2 कुरिन्थियों 1:1 - नुवो नेम (मेवड़ी नया नियम)

¹ यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

2 कुरिन्थियों 1:1 Iomraidhean Croise

थरप्या तका का काम 16:1

पछे पोलुस दिरबे अन लुस्त्रा नगर में ग्यो, वटे तिमुतियुस नाम को एक विस्वासी रेतो हो, जो एक यहूदी विस्वासी लुगई को छोरो हो, पण वींका बापू युनानी हा।

रोमियों 15:26

काँके मकिदुनिया अन अखाया परदेस की मण्डळ्याँ का मनकाँने यो हव लागो के, वीं यरूसलेम में परमेसर का पुवितर मनकाँ में ज्यो गरीब हे वाँने कई हे।

रोमियों 16:21

मारो हण्डाळ्याँ तिमुतियुस अन लुकियुस, यासोन, सोसिपत्रुस अन हण्डाळ्याँ यहूदी भायाँ का आड़ीऊँ थाँने नमस्कार।

रोमियों 16:5

वाँके घरे भेळी वेबावाळी मण्डली ने भी मारो नमस्कार। मारो लाड़लो भई इपनितुस ने ज्यो एसिया में मसी ने अपणाबावाळो मेंऊँ पेलो मनक हे वींने मारो नमस्कार केज्यो।

1 कुरिन्थियों 10:32

थाँ कदी भी ने तो यहूदियाँ अन ने ज्यो यहूदी ने हा अन ने परमेसर की मण्डळ्याँ का वाते ठोकर का मस बणज्यो।

1 कुरिन्थियों 16:10

जद्याँ थाँका नके तिमुतियुस आवे तो थाँ वींको ध्यान राकज्यो, ताँके वींने फिकर ने वेवे। काँके वो भी मारा जस्यानीस परबू को काम करे हे।

1 कुरिन्थियों 16:15

थाँ स्तिपनूस का घराणा का बारा में तो जाणो हो के, वीं अखाया में मसी पे विस्वास करबाबाळा पेला मनक हे। वणा परबू का भगताँ की सेवा करबा का वाते काम तोक्यो हे। ईं वाते ओ विस्वासी भायाँ मूँ थाँकाऊँ अरज करूँ हूँ,

1 कुरिन्थियों 16:24

अन ईसू मसी में मारो परेम थाँका हाते बण्यो रेई।

1 कुरिन्थियों 6:11

अन थाँकामूँ करता तो अस्याईस हा, पण थाँ परबू ईसू मसी का नामऊँ अन आपणाँ परमेसर की आत्माऊँ धोया ग्या हो अन पुवितर वेन परमेसर का हामे सई ठेरिया हो।

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

2 कुरिन्थियों 1:23

गवई का रूप में परमेसरऊँ अरज करतो तका अन मारा जीवन का होगन खान कूँ हूँ के, मूँ पाछो कुरिन्तुस में ईं वाते ने आयो हो काँके मूँ थाँने दकऊँ बंचाणा छातो हो।

2 कुरिन्थियों 11:10

यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी।

2 कुरिन्थियों 9:2

काँके मूँ जाणूँ हूँ, ईं काम ने करबा का वाते थाँ हमेस्यान त्यार रेवो हो अन ईं बात ने मकिदुनिया का मनकाँ का हामे केवाऊँ मेपणो वेई के, अखाया का मनक पालाँ साल ऊँइस त्यार वेग्या हा अन थाँका काम ने देकन नरई मनकाँ ने काम करबा की हिक मली हे।

गलातियों 1:1

यो कागद पोलुस का आड़ीऊँ जिंने थरप्यो तको चेलो वेबा का वाते चुण्यो ग्यो, वो ने तो मनकाँ का आड़ीऊँ अन ने मनकाऊँ चुण्यो ग्यो, वो तो ईसू मसी अन परम बापू परमेसर की ओरुँ चुण्यो ग्यो, जणा ईसू मसी ने मरिया तकाऊँ जीवता किदा हा।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

इपिसियों 1:1

मूँ पोलुस ज्यो, परमेसर की मरजीऊँ ईसू मसीऊँ खास थरप्यो तको मनक हूँ, परमेसर का पुवितर मनक ज्यो ईसू मसी ने माने हे अन इपिसुस नगर में रेवे हे, अणाने ओ कागद लिकरियो हूँ।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

1 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते ओ कागद थिस्सुलुनिक्यों नगर की मण्डळ्या ने लिकरियो हूँ, जीं बापू परमेसर अन परबू ईसू मसी में हे, थाँका पे दया अन सान्ती बणी तकी रेवे।

1 थिस्सुलुनिक्यों 3:2

अन तिमुती ने ज्यो मसी का हव हमच्यार में मारो विस्वासी भई अन परमेसर को दास हे वींने थाँका नके खन्दावाँ जणीऊँ वो थाँने पाका करे अन विस्वास का बारा में हमजावे अन थाँकी हिम्मत बड़ावे।

2 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते यो कागद थिस्सुलुनिक्यों नगर की मण्डली का नाम लिकरियो हूँ, ज्या बापू परमेसर अन परबू ईसू मसी में हे।

1 तिमुतियूस 1:1

मूँ पोलुस, आपाँने बंचाबावाळा परमेसर अन आपणी आस का आदार ईसू मसी की आग्याऊँ ईसू मसी को थरप्यो तको चेलो बण्यो,

2 तिमुतियूस 1:1

मूँ पोलुस, ज्यो परमेसर की मरजीऊँ ईसू मसी को थरप्या तको खास चेलो हूँ, जिंने परमेसर वणी जीवन को परच्यार करबा का वाते खन्दायो, जणी जीवन ने परमेसर ईसू मसी में देबा को वादो किदो हे।

तीतूस 1:1

मूँ ईसू मसी का नामऊँ थरप्यो तको परमेसर को दास पोलुस, ओ कागद तीतूस ने लिकरियो हूँ। मने परमेसर का चुण्या तका मनकाँ ने विस्वास में बडाबा का वाते खन्दायो हे, जणीऊँ वीं हाँच ने जाणन हाँचो जीवन जीवे।

फिलेमोन 1:1

ईसू मसी का हव हमच्यार का वाते बन्दी बण्यो मूँ पोलुस अन भई तिमुतियुस, आपणाँ खास हण्डाळ्याँ का हाते काम करबावाळो फिलेमोन,

इब्रानियों 13:23

मूँ छावूँ हूँ के, थाँने यो पतो पड़ जावे के, आपणो भई तिमुतियुस छुटग्यो हे, अन यद्याँ वो वेगो आग्यो तो, मूँ वींका हाते थाँकाऊँ मलूँ।