1 थिस्सुलुनिक्यों 5:11 - नुवो नेम (मेवड़ी नया नियम)

¹¹ ईं वाते जस्यान थाँ करता आरिया हो वस्यानीस एक दूजाँ ने जेलो देन हिम्मत बड़ाता रेवो अन विस्वास में गाटा करता रेवो।

1 थिस्सुलुनिक्यों 5:11 Iomraidhean Croise

रोमियों 14:19

तो, वणा बाताँ में लाग्या रेवो, जीं सान्ती बड़ावे हे अन एक दूजाँ की आत्मिक बढोतरी में मदत मले हे।

रोमियों 15:14

हो मारा भायाँ, मने पाको पतो हे के, थाँ भलईऊँ भरिया तका हो, ग्यान अन एक दूजाँ ने हिकाबा में पाको हो।

रोमियों 15:2

आपणाँ मेंऊँ हाराई जणा दूजाँ की भलई का वाते राजी करणा छावे, ताँके वीं विस्वास में गाटा वेवे।

1 कुरिन्थियों 10:23

आपाँ होरोई करबा का वाते खुला हाँ, पण हारी चिजाँ हव ने हे। आपाँ हारोई करबा का वाते खुला हाँ, पण हारी चिजाँ विस्वास ने गाटो ने करे हे।

1 कुरिन्थियों 14:12

ईं वाते थाँ भी ज्यो आत्मिक वरदान की मरजी राको हो, थाँ आ कोसीस करिया करो के, थाँका आत्मिक वरदानऊँ मण्डली गाटी वेवे।

1 कुरिन्थियों 14:29

अन जिंने परमेसर का आड़ीऊँ बोलबा को वरदान मल्यो हे वाँका मेंऊँ भी दो कन हेलाऊँ हेला तीन जणा नेईस बोलणो छावे अन दूजाँ मनकाँ ने वाँकी बाताँ ध्यान लगान हूणणी छावे।

1 कुरिन्थियों 14:5

अन मूँ ओ छावूँ हूँ के, थाँ अलग अलग बोल्याँ में बाताँ करो पण अणीऊँ भी हेलो मूँ ओ छावूँ हूँ के, थाँ परमेसर का आड़ीऊँ बाताँ करो, काँके यद्याँ कुई अलग अलग बोली बोले अन जद्याँ तईं ईंको मतलब हमजावा वाळो कुई ने जणीऊँ विस्वास्याँ की मण्डली आत्मिक रूप में गाटी वे सके, ईं वाते अणीऊँ मोटो तो परमेसर का आड़ीऊँ बोलबावाळो हे।

2 कुरिन्थियों 12:19

अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ।

इपिसियों 4:12

वणा ओ ईं वाते किदो के, वी हाराई पुवितर मनकाँ ने सेवा करबा का वाते त्यार करे ताँके मसी को डील तकड़ो वेतो जावे।

इपिसियों 4:16

मसी का केवा में हरेक टेको देबावाळा जोड़ऊँ डील का हाराई अंग जोड़्या जावे अन एक वेजावे हे। ईं वाते जद्याँ हरेक अंग आपणो आपणो काम करे तद्याँ आको डील वदतो जावे हे अन वो परेम में भी वदे हे।

इपिसियों 4:29

थाँका मुण्डाऊँ कई नकसाण करबावाळी बाताँ ने निकळणी छावे, पण लोगाँ के धिज्यो बंदाबा का वाते ज्याँने जरूत हे, अस्यी हव बाताँइस निकळणी छावे, ताँके ज्यो हुणे वाँको भलो वे।

1 थिस्सुलुनिक्यों 4:10

जस्यान हाराई मकिदुनिया का भायाँ का हाते थाँ परेम राको भी हो, पण माँ थाँकाऊँ अरज करा हाँ के, ईंमें ओरी भी बड़ता जावो।

1 थिस्सुलुनिक्यों 4:18

ईं वाते थाँ भी आ बाताँऊँ एक दूजाँ की हिम्मत बड़ाया करो।

1 तिमुतियूस 1:4

अन वाँ मनगड़त केण्याँ अन वंसावल्या पे मन ने लगावे, ज्यो लड़ई-जगड़ो करावे हे अन परमेसर की वीं मरजी ने पुरी ने वेवा देवे हे, ज्या खाली विस्वासऊँ पुरी वे सके हे।

इब्रानियों 10:25

अन थाँ भेळा वेणो मती छोड़ज्यो। जस्यान के नरई मनकाँने तो भेळो ने वेबा की आदत पड़गी हे। पण आपाँने तो एक दूजाँ ने हमजाणा हे। जस्यान के, थाँ जाणो हो अन देको भी हो के, वो परबू को दन नके आरियो, जणीऊँ थाँने तो ओरुँ भी ईंने करणो छावे।

इब्रानियों 3:13

जद्याँ तईं यो आज को दन केवावे हे, तद्याँ तईं थाँ रोज एक दूजाँ ने धिज्यो बंदाता रेवो, ताँके थाँकामूँ कुई भी पाप का धोका में पड़न आपणो मन गाटो ने करे।

2 पतरस 1:12

ईं वाते यद्याँ थाँ अणा बाताँ ने जाणो हो, अन थाँने जो हाँच को वसन मल्यो हे अन थाँ ओ बचन मानो भी हो, तो भी मूँ थाँने ईं बाताँ आद अवाड़ातो रेऊँ हूँ।

यहूदा 1:20

पण हो भायाँ, थाँ एक-दूँजा ने आत्मिक रूपऊँ पुवितर विस्वास का हाते आगे बड़ता रेज्यो अन पुवितर आत्मा का हाते परातना करतो रेज्यो।