1 तिमुतियूस 6:18 - नुवो नेम (मेवड़ी नया नियम)

¹⁸ हव काम करबा वाते वाँने आदेस दे, जणीऊँ वीं हव काम करबावाळा, दान देबावाळा अन खुला मनऊँ एक-दूँजा ने मदत करबावाळा बणे।

1 तिमुतियूस 6:18 Iomraidhean Croise

मत्ती 5:42

यद्याँ कुई थाँकाऊँ कई मांगे तो वींने वो दे देज्यो। ज्यो थाँकाऊँ उदार लेणो छावे, वाँने नटज्यो मती।

लूका 12:21

अणीस तरियाँ अस्याईस वीं मनक भी हे, जी आपणाँ वाते धन-दोलत भेळी करे हे, पण परमेसर की देकणी में वो धनवान ने हे।”

लूका 3:11

यहुन्ने वणाऊँ क्यो, “जिंका नके दो कुरता हे एक जिंका नके ने हे, वींने दे देवे अन जिंका नके खाणो हे वीं भी अस्यानीस करे।”

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 11:29

तद्याँ चेला धारियो के, जणीऊँ जतरोक भी बण सके, वो यहूदियाँ में रेबावाळा भई-बन्दा के वाते खन्दाई।

थरप्या तका का काम 9:36

यापा में तबीता नाम की एक चेली रेती ही, जिंका नाम को मतलब हो “हरणी” वाँ हमेस्यान हव काम-काज करती अन गरीबा ने दान-पन करती।

रोमियों 12:13

परमेसर का मनकाँ की जरुरत में वाँकी मदत करो। मेमान की आवभगत करबा को मोको होदता रेवो।

रोमियों 12:8

जद्याँ किंने दूजाँ ने हिम्मत बडाबा को वरदान मल्यो हे तो वो हिम्मत बड़ावे। जद्याँ किंने दान देबा को वरदान मल्यो हे तो वो खुला मनऊँ दान देवे। जद्याँ किंने अगुवाई करबा को वरदान मल्यो हे तो वो मन लगान अगुवाई करे, अन जद्याँ किंने दया करबा को वरदान मल्यो हे तो वो राजी मनऊँ दया करे।

1 कुरिन्थियों 16:2

अन जद्याँ भी हपता को पेलो दन दितवार आवे थाँ थाँकी कमई मेंऊँ कईन कई थाँका घर में भेळा करता रेज्यो। जणीऊँ के, मूँ जद्याँ भी अऊँ थाँने दान भेळा करणो ने पड़े।

2 कुरिन्थियों 8:12

काँके जस्यान देबा को मन वेवे हे वस्यानीस वींको दान गरेण किदो जावे हे। मारो केणो हे के, जतरोक वे वतरो दे दिज्यो वणीऊँ बड़न मती देज्यो।

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

गलातियों 6:10

ईं वाते जटा तईं वे सके वटा तईं थाँ हाराई का हाते भलई करो अन खासतोरऊँ विस्वासी भई-बेना का हाते।

इपिसियों 4:28

ज्यो चोरी करतो आरियो हे, वो अबे कदीई चोरी ने करे, पण ईंका बदले वींने स्यवकार वेन खुद की मेनतऊँ काम करणो छावे। ईंऊँ वो जिंने जरूत हे वींने भी दे सके।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

तीतूस 3:8

आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

इब्रानियों 13:16

अन भलई करणी अन एक-दूँजा की मदत करणी ने भुलणी, काँके परमेसर अस्या बलीदानाऊँ राजी वेवे हे।

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।

1 पतरस 3:11

बुरई करणी छोड़न भलई करो, मेल-मिलाप करबा की कोसीस में लाग्या रो,

1 यहुन्ना 3:17

अगर थाँकामूँ किंने कणी चीज की जरूत वेवे अन थाँकापाँ वाँ चीज वेता तकाँ भी थाँ वींकी मदत ने करो। तो आपाँ कस्यान के सका हाँ के, आपाँ में परमेसर को परेम हे।

3 यहुन्ना 1:11

हे मारा भई, थूँ तो बुरई का ने पण भलई का गेले चालज्ये, काँके ज्यो भी मनक भलई करे हे, वो परमेसर को हे अन ज्यो बुरई करे हे, वो परमेसर ने कोयने जाणे हे।