1 तिमुतियूस 6:20 - नुवो नेम (मेवड़ी नया नियम)

²⁰ हे तिमुतियुस, परमेसर ज्यो कई थने हूँप्यो हे वींने हमाळन राक। दनियादारी की बात अन फोगटपणाऊँ खुद ने छेटी राक जिंने थोड़ाक मनक गलतीऊँ “ग्यान” केवे हे,

1 तिमुतियूस 6:20 Iomraidhean Croise

थरप्या तका का काम 16:1

पछे पोलुस दिरबे अन लुस्त्रा नगर में ग्यो, वटे तिमुतियुस नाम को एक विस्वासी रेतो हो, जो एक यहूदी विस्वासी लुगई को छोरो हो, पण वींका बापू युनानी हा।

थरप्या तका का काम 17:18

तद्याँ इपिकुरी अन स्तोकी का थोड़ाक अकलमन्द मनक वींकाऊँ आपणी बात-बच्यार किदी अन क्यो, “ओ बेण्डो कई केणो छारियो हे”। पण दूजाँ क्यो “ओ दूजाँ देवी-देवताँ का बारा में बतावे हे”। वे अस्यान ईं वाते केरिया हा, काँके वो ईसू का बारा में अन वींके पाछो जीवतो वेबा को हव हमच्यार हुणारियो हो।

थरप्या तका का काम 17:21

हंगळा एतेंस वासी अन परगाम का लोग जो वटे रेवे हे, वे नुवी-नुवी बाताँने हुणबा अन हुणाबा को मोको होदता हा।

रोमियों 1:22

वीं खुद ने हमजदार बतान मुरक बणग्या।

रोमियों 3:2

हरेक तरियाऊँ नरोई हे, काँके हाराऊँ पेली बात परमेसर का बचन यहूदियाँ ने दिदा ग्या हे।

1 कुरिन्थियों 2:6

जद्याँ मूँ हमजदार मनक में ग्यान की बाताँ को परच्यार करूँ हूँ, पण यो ग्यान ईं दनियाँ को कन हाकिमा के ग्यान का जस्यान ने हे ज्यो नास वेवे हे।

1 कुरिन्थियों 3:19

काँके ईं दनियाँ को ग्यान परमेसर का हामे बेण्डोपणो हे। जस्यान के सास्तर में लिक्यो हे के, “परमेसर ग्यानवाळा मनकाँ ने वाँका खुद का ग्यान में फसा देई।”

कुलुसियों 2:18

कुई मनक दया को दिकावो करन हरग-दुताँ की पुजा करन थाँने थाँका फळऊँ छेटी ने कर दे। अस्यान मनक देकी तकी बाताँ में लाग्या तका रेवे, अन आपणी दनियादारी की हमज ने बेकार में फुलावे अन बड़ावे हे।

कुलुसियों 2:8

हूँस्यार रेज्यो, कुई थाँने अकलऊँ अन धोकाऊँ आपणाँ गुलाम ने बणा ले, ज्यो मनकाँ का रिति-रिवाजऊँ अन दनियाँ की बाताँ के जस्यान तो हे, पण ईसू मसी के जस्यान कोयने।

2 थिस्सुलुनिक्यों 1:4

ईं वाते माँ खुद ईं परमेसर की मण्डली में थाँका पे मेपणो करा हा, काँके जतरा भी दुक अन कळेस हाँ, वाँने थाँ जेल्या, ईं हारी बाताँऊँ थाँके धीरज अन विस्वास का बारा में पतो चाले हे।

2 थिस्सुलुनिक्यों 2:15

ईं वाते हो विस्वासी भायाँ, गाटा रेवो अन ज्या हिक माँ थाँने माकाँ मुण्डाऊँ अन कागद में लिकन दिदी हे वींने आपणाँ मन में राको।

1 तिमुतियूस 1:11

आ खरी हिक परम परदान परमेसर की मेमा का हव हमच्यार का जस्यान हे, ज्यो मने दिदो ग्यो हे।

1 तिमुतियूस 1:2

मूँ यो कागद तिमुतियुस ने लिकूँ हूँ, ज्यो विस्वास में मारो हाँचो बेटो हे। थने बापू परमेसर अन आपणाँ परबू ईसू मसीऊँ आसिरवाद, दया अन सान्ती मलती रेवे।

1 तिमुतियूस 1:4

अन वाँ मनगड़त केण्याँ अन वंसावल्या पे मन ने लगावे, ज्यो लड़ई-जगड़ो करावे हे अन परमेसर की वीं मरजी ने पुरी ने वेवा देवे हे, ज्या खाली विस्वासऊँ पुरी वे सके हे।

1 तिमुतियूस 1:6

थोड़ाक मनक ईं गेला ने छोड़न बेकार की बाताँ में फसग्या हे।

1 तिमुतियूस 1:9

ओ जाणन के, मूसा का नेम धरमी मनकाँ का वाते ने पण अधरम्याँ, केणो ने करबावाळा, परमेसर ने ने मानबावाळा, पापी, अपुवितर, असुद, बई-बापू को बुरो करबावाळा, हत्यारा,

1 तिमुतियूस 4:7

पण खुद ने, मनगड़त केण्याँऊँ छेटी राक, जणामें परमेसर ने हे, पण खुद ने परमेसर की सेवा में लगाया राक।

1 तिमुतियूस 6:11

पण थूँ, ज्यो परमेसर ने मानबावाळो हे, अणा हारी बाताँऊँ छेटी रेज्ये, पण धारमिकता, भगती, विस्वास, परेम, धीरज अन दया में बण्यो तको रेज्ये।

1 तिमुतियूस 6:14

आपणाँ परबू ईसू मसी का परगट वेबावाळा दन तईं अणा आग्या ने मानतो रे अन विस्वास जोगो रेज्ये।

2 तिमुतियूस 2:1

परबू में मारा बेटा तिमुतियुस, ईसू मसी में परमेसर जस्यी दया थाँरा पे दिकई हे, वींके जस्यान पाको बण्यो तको रे।

2 तिमुतियूस 2:16

मनकाँ ने परमेसरऊँ छेटी लेजाबा वाळी दनियादारी अन फोगटपणा की बाताँऊँ छेटी रे।

तीतूस 1:14

अन अणाने आग्या दे के, ईं यहूदियाँ की मनगड़त बाताँ पे अन वाँ मनकाँ की बाताँ पे ध्यान ने देवे, जीं हाँचऊँ भटकया तका हे।

तीतूस 1:4

हाराई के एक जस्या विस्वास की बजेऊँ तीतूस थूँ मारो हाँचो बेटो हे। बापू परमेसर अन आपाँने बंचाबावाळा ईसू मसी में थने दया अन सान्ती मले।

तीतूस 1:9

वीं भी हाँचा बचना पे टक्या तका रेवे, जीं धरम-उपदेस का जस्यान सई हे। जणीऊँ वाँने खरी हिक का उपदेस देबा में अन विरोद करबावाळा को मुण्डो बन्द करबा में मदत मले।

तीतूस 3:9

बेकार की बाताँऊँ, वंसावल्या की गणतीऊँ, लड़ई-जगड़ाऊँ अन नेमा का बारा में लड़बाऊँ बंचन रेवो, काँके ईं बाताँ बेकार अन बना मतलब की हे।

परकासितवाक्य 3:3

ईं वाते जणी हिक ने थाँ हूणी ही, वींने आद करो अन आपणो मन बदलो अन वीं हिक का जस्यान चाल चालो। जद्याँ थूँ अस्यान ने करी, तो मूँ चोर का जस्यान अणाचेत को थाँरा नके अई जाऊँ अन थने पतो भी ने पड़बा देऊँ।