2 कुरिन्थियों 1:19 - नुवो नेम (मेवड़ी नया नियम)

¹⁹ काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

2 कुरिन्थियों 1:19 Iomraidhean Croise

मत्ती 17:5

वो बोलईस रियो हो के, एक चमकते तके वादळे वाँने ढाक दिदा, अन वीं वादळाऊँ आ वाणी निकळी, “ओ मारो लाड़लो पूत हे, जणीऊँ मूँ राजी हूँ। ईंकी हुणो।”

मत्ती 24:35

धरती अन आकास टळ जाई, पण मारो बचन कदी ने टळी।

मत्ती 27:40

अन ओ केरिया हाँ, “ए मन्दर ने हल्ड़ाबावाळा अन तीन दन में बणाबावाळा, आपणाँ खुद ने तो बंचा ले। यद्याँ थूँ परमेसर को पूत हे, तो हूळीऊँ रेटे उतर आ।”

मत्ती 27:54

तद्याँ रोमी सेनापती अन ज्यो वींका हाते ईसू के पेरो देरियो हाँ, भूकम अन ज्यो कई व्यो हो, वींने देकन घणा दरपग्या अन क्यो, “हाँचई में ओ परमेसर को पूत हो।”

मत्ती 3:17

तद्याँ आ आकासवाणी वी के, “यो मारो लाड़लो पूत हे, जणीऊँ मूँ घणो राजी हूँ।”

मत्ती 4:3

तो वींकी परक करबावाळो वींका भड़े आयो अन क्यो, “यद्याँ थूँ परमेसर को पूत हे तो अणा भाटा ने के, ईं रोट्याँ बण जावे।”

मरकुस 1:1

परमेसर का पूत ईसू मसी का हव हमच्यार की सरुआत।

लूका 1:35

हरग-दुत वींने क्यो के, “पुवितर आत्मा थाँरा डिले आई अन परम परदान की तागत थाँरा ऊपरे वेई। ईं वाते जनम लेबावाळो पुवितर बाळक परमपिता परमेसर को पूत वाजी।

यहुन्ना 1:34

में अणा बाताँ ने वेती तकी देकी अन गवई दूँ हूँ के, ‘ओईस परमेसर को पूत हे।’”

यहुन्ना 1:49

नतनएल वाँने जवाब दिदो, “हो गरुजी, थाँ परमेसर का पूत हे। थाँ इजराएल को राजा हे।”

यहुन्ना 19:7

यहूदी मनकाँ वींने क्यो, “आपणो भी नेम हे अन वीं नेमा का हस्याबूऊँ वो मोत के घाट उतारबा के लायक हे। काँके अणी खुद ने परमेसर को पूत बतायो हे।”

यहुन्ना 20:28

ओ हुणन थोमा जबाव दिदो, “ओ मारा परबू, ओ मारा परमेसर।”

यहुन्ना 20:31

पण, ईं वाते लिक्या ग्या हे के, थाँ विस्वास करो के, ईसूइस परमेसर को पूत मसी हे अन विस्वास करन वाँका नामऊँ जीवन पावो।

यहुन्ना 3:16

काँके परमेसर जगतऊँ अस्यान परेम किदो, वणा आपणाँ एकाएक पूत ने दे दिदो, ताँके ज्यो कुई वींपे विस्वास करे, वी नास ने वेई, पण अनंत जीवन पाई।

यहुन्ना 6:69

अबे माँ विस्वास किदो अन ओळकग्या हाँ के, परमेसर का आड़ीऊँ आबावाळो पुवितर मनक थाँईस हो।”

यहुन्ना 8:58

ईसू वाँकाऊँ क्यो, “मूँ थाँकाऊँ हाचेई केऊँ हूँ के, अबराम का जनम लेबा के, पेल्याँऊँ मूँ मोजुद हूँ।”

थरप्या तका का काम 15:22

तद्याँ थरप्या तका, बुड़ा-ठाड़ा, हंगळी विस्वास्याँ की मण्डळ्याँ के हण्डे आपणाँ मूँ थोड़ाक मनकाँ ने चुणन पोलुस अन बरनबास के हाते अन्ताक्या खन्दाबा का वाते फेसलो किदो। अन वणा भायाँ मूँ जाणिता मनक, यहूदो जो बरसबा केवावे, सिलास ने चुणन वाँका हण्डे खन्दाया।

थरप्या तका का काम 16:1

पछे पोलुस दिरबे अन लुस्त्रा नगर में ग्यो, वटे तिमुतियुस नाम को एक विस्वासी रेतो हो, जो एक यहूदी विस्वासी लुगई को छोरो हो, पण वींका बापू युनानी हा।

थरप्या तका का काम 18:5

जद्याँ सिलास अन तिमुतियुस मकिदुनियाऊँ आया, तो पोलुस आको दन बचन हुणाबा की धुन में हो अन यहूदियाँ ने गवई देतो हो के “ईसू ही मसी हे।”

थरप्या तका का काम 8:36

गेला में चालता तका वे वीं जगाऊँ वेन जारिया हा जटे पाणी हो, पछे वे अदिकारी क्यो, “देको, अटे पाणी हे, अबे मने बतिस्मो लेबा में कई रोक हे?”

थरप्या तका का काम 9:20

पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”

2 कुरिन्थियों 1:1

यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

1 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते ओ कागद थिस्सुलुनिक्यों नगर की मण्डळ्या ने लिकरियो हूँ, जीं बापू परमेसर अन परबू ईसू मसी में हे, थाँका पे दया अन सान्ती बणी तकी रेवे।

2 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते यो कागद थिस्सुलुनिक्यों नगर की मण्डली का नाम लिकरियो हूँ, ज्या बापू परमेसर अन परबू ईसू मसी में हे।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

इब्रानियों 1:11

वी तो नास वे जाई, पण थूँ हमेस्यान बण्यो तको रेई। अन वीं हाराई गाबा के जस्यान जूना वे जाई।

इब्रानियों 13:8

ईसू मसी काले आज अन हमेस्यान एक जस्यान रेई।

1 पतरस 5:12

मूँ सिलवानुस ने विस्वास जोगो भई जाणूँ हूँ अन वींकी मदतऊँ यो कागद लिकन थाँकी हिम्मत बड़ाणी छारियो हूँ अन आ गवई देरियो हूँ के, परमेसर की हाँची दया याईस हे। थाँ ईंमें पाका बण्या तका रेज्यो।

2 पतरस 1:17

काँके जद्याँ वींने परम बापू परमेसर का आड़ीऊँ आसीस अन मेमा मली ही, वीं टेम में परमेसर का आड़ीऊँ ओ हमच्यार आयो के, “ओ मारो लाड़लो पूत हे, मूँ अणीऊँ घणो राजी हूँ।”

1 यहुन्ना 1:3

माँ वींने देक्यो अन हुण्यो हे। अन अबे थाँकामें भी वींके बारा में परच्यार करा हाँ, जणीऊँ थाँ भी मारा हाते भेळा वे जावो। काँके आपाँ परम बापू अन वींकी बेटा ईसू मसी का हाते भेळा हा।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।

2 यहुन्ना 1:9

ज्यो मनक परबू की हिकऊँ न्यारो वे जावे हे, वो परमेसर का नके ने जा सके, पण ज्यो भी मनक मसी की हिक ने माने हे, वींके नके बापू परमेसर अन वींको बेटा दुई रेवे हे।

परकासितवाक्य 1:11

अवाज में अस्यान हमच्यार आरियो हो के, “जो कई भी थूँ देकरियो हे, वींने एक किताब का मयने लिकतो जा अन वींके केड़े वींने इपिसुस, स्मुरना, पिरगमुन, थुआतीरा, सरदीस, फिलोदेलफीया अन लिदिकिया की हातई मण्डळ्याँ ने खन्दा दिज्ये।”

परकासितवाक्य 1:17

जद्याँ में वींने देक्यो, तो वाँका पगा में मरिया तका मनक का जस्यान पड़ग्यो। पछे वणा आपणाँ जीमणो हात मारा पे राकन माराऊँ क्यो, “दरपे मती मूँ पेलो अन आकरी हूँ।

परकासितवाक्य 1:8

परबू परमेसर जीं हा, अन जीं हमेस्यान हे, जीं आबावाळा हे, जीं हाराईऊँ तागतवर हे, वीं केवे हे के, “मूँईस अलफा अन ओमेगा हूँ।”

परकासितवाक्य 2:18

“थुआतीरा की मण्डली का दुताँ ने ओ लिक। परमेसर को बेटा जिंकी आक्याँ वादी की लपटा का जस्यान हे, अन पग पकई तकी पीतळ का जस्यान चमकरिया हे वो ओ केवे हे के,