1 तिमुतियूस 5:17 - नुवो नेम (मेवड़ी नया नियम)

¹⁷ एक परदान का रूप में जतरा भी मोतबीर मनक हव काम करे हे, वीं दुणा आदर-मान के जस्यान हमज्या जावे, खास तरियाऊँ वीं ज्यो परच्यार अन हिकाबा में घणी मेनत करे हे।

1 तिमुतियूस 5:17 Iomraidhean Croise

मत्ती 24:25

देको, में थाँने पेल्याई ईं हारी बता दिदी हे।

लूका 10:7

वणी घर मेंईस रेवो अन जो कई वटूँ मले, वोईस खावो-पीवो, काँके दानक्याँ ने आपणी दानकी मलणी छावे। घर-घर मती फरज्यो।

लूका 12:42

परबू क्यो, “हमजदार अन विस्वास जोगो दास कूण हे? जिंने वींको मालिक वींने नोकर-चाकर का ऊपरे हाकम ठेरावे के, वाँने टेम-टेम पे तनका देवे।

यहुन्ना 4:38

में थाँने वो खेत काटबा के वाते खन्दाया, जिंमें थें काम ने किदो। वींमें दूजाँ मेनत किदी अन अबे थाँ वाँकी मेनत का काम का फळ में भी भागी बणग्या हो।”

थरप्या तका का काम 11:30

तो पछे वाँकाणी अस्यान ईंस किदो, यरूसलेम का विस्वास्याँ का बुड़ा-ठाड़ा के नके बरनबास अन साउल की लारे खन्दायो।

थरप्या तका का काम 20:35

में थाँने हंगळो करन दिकायो के अस्यान मेनत करता तका गरीबा ने हमाळो अन परबू का बचन ने रोज याद राकज्यो, जो वणी क्यो हो के, “लेबाऊँ देणो हव हे।”

थरप्या तका का काम 28:10

वाँकाणी माने घणो दान देन माँको मान किदो, जद्याँ माँ जाबा में हा तो वणा माँके जरुरत की चिजाँ ने लान जाँज में मेली।

रोमियों 12:8

जद्याँ किंने दूजाँ ने हिम्मत बडाबा को वरदान मल्यो हे तो वो हिम्मत बड़ावे। जद्याँ किंने दान देबा को वरदान मल्यो हे तो वो खुला मनऊँ दान देवे। जद्याँ किंने अगुवाई करबा को वरदान मल्यो हे तो वो मन लगान अगुवाई करे, अन जद्याँ किंने दया करबा को वरदान मल्यो हे तो वो राजी मनऊँ दया करे।

रोमियों 15:27

हा, यो तो वणा खुद ते किदो, पण वाँका वाते वाँकी जिमेदारी भी बणे हे, काँके जद्याँ जी यहूदी ने हे, वणा मनकाँ यहूदी मनकाँ का आत्मिक आसीस में पाँती लिदी हे, तो जीं यहूदी ने हे, वाँ मनकाँ की जिमेदारी हे के, वीं आपणी चिजाँऊँ वाँकी मदत करे।

रोमियों 16:12

त्रुफेना अन त्रुफोसा ने ज्यो परबू को काम का वाते घणी मेनती करबावाळी हे, वाँने मारो नमस्कार। मारी लाडली परसिस ने, जणी परबू में घणी मेनत किदी हे, वींने मारो नमस्कार।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

1 कुरिन्थियों 16:16

थाँ खुद ने वाँका हाताँ में हूँप दिज्यो जीं परबू का काम में जुड़या तका हे अन घणी मेनत हे।

1 कुरिन्थियों 3:9

काँके माँ परमेसर का वाते काम करबावाळा हाँ। थाँ परमेसर का खेत हो अन परमेसर का मन्दर हो।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 6:6

जणी परमेसर का बचन हुण्या हे, वाँने यो करणो छावे के, वीं आपणाँ नके की हारी हव चिजाँ ने आपणाँ हिकबावाळा का हाते बाटे।

फिलिपियों 2:16

जद्याँ थाँ जीवन देबावाळा परमेसर का बचन ने लेवो, तो मसी का पाच्छा आबा के दन में मने बड़ई करबा को मस वे के, हव-हमच्यार ने फेलाबा को मारो काम अन मारी मेनत वल ने वी।

फिलिपियों 2:29

ईं वाते थाँ परबू पे विस्वास राकबावाळा भई के जस्यान वींकी आवभगत घणा आणन्दऊँ करज्यो अन अस्या मनकाँ को मान करिया करो।

फिलिपियों 4:3

हे हाँचा हण्डाळ्याँ, मूँ थाँराऊँ भी अरज करूँ हूँ के, थूँ वीं लुगायाँ की मदत कर, काँके वणा मारा हाते हव हमच्यार हुणाबा का काम में, क्लेमेंस अन मारा दूजाँ काम करबावाळा का हाते मेनत किदी, ज्याँको नाम जीवन की पोती में लिक्यो तको हे।

1 तिमुतियूस 3:5

यद्याँ कुई मनक योई ने जाणे के, खुद का परवार की हार-हमाळ कस्यान वेवे, तो वो परमेसर की मण्डली की हार-हमाळ कस्यान कर सकी?

1 तिमुतियूस 4:10

आपाँ ईं वाते मेनत अन कोसीस करा हाँ, काँके आपणी आस जीवता परमेसर में हे, जीं हाराई ने, खासतोरऊँ विस्वास्याँ ने बंचाबावाळो हे।

1 तिमुतियूस 4:14

थाँरा मयने ज्यो आत्मिक वरदान हे ज्यो थने वीं टेम मल्यो हो, जद्याँ परमेसर का आड़ीऊँ बोलबावाळा थाँरा माता पे आसिरवाद देबा का वाते हात मेल्यो हो, वीं वरदान का वाते बेपरवा मती वेज्ये।

1 तिमुतियूस 4:16

खुद पे अन थाँरा उपदेसा पे ध्यान दे, अन अणामें अपणेआप पाको वे, काँके अस्यान करबाऊँ थूँ खुद ने अन थने हूणबावाळा ने बंचाबा को मस वेई।

1 तिमुतियूस 4:6

यद्याँ थूँ विस्वास्याँ ने आ सला देई, तो थूँ ईसू मसी को हव दास केवाई अन विस्वास की बाताँ अन खरी हिक का वजेऊँ ज्याँने थूँ मानतो आयो हे, वाँकाऊँ थूँ खुद को आत्मिक तरियाऊँ पालण-पोसण करी।

1 तिमुतियूस 5:19

कणी भी मोतबीर मनक के खिलाप दो कन वणीऊँ हेला गवा का बना वींपे लगाया ग्या दोस मती हूणज्यो।

1 तिमुतियूस 5:3

वणा विदवा लुगायाँ को मान करज्ये, जणाकी देक-रेक करबावाळो हाँची में कुई ने हे।

2 तिमुतियूस 2:6

मेनत करबावाळा करसाण नेईस हाराऊँ पेल्याँ हाक को फळ मलणो छावे।

2 तिमुतियूस 4:2

परमेसर का हव हमच्यार को परच्यार कर, पलई ईंने हाराई मनक ने माने, पण ईंका केड़े भी थूँ ईंने पूरा मनऊँ करतो रे। थूँ लोगाँ ने सई कर अन वाँका पापाँ को वाँने ध्यान करान चेता। हातेई हाते वाँने उदास मती वेबा दे, वाँने सला देती दाण हमेस्यान धीरज राकज्ये।

इब्रानियों 13:17

आपणाँ आत्मिक मुक्या को भरोसो करो अन वाँके बंस में रो। वीं परमेसर का हामें थाँको लेको देबावाळा का जस्यान वीं जागता तका थाँके जीव की रुकाळी करे हे। अन यद्याँ वस्यानीस करो, तो वीं यो काम राजी वेन करी, पण थाँ वस्यान ने करो, तो वीं यो काम दकऊँ करी। अन अणीऊँ थाँको कई नफो ने वेई।

इब्रानियों 13:24

मारा आड़ीऊँ आपणाँ हाराई अगुवाँ अन हाराई पुवितर लोगाँ ने नमस्कार केज्यो, अन इटली का विस्वासी मनक थाँने नमस्कार केवे हे।

इब्रानियों 13:7

आपणाँ मुक्या ने आद राको, जणा थाँने परमेसर का बचन हुणाया हे, वाँके चालचलन का फळ का बारा में होचो अन वाँके विस्वास की नकल करो।