1 थिस्सुलुनिक्यों 4:13 - नुवो नेम (मेवड़ी नया नियम)

¹³ हो भायाँ-बेना, माँ छावाँ हाँ के, थाँ मरिया तका विस्वासी भायाँ का पाच्छा जी उठबा का हाँच ने जाणो, जणीऊँ थाँ बना विस्वास करबावाळा के जस्यान दकी ने वेवो, ज्याँका नके आस ने हे।

1 थिस्सुलुनिक्यों 4:13 Iomraidhean Croise

मत्ती 27:52

अन अटा तईं कबराँ खुलगी, अन मरिया तका पुवितर मनकाँ मेंऊँ नरई पाच्छा जीवता वेग्या।

यहुन्ना 11:24

मारता वींकाऊँ क्यो, “मूँ जाणूँ हूँ के, आकरी का दन में पाछो जीवतो वे जाई।”

थरप्या तका का काम 13:36

पछे दाऊद आपणाँ जुग में परमेसर के वाते आपणो काम पूरो करन मरग्यो अन वींने वटेईस गाड़्यो जटे वींका बड़ाबा ने गाड़्या हा, वींकी लास हड़गी,

थरप्या तका का काम 7:60

पछे वो गोडा टेकन कल्ड़ी अवाजऊँ क्यो, “परबू, ईं पाप ने वाँका माते मत नाकजो।” अतरोक केन वो मरग्यो।

थरप्या तका का काम 8:2

कुई भगत लोग इस्तीपनुस ने कबर में गाड़्यो अन वींका वाते कल्ड़ी हाका-भार करन रोणो-धोणो किदो।

रोमियों 1:13

मारा भायाँ थाँने ओ पतो वेणो जरूरी हे के, में घणी दाण थाँका नके आबा की होची, पण हरेक दाण कई ने कई अस्यान को वेता के, मूँ ने आ सक्यो। मूँ थाँका आड़ीऊँ भी वस्योईस फळ पाणो छावूँ हूँ, जस्यो ज्यो यहूदी ने हा, वाँ मनकाँऊँ पायो हो।

1 कुरिन्थियों 10:1

हो भायाँ, मूँ ने छाऊँ के, थाँ ईं बात भुल जावो के, आपणाँ बड़ाबा वादळा का रेटे रेन हाराई का हाराई लाल समन्द का बंच में वेन पार व्या हा।

1 कुरिन्थियों 12:1

हो भायाँ, मूँ ने छावूँ हूँ के, थाँ आत्मा का वरदानाँ का बारा में अणजाण रो।

1 कुरिन्थियों 15:6

अन वाँने दिकबा का केड़े वीं पानस्येऊँ हेला विस्वासी भायाँ ने जद्याँ वीं एक हाते हा, वाँने दिक्यो अन वणा मेंऊँ नरई तो अबाणू तईं जीवता हे, पण कुई तो सांत वेग्या।

2 कुरिन्थियों 1:8

हो विस्वासी भायाँ माँ ओ भी छावाँ हाँ के, ज्यो कळेस माँने एसिया में जेलणो पड़्यो हो वींके बारा में थाँ भी जाणो। वटे माँ माँकी सेनसगतीऊँ भी हेलो कळेस भोग्यो हो अन मरबा तईं की नोपत अईगी ही।

इपिसियों 2:12

वीं टेम थाँ मसी ने जाणता ने हा। थाँ पराया हा मतलब परमेसर का चुण्या तका इजराएली कोयने हा। परमेसर का दिदा तका वादा के करार का भागीदार ने हा अन ईं दनियाँ में बना आस अन बना परमेसर को जीवन जीरिया हा।

इपिसियों 2:3

पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

1 थिस्सुलुनिक्यों 4:14

काँके आपाँ ओ विस्वास करा हाँ के, ईसू मरिया अन पाच्छा जीवता वेग्या हा, तो वस्यानीस परमेसर भी वाँने ज्यो ईसू पे विस्वास करता तका मरग्या हे, वाँने पाच्छा ईसू का हाते खन्दा देई।

1 थिस्सुलुनिक्यों 4:15

परबू का बचना का आड़ीऊँ माँ थाँने बतारिया हाँ के, आपाँ जतरा जीवता हा, बच्या तका रेवा अन परबू के पाच्छा आबा का दन तईं जतरा मरग्या हे, वणाऊँ आगे कुई ने वेई।

1 थिस्सुलुनिक्यों 5:10

ईसू मसी आपाँ वाते ईं वजेऊँ मरिया हाँ के, आपाँ पलई जीवता वा कन पलई वाँके आबाऊँ पेल्याँ मरी जावा, पण हाराई मलन वाँका हाते जीवा।

1 थिस्सुलुनिक्यों 5:6

ईं वाते दूजाँ के जस्यान आपाँने हूतो तको ने रेणो छावे, पण हेंचेत अन खुद ने काबू में राकणो छावे।

2 पतरस 3:4

अन केई के, “अरे कई व्यो ईसू मसी के पाच्छे आबा का वादा को? काँके आपणाँ बड़ाबा तो मरग्या। अन जद्याँऊँ ईं धरती की रचना वीं हे, तद्याँऊँ आ धरती वस्यान की वस्यान चालती आरी हे।”

2 पतरस 3:8

पण हो मारा प्यारा भायाँ, थाँ ईं एक बात ने मती भुलज्यो के, परबू की नजर में एक दन हजार वरा का बराबर हे अन हजार वर एक दन का बराबर हे।