1 थिस्सुलुनिक्यों 5:1 - नुवो नेम (मेवड़ी नया नियम)

¹ हो भायाँ-बेना, परबू का पाच्छा आबा की टेम अन दनाँ का बारा में लिकबा की माँने जरूत ने हे।

1 थिस्सुलुनिक्यों 5:1 Iomraidhean Croise

मत्ती 24:3

जद्याँ ईसू जेतुन का मंगरा पे बेट्या तका हा, तो चेला अकेला वाँका नके आन क्यो, “माने बता के, ईं बाताँ कदी वेई? थाँके आबा को अन जग का अन्त को कई हेन्याण वेई?”

मत्ती 24:36

“वीं दन अन वीं घड़ी का वाते कुई भी ने जाणे हे, ने हरग-दुत अन ने पूत, पण बेस परम बापू।

थरप्या तका का काम 1:7

ईसू वाँने क्यो, “वीं मोका अन बगत की पेचाण करणो परमपिता आपणाँ हक में राक्यो हे अन ईं मोका अन बगत ने थाँने जाणबा की जरुरत कोयने हे।

2 कुरिन्थियों 9:1

परमेसर का पुवितर मनकाँ का वाते ज्यो दान खन्दायो जारियो हे, ईंका बारा में मूँ थाँने ओरी हेलो लिकबा का वाते जरूरी ने हमजूँ हूँ।

1 थिस्सुलुनिक्यों 4:18

ईं वाते थाँ भी आ बाताँऊँ एक दूजाँ की हिम्मत बड़ाया करो।

1 थिस्सुलुनिक्यों 4:9

भईचारा का परेम का बारा में मने लिकबा की कई जरूत ने हे, काँके ईंका बारा में थाँ खुद परमेसरऊँ हिक लिदो हे के, कस्यान एक-दूजाऊँ परेम राकणो छावे।

यहूदा 1:3

हो लाड़ला भायाँ, मूँ तो घणो छावतो हो के, थाँने वीं छूटकारा का बारा में लिकूँ, जिंका आपाँ पांतीदार हा। मने अस्यान भी लागे हे के, मूँ थाँने ईं बाताँ लिकन हिम्मत देऊँ जणीऊँ थाँ विस्वास में बड़ता रेवो, ज्यो विस्वास परमेसर का पुवितर मनकाँ ने दिदो ग्यो हो।