1 थिस्सुलुनिक्यों 4:14 - नुवो नेम (मेवड़ी नया नियम)

¹⁴ काँके आपाँ ओ विस्वास करा हाँ के, ईसू मरिया अन पाच्छा जीवता वेग्या हा, तो वस्यानीस परमेसर भी वाँने ज्यो ईसू पे विस्वास करता तका मरग्या हे, वाँने पाच्छा ईसू का हाते खन्दा देई।

1 थिस्सुलुनिक्यों 4:14 Iomraidhean Croise

मत्ती 24:31

वो रणभेरी की मोटी अवाज का हाते आपणाँ दुताँ ने खन्दाई, वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

रोमियों 14:9

काँके जीवता अन मरिया तका को परबू वेबा का वाते मसी मरियो अन पाछो जीवतो व्यो।

रोमियों 8:11

अन यद्याँ वाईस आत्मा जणी ईसू मसी ने मरिया तकाऊँ जीवतो किदो हे, थाँका मयने वास करे हे, तो वो जणी ईसू ने मरिया तकाऊँ जीवतो किदो हे, थाँकी नास वेबावाळी देह ने आपणी आत्माऊँ ज्या थाँका मयने वास करे हे, जीवाई।

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

1 थिस्सुलुनिक्यों 4:13

हो भायाँ-बेना, माँ छावाँ हाँ के, थाँ मरिया तका विस्वासी भायाँ का पाच्छा जी उठबा का हाँच ने जाणो, जणीऊँ थाँ बना विस्वास करबावाळा के जस्यान दकी ने वेवो, ज्याँका नके आस ने हे।

1 थिस्सुलुनिक्यों 4:17

ईंका केड़े आपाँने ज्यो जीवता अन बच्या तका हाँ, वाँका हाते वादळा में परबूऊँ हवा में मलबा वाते ऊपरे उठा लिदा जावा। अस्यान आपाँ हमेस्यान परबू का हाते रेवा।

2 थिस्सुलुनिक्यों 2:1

हो भायाँ-बेना, आपणाँ परबू ईसू मसी का आबा अन वाँके नके भेळा वेबा का बारा में, माँ थाँकाऊँ अरज करा हाँ के,

परकासितवाक्य 1:18

मूँ वोईस हूँ, जिंका नके जीवन हे। पेल्याँ मूँ मरग्यो हो, पण अबे देक, मूँ जुग-जुग वाते जीवतो हूँ। मोत अन पाताळ की चाब्याँ मारा नके हे।

परकासितवाक्य 14:13

जद्याँ मूँ अस्यान बोलरियो हो के, तद्याँ हरगऊँ आ अवाज हुणई, “ईंने लिकी ले। ज्यो परबू की सेवा करता करता मरे हे वीं धन्न हे।” आत्मा केवे हे के, “वीं आपणाँ कामाँऊँ आराम पाई, अन वाँका काम वाँके हाते हे।”