1 तिमुतियूस 1:14 - नुवो नेम (मेवड़ी नया नियम)

¹⁴ अन परबू मारा पे नरी दया किदी, हातेई हाते वो परेम अन विस्वास ज्यो ईसू मसी में हो, वो मने मल्यो।

1 तिमुतियूस 1:14 Iomraidhean Croise

मत्ती 20:9

जद्याँ वीं आया ज्यो घड़ीभर दन रेग्यो हो, वीं दाण दानकी पे लगाया ग्या हाँ, वाँने एक चाँदी को सिक्को मल्यो।

थरप्या तका का काम 15:11

पण, माँ ओ विस्वास कराँ हा के, माँ परबू ईसू की करपाऊँ बंचाया ग्या हा, जस्यान के वे।”

रोमियों 16:20

सान्ती देबावाळा परमेसर वेगोई सेतान ने थाँका पगा का रेटे नाक देई। आपणाँ परबू ईसू की दया थाँका पे वेवे।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

1 कुरिन्थियों 3:10

परमेसर की वीं दया के जस्यान, ज्यो मने दिदी गी हे, में एक हूँस्यार कारीगर के जस्यान नीम नाकी, पण वींपे सणई करबावाळो तो कुई ओरी हे। पण हरेक मनक ने ध्यान राकणो हे के, वीं कस्यान काम कररिया हे।

2 कुरिन्थियों 13:14

थाँका पे परबू ईसू की दया अन परमेसर बापू को परेम अन पुवितर आत्मा को छतर-छाया थाँका हाराई पे वेती रेवे।

2 कुरिन्थियों 4:15

ईं हारी चिजाँ थाँका वातेईस किदी जारी हे, जणीऊँ नरई मनकाँ पे परमेसर की दया वे अन वीं अणीऊँ परमेसर ने धन्नेवाद दे सकी अन परमेसर ने खुब मेमा मली।

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

गलातियों 1:13

यहूदी समाज में ज्यो पेल्या मारो वेवार हो, थाँ वींका बारा में पेल्याँई हुण चुक्या हो के, मूँ परमेसर की मण्डळ्याँ ने हतातो अन नास करबा की कोसीस करतो हो।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 5:8

पण आपीं जतरा दन का हाँ, आपाँने विस्वास अन परेम को हत्यार पेरन अन बंचबा को टोपो लेन हेंचेत रेणो छावे।

1 तिमुतियूस 2:15

पण लुगायाँ बाळक जणन बंचगी, अन वाँने छावे के, वीं धीरज का हाते विस्वास, परेम अन खरईपणा में गाटी रेवे।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

1 तिमुतियूस 6:11

पण थूँ, ज्यो परमेसर ने मानबावाळो हे, अणा हारी बाताँऊँ छेटी रेज्ये, पण धारमिकता, भगती, विस्वास, परेम, धीरज अन दया में बण्यो तको रेज्ये।

2 तिमुतियूस 1:13

जीं खरा बचन में थने हिकाया हे वाँने मजबुतीऊँ पकड़ राक अन वाँने भी विस्वास अन परेम का हाते, ज्यो ईसू मसी में हे, खुद का वाते नमुनो बणान राक।

2 तिमुतियूस 2:22

जवानी की बुरी मरजीऊँ छेटी रे अन ज्यो खरा मनऊँ परबू को नाम लेवे हे वाँका हाते खुद ने धरम, विस्वास, परेम अन सान्तीऊँ रे।

तीतूस 2:2

भूण्डा मनकाँ ने हिक दे, ताँके वीं धीरज राकबावाळा, हमजदार अन खुद पे काबू राकबावाळा वेवे अन वीं विस्वास, परेम अन सेवा में पाका रेवे।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।

1 यहुन्ना 4:10

हाँचो परेम ओ ने हे के, आपाँ परमेसरऊँ परेम किदो, पण वो ओ हे के, परमेसर आपाऊँ परेम किदो अन आपणाँ पाप धोवा का वाते आपणाँ बेटा ने बलीदान वेवा का वाते खन्दा दिदो।

परकासितवाक्य 22:21

परबू ईसू को अनुगरे हाराई परमेसर का पुवितर मनकाँ का हाते बण्यो रेवे। आमीन।