1 थिस्सुलुनिक्यों 3:2 - नुवो नेम (मेवड़ी नया नियम)

² अन तिमुती ने ज्यो मसी का हव हमच्यार में मारो विस्वासी भई अन परमेसर को दास हे वींने थाँका नके खन्दावाँ जणीऊँ वो थाँने पाका करे अन विस्वास का बारा में हमजावे अन थाँकी हिम्मत बड़ावे।

1 थिस्सुलुनिक्यों 3:2 Iomraidhean Croise

थरप्या तका का काम 16:1

पछे पोलुस दिरबे अन लुस्त्रा नगर में ग्यो, वटे तिमुतियुस नाम को एक विस्वासी रेतो हो, जो एक यहूदी विस्वासी लुगई को छोरो हो, पण वींका बापू युनानी हा।

थरप्या तका का काम 16:5

ईं तरियऊँ वटे विस्वास्याँ की मण्डळ्या विस्वास में बड़गी अन रोज वाँकी गणती हेली वेती।

थरप्या तका का काम 18:5

जद्याँ सिलास अन तिमुतियुस मकिदुनियाऊँ आया, तो पोलुस आको दन बचन हुणाबा की धुन में हो अन यहूदियाँ ने गवई देतो हो के “ईसू ही मसी हे।”

रोमियों 16:21

मारो हण्डाळ्याँ तिमुतियुस अन लुकियुस, यासोन, सोसिपत्रुस अन हण्डाळ्याँ यहूदी भायाँ का आड़ीऊँ थाँने नमस्कार।

1 कुरिन्थियों 3:10

परमेसर की वीं दया के जस्यान, ज्यो मने दिदी गी हे, में एक हूँस्यार कारीगर के जस्यान नीम नाकी, पण वींपे सणई करबावाळो तो कुई ओरी हे। पण हरेक मनक ने ध्यान राकणो हे के, वीं कस्यान काम कररिया हे।

1 कुरिन्थियों 4:17

ईं वाते मूँ तिमुतियुस ने ज्यो परबू का गट-जोड़ में लाड़लो अन मारा विस्वास जोगो बेटो हे, वींने थाँका नके खन्दायो हे, वो थाँने ईसू मसी में मारा वेवार का बारा में बताई, जिंने में हरेक जगाँ अन हरेक मण्डळ्याँ में हिकऊँ हे।

2 कुरिन्थियों 1:1

यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

2 कुरिन्थियों 2:12

जद्याँ मूँ मसी का हव हमच्यार को परच्यार करबा का वाते त्रोआस आयो हो, तो मारा वाते परबू गेलो खोल दिदो हो।

2 कुरिन्थियों 2:13

पण मारा विस्वासी भई तीतूस ने वटे ने देकन मारो मन घणो दकी व्यो, तो मूँ वटेऊँ हिक लेन मकिदुनिया आड़ी चाल पड़्यो।

2 कुरिन्थियों 8:23

यद्याँ कुई मने तीतूस का बारा में पूछे, तो वो मारा हाते रेबावाळो अन थाँका नफा का वाते मारा हाते काम करबावाळो हे अन जटे तईं मारा भायाँ को सवाल हे तो, वीं मण्डळीऊँ खन्दाया तका अन मसी की मेमा का हे।

फिलिपियों 1:25

अन अणी बात ने हव तरियाँ जाणूँ हूँ के, मूँ जीवतो रेऊँ, अन थाँ हाराई का हाते रेऊँ, ज्याऊँ थाँ विस्वास में वदता जावो अन वींमें राजी रेवो,

कुलुसियों 1:1

मूँ पोलुस ज्यो परमेसर की मरजीऊँ ईसू मसी को थरप्यो तको चेलो हूँ अन आपणाँ भई तिमुतियुस,

कुलुसियों 1:7

माकाँ हाते काम करबावाळो लाड़लो इपफरासऊँ थाँ आ बात हिक्या हा। ज्यो आपणाँ वाते मसी का विस्वास जोगो सेवक हे।

कुलुसियों 4:12

इपफरास, ज्यो थाँका मेईलोईस हे अन मसी ईसू को दास हे, वो थाँने आद कररियो हे अन हरदाण थाँका वाते आका मनऊँ परातना करे हे। जणीऊँ थाँ हमजदारी अन पूरा भरोसा का हाते परमेसर की मरजी में अटल रेवो।

कुलुसियों 4:9

वींका हाते विस्वास जोगो अन लाड़लो भई उनेसिमुस भी आरियो हे। वो थाँका मेईलोईस हे। वीं दुई अटा की हारी बाताँ थाँने बताई।

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

1 थिस्सुलुनिक्यों 3:5

ईं वाते जद्याँ माराऊँ ओरी ठमाव ने व्यो तो में थाँका विस्वास का हाल-चाल जाणबा का वाते वींने खन्दायो। परमेसर करे अस्यान ने वेणो छावे के, परकबा वाळी बाताँऊँ थाँ लाळच में आन मारो करियो-करायो काम बेकार तो ने कर दिदो।

2 थिस्सुलुनिक्यों 2:17

वो थाँने हरेक हव काम वाते अन बचना में पाका करी अन थाँका हरदा में सान्ती देई।