1 थिस्सुलुनिक्यों 5:6 - नुवो नेम (मेवड़ी नया नियम)

⁶ ईं वाते दूजाँ के जस्यान आपाँने हूतो तको ने रेणो छावे, पण हेंचेत अन खुद ने काबू में राकणो छावे।

1 थिस्सुलुनिक्यों 5:6 Iomraidhean Croise

मत्ती 13:25

जद्याँ लोग-बाग हूँ रिया हा तो वाँको दसमण आन गव का बचमें चारा का बीज छाँटन परोग्यो।

मत्ती 24:42

“ईं वाते थें भी जागता रो, काँके थाँ ने जाणो हो के, थाँको परबू कणी दन अई जावे।

मत्ती 25:13

तो पछे ईसू क्यो, “ईं वाते हेंचेत रेवो, काँके थाँ ने तो वीं दन ने जाणो हो, ने वीं टेम ने, जद्याँ मनक को पूत आई।”

मत्ती 25:5

जद्याँ बींद का आबा में थोड़ीक देर वेगी, तो वीं हारई ऊँगवा लागी अन हूँई गी।

मत्ती 26:38

तद्याँ ईसू वाँने क्यो, “मारो जीव घणो दकी हे, अटा तईं के, मारो जीव निकळबा में हे। थाँ अटेईस ठमो अन मारा हाते जागता रेवो।”

मरकुस 13:37

ज्यो मूँ थाँने कूँ हूँ, वो हाराऊँ भी केऊँ के, जागता रो।”

लूका 12:37

धन्न हे वीं दास, जणा ने मालिक जागता तका अन त्यार देके। मूँ थाँकाऊँ हाचेई केवूँ हूँ के, वो भी त्यार वेन वाँने जीमबा का वाते बेवाड़ी अन नके आन वाँकी सेवा-चाकरी करी।

लूका 12:39

पण, थाँ यो ज्यान राको के, यद्याँ घर को मालिक जाणतो के, चोर कणी घड़ी आई, तो वो जागता रेवे अन आपणाँ घर में चोरी ने वेवा देतो।

लूका 21:36

ईं वाते जागता रो अन हरेक टेम परातना करता रेवो, ताँके थाँ अणा हारी आबावाळी आपतीऊँ बचन अन मूँ मनक का पूत का हामें ऊबा रेवा के जोगा बण सको।”

लूका 22:46

तो ईसू वाँकाऊँ क्यो, “अरे हुई काँ रिया हो? उटो अन परातना करो, ताँके थाँ परक में ने पड़ो।”

थरप्या तका का काम 20:31

ईं वाते हूँस्यार रेवो, अन ओ ध्यान राको के, में तीन वर तईं रात-दन आसूँ का हाते थाँ हाराई ने हिकाया।

1 कुरिन्थियों 15:34

थाँ होस में आन ज्यो सई हे, वींका बारा होचो अन पाप करणो छोड़ दो। काँके थाँकामूँ नरई तो अस्या हे ज्यो परमेसर का बारा में कई ने ने जाणे हे, मूँ यो थाँकी हरम का वाते केरियो हूँ।

1 कुरिन्थियों 16:13

थाँ ध्यानऊँ रेज्यो अन विस्वास में गाटा बण्या रेज्यो, थाँ हिम्मत राकबावाळा अन तागतवर बणज्यो।

इपिसियों 2:3

पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

इपिसियों 5:14

काँके उजाळोईस हे ज्यो हाराई ने चोड़े करे हे। ईं मस अस्यान केवे हे, “ओ हुबावाळा, बेटो वे अन मरिया मूँ जीवतो वेजा, तो मसी को ऊजासो थाँरा पे चमकी।”

इपिसियों 6:18

हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।

फिलिपियों 4:5

थाँकी नरमाई हाराई मनकाँ का बचमें दिके। आद राको परबू को पाछो आणो नके हे।

कुलुसियों 4:2

थाँ हेंचेत रेन परमेसर को धन्नेवाद करता रेवो अन परातना करता रेवो।

1 थिस्सुलुनिक्यों 4:13

हो भायाँ-बेना, माँ छावाँ हाँ के, थाँ मरिया तका विस्वासी भायाँ का पाच्छा जी उठबा का हाँच ने जाणो, जणीऊँ थाँ बना विस्वास करबावाळा के जस्यान दकी ने वेवो, ज्याँका नके आस ने हे।

1 थिस्सुलुनिक्यों 5:10

ईसू मसी आपाँ वाते ईं वजेऊँ मरिया हाँ के, आपाँ पलई जीवता वा कन पलई वाँके आबाऊँ पेल्याँ मरी जावा, पण हाराई मलन वाँका हाते जीवा।

1 थिस्सुलुनिक्यों 5:8

पण आपीं जतरा दन का हाँ, आपाँने विस्वास अन परेम को हत्यार पेरन अन बंचबा को टोपो लेन हेंचेत रेणो छावे।

1 तिमुतियूस 2:15

पण लुगायाँ बाळक जणन बंचगी, अन वाँने छावे के, वीं धीरज का हाते विस्वास, परेम अन खरईपणा में गाटी रेवे।

1 तिमुतियूस 2:9

वस्यानीस मूँ लुगायाऊँ केवूँ हूँ के, हरम लाज अन धीरज का हाते हुदा-हादा गाबाऊँ खुद ने सजावे ने के फेंसी चोटी बणान होना अन मोती अन मेंगा गाबाऊँ सजावो,

1 तिमुतियूस 3:11

अणीस लुगायाँ भी हव वेवार की वेवे अन थाँरी मारी करबावाळी ने वेवे, ईं हूँस्यार अन हारी बाताँ में विस्वास जोगी वेणी छावे।

1 तिमुतियूस 3:2

एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

2 तिमुतियूस 4:5

थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।

तीतूस 2:12

या करपा आपाँने हिकावे हे के, आपीं बना भगती अन दनियादारी की मरजीऊँ फरन अणी दनियाँ में खुद पे काबू राकबावाळा, धरमी अन भगती-भावऊँ जीवन जीवा।

तीतूस 2:6

अस्यानीस थूँ मोट्यार छोरा ने हमजा के, वे खुद पे काबू राकबावाळा बण्या तका रेवे।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

परकासितवाक्य 16:15

“हूँस्यार रेज्यो! काँके मूँ चोर की जस्यान अणाचेत को आऊँ हूँ। धन्न हे वीं ज्यो जागता रेवे हे, अन आपणाँ गाबा हमाळी राके हे, जणीऊँ वीं उगाड़ा ने रेई अन मनक वाँने नांगा ने देकी।”

परकासितवाक्य 3:2

ईं वाते हेंचेत वो अन अणीऊँ पेल्याँ के, थाँ पुरी तरियाँ मर जावो वणा बाताँ ने जो बची तकी हे वाँने पाकी करो, काँके में मारा परमेसर की देकणी में, थाँरा कस्याई काम ने सई कोयने देक्या हे।