1 तिमुतियूस 6:11 - नुवो नेम (मेवड़ी नया नियम)

¹¹ पण थूँ, ज्यो परमेसर ने मानबावाळो हे, अणा हारी बाताँऊँ छेटी रेज्ये, पण धारमिकता, भगती, विस्वास, परेम, धीरज अन दया में बण्यो तको रेज्ये।

1 तिमुतियूस 6:11 Iomraidhean Croise

रोमियों 14:19

तो, वणा बाताँ में लाग्या रेवो, जीं सान्ती बड़ावे हे अन एक दूजाँ की आत्मिक बढोतरी में मदत मले हे।

1 कुरिन्थियों 10:14

ईं वाते हो मारा प्यारा भायाँ, मूरती पूँजाऊँ बंचन रो।

1 कुरिन्थियों 14:1

परेम करबा की कोसीस करो अन आत्मिक वरदान पाबा की मरजी राको अन हमेस्यान ईं कोसीस में रेवो के, परमेसर का आड़ीऊँ बोल सको।

1 कुरिन्थियों 6:18

कूकरमऊँ बंचन रेवो, काँके जतरा ओरी पाप मनक करे हे, वीं देहऊँ बारणे हे, पण कुकरम करबावाळा आपणी देह का विरोद मेंईस पाप करे हे।

1 तिमुतियूस 1:14

अन परबू मारा पे नरी दया किदी, हातेई हाते वो परेम अन विस्वास ज्यो ईसू मसी में हो, वो मने मल्यो।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

1 तिमुतियूस 6:20

हे तिमुतियुस, परमेसर ज्यो कई थने हूँप्यो हे वींने हमाळन राक। दनियादारी की बात अन फोगटपणाऊँ खुद ने छेटी राक जिंने थोड़ाक मनक गलतीऊँ “ग्यान” केवे हे,

2 तिमुतियूस 2:21

ज्यो खुद ने आ हारी बुरी बाताँऊँ छेटी राकी, तो वो खास काम में काम आई, काँके वणी आपणाँ खुदाखुद ने आपणाँ मालिक परमेसर का वाते दे दिदो हे, जणीऊँ वो हरेक भला काम का वाते त्यार किदो तको वेई।

2 तिमुतियूस 2:22

जवानी की बुरी मरजीऊँ छेटी रे अन ज्यो खरा मनऊँ परबू को नाम लेवे हे वाँका हाते खुद ने धरम, विस्वास, परेम अन सान्तीऊँ रे।

2 तिमुतियूस 3:10

पण थूँ मारी हिक, वेवार, अन जीवन का वाते मारा मकसद ने माने हे, थूँ मारो विस्वास, मारो धीरज, मारो परेम, मारी सेण करबा की तागत, मारा पे व्या जुलम, अन मारा दुक में मारे हाते रियो हे। अन्ताक्या, इकुनियम अन लुस्त्रा में ज्यो कई व्यो हो अन कई-कई दक-भरिया जुलम ने सेण किदा हाँ, वाँमें भी थूँ मारे हाते हो। पण परबू मने वणा हाराईऊँ बंचायो हो।

2 तिमुतियूस 3:17

अणीऊँ परमेसर को भगत हाराई भला काम करबा वाते ताकड़े अन त्यार रेवे।

इब्रानियों 12:14

हाराई का हाते सान्ती का हाते रेवा वाते अन पुवितर वेबा का वाते हरेक तरियाऊँ कोसीस करता रेवो। काँके बना धारमिकता के कुई भी परबू का दरसण ने कर सकी।

1 पतरस 3:11

बुरई करणी छोड़न भलई करो, मेल-मिलाप करबा की कोसीस में लाग्या रो,