1 तिमुतियूस 5:22 - नुवो नेम (मेवड़ी नया नियम)

²² लोगाँ का माता पे आसिरवाद देबा का वाते हात मेलन वाँने परमेसर की सेवा में देबा का वाते आगत मती करज्ये। दूजाँ का पाप में भेळो मती वेज्ये, खुद ने खरो बणान राकज्ये।

1 तिमुतियूस 5:22 Iomraidhean Croise

थरप्या तका का काम 13:3

जद्याँ वे वरत अन परातना करन बरनबास अन साउल पे आपणो हात मेल्यो अन वाँने हिक दे दिदी।

थरप्या तका का काम 18:6

पण जद्याँ वीं विरोद करबा अन रिस्याँ बळवा लागा, तो पोलुस आपणाँ गाबा जाटकन वाँकाऊँ क्यो, “यद्याँ थाँ अबे नास वेवो तो, याँ जिमेदारी थाँकीस हे अन ईंका वाते मूँ जिमेदार ने हूँ। अबे मूँ जो यहूदी ने हे वाँका नके जाऊँ।”

थरप्या तका का काम 20:26

ईं वाते मूँ आज थाँने गवई देन केरियो हूँ, यद्याँ ईंका केड़े भी थाँको नास वे जावे तो मूँ जिमेदार ने हूँ।

थरप्या तका का काम 6:6

अन आ हातई जणा ने थरप्या तका का हामे लान ऊबा कर दिदा, पछे थरप्या तका परातना करन वाँपे हात राक्यो।

इपिसियों 5:11

वणा अन्दारा का कामाँ में भेळा मती वो, पण वणा कामाँ ने चोड़े करो।

1 तिमुतियूस 3:10

अणाने भी पेली मण्डली का परदान का जस्यान परक्या जाणा छावे जावे, यद्याँ अणामें कई दोस ने वे, तद्याँई अणाने मण्डली में दास का जस्यान काम करबा देणो छावे।

1 तिमुतियूस 3:2

एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

1 तिमुतियूस 3:6

वो विस्वास में पाको वेणो छावे, काँके कटे अस्यान ने वेवे के, वो सेतान के जस्यान मेपणो करन दण्ड पावे।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

1 तिमुतियूस 4:14

थाँरा मयने ज्यो आत्मिक वरदान हे ज्यो थने वीं टेम मल्यो हो, जद्याँ परमेसर का आड़ीऊँ बोलबावाळा थाँरा माता पे आसिरवाद देबा का वाते हात मेल्यो हो, वीं वरदान का वाते बेपरवा मती वेज्ये।

2 तिमुतियूस 1:6

ईं वाते मूँ थने आद देवाड़ूँ के, वीं वरदान ने जीवतो राक, जिंने परमेसर थने वीं टेम दिदो हो, जद्याँ में थाँरा पे हात मेल्यो हो।

2 तिमुतियूस 2:2

परमेसर को परच्यार करती दाण नरई गवा की मोजुदगी में, जीं बाताँ थें माराऊँ हिकी हे, वाँने विस्वास जोगा मनकाँ ने हूँप दे, जीं दूजाँ ने हिकाबा को मन राकता वेवे।

इब्रानियों 6:2

अन बतिस्मा की हिक, माता पे हात मेलणो, मरिया तका को पाछो जी उटणो अन अंत को न्याव।

2 यहुन्ना 1:11

काँके ज्यो मनक अस्या मनकाँ आवभगत करे हे, वो वींका बुरा कामाँ में भेळो वेवे हे।

परकासितवाक्य 18:4

मने हरगऊँ एक ओरी अवाज अस्यान आती तकी हुणई दिदी के, मारा मनकाँ वटेऊँ बारणे आ जावो थाँ वाँके पापाँ का हाते भोगी मती बणो, काँके कटे अस्यान ने वेजा वे के, वींपे पड़बावाळी तकलिप थाँका पे भी पड़ जावे।