1 थिस्सुलुनिक्यों 4:17 - नुवो नेम (मेवड़ी नया नियम)

¹⁷ ईंका केड़े आपाँने ज्यो जीवता अन बच्या तका हाँ, वाँका हाते वादळा में परबूऊँ हवा में मलबा वाते ऊपरे उठा लिदा जावा। अस्यान आपाँ हमेस्यान परबू का हाते रेवा।

1 थिस्सुलुनिक्यों 4:17 Iomraidhean Croise

मत्ती 26:64

ईसू वाँने क्यो, “थें खुदई के दिदो, पण मूँ थाँकाऊँ ओ भी केवूँ हूँ के, अबेऊँ थाँ मनक का पूत ने मेमावान परमेसर का जीमणा पाल्ड़े बेट्यो तको अन आकास का वादळा पे आतो तको देको।”

मरकुस 14:62

ईसू बोल्यो, “मूँ हूँ, थें मनक का पूत ने, वीं सगतीवान का जीमणा पाल्ड़े बेटो अन हरगऊँ आता तका बादळा में देको।”

यहुन्ना 12:26

यद्याँ कुई मारी सेवा करणो छावे, तो वींने मारे पाच्छे चालणोइस पेड़ी, जणीऊँ जटे मूँ हूँ, वटे वो भी वेवे। यद्याँ कुई मारी सेवा-चाकरी करी, तो मारा बापू परमेसर भी वाँको आदर-मान करी।

यहुन्ना 14:3

जगाँ बणाया केड़े मूँ पाछो थाँने लेबा ने आऊँ अन पछे आपाँ हातेईस रेवा।

यहुन्ना 17:24

“हो बापू, मूँ छावूँ हूँ के, ज्याँने थाँ मने दिदा हे, वीं जटे मूँ हूँ वटे वीं भी मारा लारे वेवे। ताँके वीं मारी वणी मेमा ने देके ज्यो थाँ मने दिदी, काँके थाँ दनियाँ का बणावाऊँ पेल्याऊँ माराऊँ परेम किदो।

थरप्या तका का काम 1:9

आ बात केन वाँकाणी देकतईं देकता ईसू ने वटूँ हरग में उठा लिदा ग्या अन बादळा में वे नजराऊँ ओजल वेग्या।

थरप्या तका का काम 8:39

अन जद्याँ वे पाणीऊँ बाणे निकळ्या, तो फिलिपुस ने परबू की आत्मा लेन परोग्यो अन वो अदिकारी पछे वींने कदी ने देक सक्यो अन वो राजी वेतो तको आपणे गेले-गेले परोग्यो।

1 कुरिन्थियों 15:52

जद्याँ आकरी रणभेरी बजाई जाई वीं दाण आँक झपकाताँ तईं एकीस दाण में अस्यान वे जाई। जद्याँ रणभेरी बजाई जाई तो मरिया तका जीवता वेन अमर वे जाई अन आपाँ ज्यो जीवता हाँ बदल्या जावा।

2 कुरिन्थियों 5:8

ईं वाते आपाँ हिम्मत राका हाँ अन खुद की देह ने छोड़न, परबू का हाते वाँका घर में रेणो छावाँ हाँ।

फिलिपियों 1:23

मूँ ईं दुया का बचमें लटक्यो तको हूँ। मारो जी तो छारियो हे के, ओ डील छोड़न मसी का नके जान रूँ, काँके ओ घणोइस हव हे,

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

1 थिस्सुलुनिक्यों 4:15

परबू का बचना का आड़ीऊँ माँ थाँने बतारिया हाँ के, आपाँ जतरा जीवता हा, बच्या तका रेवा अन परबू के पाच्छा आबा का दन तईं जतरा मरग्या हे, वणाऊँ आगे कुई ने वेई।

1 थिस्सुलुनिक्यों 4:18

ईं वाते थाँ भी आ बाताँऊँ एक दूजाँ की हिम्मत बड़ाया करो।

1 थिस्सुलुनिक्यों 5:10

ईसू मसी आपाँ वाते ईं वजेऊँ मरिया हाँ के, आपाँ पलई जीवता वा कन पलई वाँके आबाऊँ पेल्याँ मरी जावा, पण हाराई मलन वाँका हाते जीवा।

2 पतरस 3:13

पण आपाँ तो परमेसर की वादा का जस्यान नुवो आकास अन नवी धरती की वाट नाळा हा, जटे धरमीपणो वास करे हे।

परकासितवाक्य 1:7

देको, वो वादळा का हाते आबावाळो हे अन वींने हाराई आपणी आक्याँऊँ अन वीं मनक भी जणा वींने दुक दिदो हो देकी। अन धरती का हाराई मनक वाँके वजेऊँ रोई। अस्यान पाको हे के, यो वेई, आमीन।

परकासितवाक्य 11:12

वणा दुया ने हरगऊँ अवाज हुणई दिदी के, “ऊपरे अई जावो।” अस्यान हुणन वीं दुई आपणाँ दसमणा ने देकता देकता हरग में पराग्या।

परकासितवाक्य 12:5

वणी एक छोरा ने जनम दिदो, वो हारी जात्या पे लोड़ा की लाटी का जोर पे राज करबावाळो हो। पण फटाफट वो छोरो परमेसर का गादी का हामे उठान लेजायो ग्यो।