1 तिमुतियूस 4:4 - नुवो नेम (मेवड़ी नया नियम)

⁴ काँके परमेसर की रची तकी हारी चिजाँ हव हे, कई भी छोड़बा जोगी ने हे, पण परातना अन धन्नेवाद करन हारोई खायो जा सके हे,

1 तिमुतियूस 4:4 Iomraidhean Croise

थरप्या तका का काम 10:15

तो पाच्छी वींने दूजी दाण अवाज हुणई, “जो भी चिजाँ ने परमेसर सुद क्यो हे, वींने असुद ने केणी।”

थरप्या तका का काम 15:29

के थाँ मूरताँ के चड़ई तकी चिजाँ, अन गळो मरोड़िया तका को माँस ने खावो, कूकरमऊँ छेटी रेज्यो अन लुई ने पीजो। ईंऊँ थाँको भलो वेई, अबे माँ विदा लेवा।”

थरप्या तका का काम 21:25

पण जणा जो यहूदी ने हे वामूँ विस्वास किदो, माँ सला करन वाँने संदेसो लिक्यो के, वीं मूरताँ ने चड़ाया तका मासऊँ छेटी रेवे अन गळो मरोड़्या जनावर को माँस ने खावे अन लुई ने पिवे अन कूकरमऊँ छेटी रेवे।”

रोमियों 14:14

परबू ईसू का गट-जोड़ में, मूँ पको मानूँ हूँ के, कस्यी भी चीज असुद कोयने। वाँ खाली वणी वाते असुद हे ज्यो वींने असुद माने हे।

रोमियों 14:20

खाबा का वाते परमेसर का काम ने मती वगाड़ो। हाराई तरियाँ को खाणो सुद हे पण जद्याँ कई खाबाऊँ कुई भई पाप में पड़े, तो वींने खाणो गलत हे।

रोमियों 14:6

ज्यो मनक कणी दन ने एक खास दन माने हे वो अस्यान परबू ने आदर देबा का वाते करे हे। अन ज्यो हारोई खावे हे वो भी परबू ने आदर देबा का वाते खावे हे, काँके वीं रोटी का वाते परमेसर ने धन्नेवाद देवे हे। ज्यो थोड़ीक चिजाँने ने खावे वीं भी अस्यान परबू का आदर में करे हे अन परमेसर ने धन्नेवाद देवे हे।

1 कुरिन्थियों 10:23

आपाँ होरोई करबा का वाते खुला हाँ, पण हारी चिजाँ हव ने हे। आपाँ हारोई करबा का वाते खुला हाँ, पण हारी चिजाँ विस्वास ने गाटो ने करे हे।

1 कुरिन्थियों 10:25

माँस का बजार में ज्यो कई वके हे, वींने आपणाँ मन का हस्याबूँ खावो पण वींका बारा में कदी सवाल मती करो।

1 कुरिन्थियों 10:26

काँके सास्तर केवे हे के, “आ धरती अन ईंपे ज्यो कई हे, वो हारोई परबू को हे।”

1 कुरिन्थियों 10:30

यद्याँ मूँ परमेसर को धन्नेवाद देन खाणा में भाग लेऊँ तो, वींका वाते मने कुई भी कई ने केणो छावे।

1 तिमुतियूस 4:3

अस्यान का मनक ब्याव करबा ने गलत अन खाबा की कई चिजाँऊँ रका राकबा की हिक देई, पण परमेसर वणा चिजाँ ने ईं वाते बणई के, विस्वास अन हाँच ने जाणबावाळा वाँने परमेसर को धन्नेवाद देन खावे।