1 थिस्सुलुनिक्यों 2:9 - नुवो नेम (मेवड़ी नया नियम)

⁹ हो भायाँ-बेना, थाँ माँकी मेनत अन दुक ने आद राको हो ज्यो थाँका बचमें व्यो हो अन माँ रात-दन काम धन्धो करन थाँने परमेसर को हव हमच्यार हुणायो जणीऊँ थाँका पे कई बोज ने पड़े।

1 थिस्सुलुनिक्यों 2:9 Iomraidhean Croise

लूका 18:7

तो कई परमेसर आपणाँ चुण्या तका को हाँचो न्याव ने करी, जी रात-दन वाँकाऊँ अरज करता रेवे हे। कई वी वाँका न्याव करबा में मोड़ो करी?

लूका 2:37

वाँ अबाणू विदवा ही अन चोरासी वर की ही। वाँ मन्दर मेंईस रेती ही। वा एकाणा अन परातना का हाते रात-दन परमेसर की सेवा करती ही।

थरप्या तका का काम 18:3

वीं हाराई को धन्धो एकीस हो, ईं वाते वीं हाते रेन काम करबा लागा। वणा को काम डेरा वणाबा को हो।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

थरप्या तका का काम 20:31

ईं वाते हूँस्यार रेवो, अन ओ ध्यान राको के, में तीन वर तईं रात-दन आसूँ का हाते थाँ हाराई ने हिकाया।

रोमियों 1:1

मूँ पोलुस ज्यो ईसू मसी को दास अन थरप्यो तको चेलो हूँ, परमेसर मने चुणन आपणाँ हव हमच्यार को परच्यार करबा वाते ठेरायो। यो कागद मूँ थाँ हाराई रोम में रेबावाळा मनकाँ का नाम लिकरियो हूँ, जीं परमेसर का लाड़ला हे अन पुवितर वेबा का वाते बलाया ग्या हे। आपणाँ बापू परमेसर अन परबू ईसू मसी का आड़ीऊँ थाँने करपा अन सान्ती मले। हव हमच्यार जिंको वादो परमेसर का आड़ीऊँ बोलबावाळा पेल्याई पुवितर सास्तर में किदो हो। यो हव हमच्यार परमेसर का बेटा का बारा में हे, ज्यो देह का भावऊँ तो दाऊद का बंस में जनम्यो हो। अन पुवितर आत्मा की पवितरताऊँ वींने मरिया तकाऊँ जीवतो करन तागत का हाते परमेसर को बेटो ठेरायो ग्यो अन ईंस ईसू मसी आपणाँ परबू हे। मसी का आड़ीऊँ परमेसर मने करपा अन थरप्यो तको चेलो बणबा को अदिकार दिदो हे के, धरती का हाराई मनकाँ के वाँपे विस्वास करबा में अन वाँकी हिक में चालबा का वाते आगेवाणी करूँ, जणीऊँ वाँके नाम की मेमा वेवे। थाँ ज्यो रोम में हो थाँ भी ईंमें आवो हो, थाँने परमेसर ईसू मसी का वेबा वाते बलाया हे।

रोमियों 15:16

काँके जी यहूदी ने हे, वाँ मनकाँ का वाते ईसू मसी को दास वेन, मूँ परमेसरऊँ मल्या तका हव हमच्यार को परच्यार करबा का वाते मूँ एक याजक की जस्यान काम करूँ हूँ, जणीऊँ वीं मनक भी परमेसर के चड़बा जोगी भेंट बण सके अन पुवितर आत्मा के जरिये परमेसर का वाते पुरी तरियाँ पुवितर बणे।

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

1 कुरिन्थियों 4:12

माकाँ हाताऊँ काम करता तका माँ मेनत-मजदूरी करा हाँ। जद्याँ माँने कुई हराप देवे हे तो माँ वींने आसिरवाद देवाँ हाँ। अन जद्याँ माँने हतावे तो माँ वींने सेण करा हाँ।

1 कुरिन्थियों 9:15

पण में अणा बाताँ ने काम में भी ने लिदी अन में ईं बाताँ अणी वाते ने लिकी के, मारा वाते अस्यान किदो जावे। जणी बात को मने मेपणो हे वींने माराऊँ कुई कोस ले अणीऊँ पेल्याँ तो मने मरणो हव हे।

1 कुरिन्थियों 9:18

ईं वाते मारी दानकी कस्यी हे? के जद्याँ हव हमच्यार को परच्यार करूँ तो बना दानकी लेन करूँ हूँ, ताँके हव हमच्यार को परच्यारऊँ ज्यो पाबा को मने अदिकार हे, मूँ वींने पूरो काम में ने लूँ।

1 कुरिन्थियों 9:4

कई माँने थाँका अटेऊँ खाबा-पिबा को अदिकार ने हे?

2 कुरिन्थियों 11:27

में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ।

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।

2 कुरिन्थियों 6:5

मार खाता तका, जेळ में रेता तका, कळेस में रेता तका, मेनत करन, रात-दन जागन, भूका रेन भी,

फिलिपियों 4:16

काँके जद्याँ मने थिसलुनीके सेर में जरूत ही, तद्याँ थाँ नरी दाण मारी मदत किदी।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 2:2

थाँ ओ भी जाणो हो के, थिस्सुलुनिक्यों आबाऊँ पेल्याँ फिलिप्पी नगर में माँ दुक उटायो अन बेजत व्या, पछे भी माँने परमेसर का आड़ीऊँ अस्यान की हिम्मत मली के, थाँने हव हमच्यार हूणावाँ।

1 थिस्सुलुनिक्यों 2:6

अन माँ ओ ने छावाँ के, थाँ अन मनक अन कुई दूजाँ माँने आदर-मान देवे।

1 थिस्सुलुनिक्यों 3:10

माँ रात-दन वणीऊँ मनऊँ अरज कररिया हाँ के, थाँने देका अन थाँका विस्वास की कमी पुरी कराँ।

1 तिमुतियूस 1:11

आ खरी हिक परम परदान परमेसर की मेमा का हव हमच्यार का जस्यान हे, ज्यो मने दिदो ग्यो हे।

1 तिमुतियूस 4:10

आपाँ ईं वाते मेनत अन कोसीस करा हाँ, काँके आपणी आस जीवता परमेसर में हे, जीं हाराई ने, खासतोरऊँ विस्वास्याँ ने बंचाबावाळो हे।

1 तिमुतियूस 5:5

वाँ ज्यो हाँची में विदवा लुगई हे, जिंका नके वींकी देक-रेक करबावाळो कुई ने हे, अन ज्या परमेसर पे आस राके हे अन रात-दन अरज करन वींकी मदत माँगे हे।

2 तिमुतियूस 1:3

तिमुतियुस मूँ रात-दन मारी परातना में थने आद करूँ हूँ अन थाँरा वाते परमेसर ने धन्नेवाद दूँ हूँ, जिंकी सेवा मूँ मारा बड़ाबा का जस्यान हुदा मनऊँ करूँ हूँ।