2 कुरिन्थियों 1:11 - नुवो नेम (मेवड़ी नया नियम)

¹¹ अन यद्याँ थाँ भी थाँकी परातना में माँने आद करन मदत किदी तो जीं मनक माकाँ वाते अरज करे हे के, माकाँ पे परबू की दया वे, अन परमेसर ज्यो माकाँ वाते किदो हे वींका वाते वणा मनकाँ ने भी धन्नेवाद देबा को मोको मल जाई।

2 कुरिन्थियों 1:11 Iomraidhean Croise

थरप्या तका का काम 12:5

तो पतरस ने जेळ में राक्यो हो, पण मण्डली का मनक हाँचा मनऊँ वींका वाते परमेसरऊँ परातना करता रिया हा।

2 कुरिन्थियों 4:15

ईं हारी चिजाँ थाँका वातेईस किदी जारी हे, जणीऊँ नरई मनकाँ पे परमेसर की दया वे अन वीं अणीऊँ परमेसर ने धन्नेवाद दे सकी अन परमेसर ने खुब मेमा मली।

2 कुरिन्थियों 9:14

वीं थाँका वाते परमेसरऊँ परातना करी, काँके वीं थाँकाऊँ गेरो परेम करे हे अन वीं जाणे हे परमेसर थाँ लोगाँ पे करती दया किदी हे।

फिलिपियों 1:19

काँके मूँ होचूँ हूँ के, थाँकी अरजऊँ अन ईसू मसी की आत्मा की मदतऊँ मूँ बंचायो ग्यो हूँ।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

1 थिस्सुलुनिक्यों 5:25

हो भायाँ-बेना, मारा वाते भी अरज करिया करज्यो।

2 थिस्सुलुनिक्यों 3:1

हो विस्वासी भायाँ, माकाँ वाते भी परातना करता रेज्यो, जणीऊँ परबू को हव हमच्यार जस्यान थाँका बचमें फेलरियो हे, वस्यानीस हाराई लोगाँ में बना रकावटऊँ हेलो फेले अन आदर-मान पावे।

फिलेमोन 1:22

एक ओरी बात हे, मारा वाते एक ओवरो त्यार राक, मने आस हे के, थाँकी परातनाऊँ मूँ थाँका नके पाछो जट आ जाऊँ।

इब्रानियों 13:18

माकाँ वाते परातना करता रेवो, काँके माँने भरोसो हे के, माँकी अंतर-आत्मा सुद हे। अन माँ हारी बाताँ में बड़िया चालचलन छावाँ हा।