1 तिमुतियूस 5:5 - नुवो नेम (मेवड़ी नया नियम)

⁵ वाँ ज्यो हाँची में विदवा लुगई हे, जिंका नके वींकी देक-रेक करबावाळो कुई ने हे, अन ज्या परमेसर पे आस राके हे अन रात-दन अरज करन वींकी मदत माँगे हे।

1 तिमुतियूस 5:5 Iomraidhean Croise

लूका 18:1

पसे ईसू वाँने अणी बारा में एक केणी हूँणई के, हरदाण परातना करतो रेणो अन कदी हिम्मत ने हारणी।

लूका 18:7

तो कई परमेसर आपणाँ चुण्या तका को हाँचो न्याव ने करी, जी रात-दन वाँकाऊँ अरज करता रेवे हे। कई वी वाँका न्याव करबा में मोड़ो करी?

लूका 2:37

वाँ अबाणू विदवा ही अन चोरासी वर की ही। वाँ मन्दर मेंईस रेती ही। वा एकाणा अन परातना का हाते रात-दन परमेसर की सेवा करती ही।

थरप्या तका का काम 26:7

यो वोईस हे, जिंने आपणी बाराई गोताँ रात-दन पूरा भगती-भावऊँ परमेसर की सेवा-चाकरी करता तका पाणो छाता हा। हे राजा, अणीस भरोसा के वाते यहूदी मारा पे दोस लगारिया हे।

थरप्या तका का काम 6:1

वाँ दनाँ जदी चेला नरई हेला वेबा लागा, तो युनानी रिति-रिवाज मानबावाळा यहूदी, इबरानी रिति-रिवाज मानबावाळा यहूदियाँ पे छीजता के, रोज चिजाँ बाँटबा पे वाँकी विदवा लुगायाँ का हाते भेद-भाव करे हे।

थरप्या तका का काम 9:39

तो पतरस वाँकी लारे परोग्यो। जद्याँ पतरस वटे पूगो, तो वे वींने ऊपरे वीं ओवरा में लेग्या जटे हारी राडी-बायाँ रोती-धोती तकी वे गाबा-छींतरा बताती तकी च्यारूँमेर भेळी वेगी, जो गाबा वे तबीता नाम की चेली बणाया हा, जद वाँ वाँके हाते ही।

थरप्या तका का काम 9:41

वींने पतरस हात पकड़न ऊबी किदी अन पछे वाँ राडी-बायाँ अन ईसू ने मानबावाळा लोगाँ ने बलान वाँने हूँप दिदी।

रोमियों 1:12

मारे केवा को मतलब ओ हे के, जद्याँ मूँ थाँका हाते रेवूँ, तो थाँने मारा अन मने थाँका विस्वासऊँ हिम्मत मल सके।

1 कुरिन्थियों 7:32

मूँ छावूँ हूँ के, थाँ चन्ताऊँ छेटी रेवो। एक कुँवारो मनक परबू की बाताँ की चन्ता में रेवे हे के, कस्यान परबू ने राजी करे।

1 कुरिन्थियों 7:34

अन ईं तरियाँ वाँका बच्यार बट जावे हे। पनी तकी अन कूँवारी में भी फरक हे, कूँवारी तो परबू की चन्ता करे हे के, वाँ देह अन आत्मा दुयाँ में पुवितर वे, पण पनी तकी दनियाँ की चन्ता करती रेवे हे के, आपणाँ धणी ने राजी राके।

इपिसियों 6:18

हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।

फिलिपियों 4:6

कणी भी बात की चन्ता मत करो पण थाँकी हारी अरज अन विनती धन्नेवाद का हाते परमेसरऊँ करता जावो।

1 तिमुतियूस 2:1

अबे हाराऊँ पेली मूँ थाँकाऊँ हाता-जोड़ी करूँ हूँ के, अरज, परातना, विनती अन धन्नेवाद परमेसर ने हाराई मनकाँ का वाते दिदो जावे।

1 तिमुतियूस 5:16

यद्याँ कणी विस्वासी लुगई का परवार में विदवा लुगई वे, तो वीं वींकी देक-रेक करे, ताँके मण्डली पे वींको बोज ने पड़े, जणीऊँ मण्डली वणा विदवा लुगायाँ की देक-रेक कर सके, ज्याको कुई ने हे।

1 तिमुतियूस 5:3

वणा विदवा लुगायाँ को मान करज्ये, जणाकी देक-रेक करबावाळो हाँची में कुई ने हे।

2 तिमुतियूस 1:3

तिमुतियुस मूँ रात-दन मारी परातना में थने आद करूँ हूँ अन थाँरा वाते परमेसर ने धन्नेवाद दूँ हूँ, जिंकी सेवा मूँ मारा बड़ाबा का जस्यान हुदा मनऊँ करूँ हूँ।

1 पतरस 3:5

काँके पेला का जुग में जो पुवितर लुगायाँ ही, वीं परमेसर में आस राकबावाळी ही, वीं खुद भी परमेसर की मरजी का जस्यान सजती-धजती ही। अन आपणाँ-आपणाँ धणी का क्या में रिया करती हे।