1 थिस्सुलुनिक्यों 3:12 - नुवो नेम (मेवड़ी नया नियम)

¹² परबू करे, जस्यान माँको परेम थाँका वाते हे वस्यानीस थाँको परेम एक-दूँजा में अन हाराई मनकाँ का हाते रात-दन बड़तो जावे।

1 थिस्सुलुनिक्यों 3:12 Iomraidhean Croise

मत्ती 22:39

अन वींके जस्यान दूजो हुकम भी हे के, ‘थूँ आपणाँ पड़ोसीऊँ आपणाँ जस्यान परेम राक।’

मत्ती 7:12

“ईं वाते थाँ छावो हो के, मनक थाँका हाते हव वेवार राके, तो थाँ भी वाँका लारे वस्यानीस करो। काँके ओ मूसा का नेमा अन परमेसर का आड़ीऊँ बोलबावाळा का जरिये बतायो ग्यो हे।

लूका 17:5

ईंपे में थरप्या तका चेला परबूऊँ क्यो, “माकाँ विस्वास ने बढा।”

रोमियों 13:8

एक-दूँजा का परेम का अलावा किंको करजो खुद पे मती राको, काँके एक-दूजाऊँ परेम करबावाळो नेमा ने माने हे।

2 कुरिन्थियों 9:10

परमेसरइस बीज बावावाळा ने बीज अन खाणो खाबावाळा ने रोटी देवे हे। वींइस थाँने बीज देई अन वींइस मोटा करी, वाँकाऊँईस थाँकी धरम की खेती फलती-फुलती रेई।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

फिलिपियों 1:9

अन मूँ आ अरज करूँ हूँ के, थाँ परेम, हाँचा ग्यान अन हाराई तरियाँ की हमज का हाते ओरुँ भी वदता जावो,

1 थिस्सुलुनिक्यों 2:8

पण थाँका परेम में, माँ थाँने खाली हव-हमच्यारइस ने हुणायो, पण ईंका हाते माँ थाँका वाते जान देबा ने भी राजी हाँ, काँके थाँ माकाँ खास भई बणग्या हा।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

1 थिस्सुलुनिक्यों 5:15

कुई भी बुरई का बदले बुरई ने करे, पण एक दूजाँ को अन हाराई मनकाँ को भलो करबा का वाते आगता रेवो।

2 थिस्सुलुनिक्यों 1:3

हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

याकूब 1:17

काँके हाराई दान वरदान अन हव ईनाम उपरेऊँईस मले हे अन ईं उजिता का परमेसरइस देवे हे जणी हरग ने बणाया हे, ज्यो कदी बदल कोयने, अन वींमें बदलती दसा का वजेऊँ आबावाळी काळी छाया भी कोयने हे।

2 पतरस 1:7

अन भगती का हाते भईचाराऊँ परेम अन ईं भईचारा में दयालुता का हाते परेम में बड़ो।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।