भी दकऊँ तड़परिया हा। काँके आपाँ ईं बात की वाट नाळरिया हे के, वो आपाँने आपणी ओलाद का जस्यान मान ले अन आपणो देहऊँ छुटकारो वे जावे।

रोमियों 8:9

पण यद्याँ हाँची में थाँकामें परमेसर की आत्मा वास करे हे तो थाँ देह की मरजी का जस्यान ने जीवो, पण आत्मा का जस्यान जीवो। यद्याँ किंमें ईसू मसी की आत्मा ने हे तो वो मसी को ने हे।

2 कुरिन्थियों 5:5

अन जणा आपाँने ईं बात का वाते त्यार किदा हे, वीं परमेसर हे, वणाईस आपाँने गारन्टी का रूप में आत्मा दिदी हे।

इपिसियों 4:30

परमेसर की पुवितर आत्माने दकी मती करो, काँके छुड़ाबा के दन का वाते वा खुद छाप थाँका पे लागी हे।

1 थिस्सुलुनिक्यों 4:8

ईं वजेऊँ ज्यो ईं हिक ने नकारे हे वो मनकाँने ने, पण पुवितर आत्मा देबावाळा परमेसर ने भी नकारे हे।

2 तिमुतियूस 2:19

पण परमेसर की पाकी नीम हाले कोयने, जिंपे आ छाप लागरी हे के, “परबू आपणाँ मनकाँ ने जाणे हे,” अन, “ज्यो कुई परबू को नाम लेवे हे, वींने बुरा कामऊँ बच्यो तको रेणो छावे।”

परकासितवाक्य 2:17

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती, मूँ वाँने हरग में हपायो तको मन्नो देऊँ। मूँ वाँने एक धोळो भाटो भी देऊँ, जिंका ऊपरे एक नुवो नाम लिक्यो तको वेई। वो नाम वीं मनक का छोड़न कुई ने जाणी, जिंने वो दिदो जाई।

परकासितवाक्य 7:3

“थाँ जद्याँ तईं धरती, समन्द अन रूँकड़ा को नास मती करज्यो, तद्याँ तईं मूँ आपणाँ परमेसर की मोर वींका दासा का माता पे ने लगई दूँ।”

परकासितवाक्य 9:4

पण वाँने क्यो ग्यो हो धरती का लीला चारा अन लीला रूँकड़ा को नास मती करज्यो। पण वणा मनकाँ को नास करज्यो, ज्याँका माता पे परमेसर की मोर कोयने हे।