1 थिस्सुलुनिक्यों 2:8 - नुवो नेम (मेवड़ी नया नियम)

⁸ पण थाँका परेम में, माँ थाँने खाली हव-हमच्यारइस ने हुणायो, पण ईंका हाते माँ थाँका वाते जान देबा ने भी राजी हाँ, काँके थाँ माकाँ खास भई बणग्या हा।

1 थिस्सुलुनिक्यों 2:8 Iomraidhean Croise

लूका 7:2

अन वटे एक सपायाँ को हाकम हो, जिंको दास अरतो मांदो हो के, मरबा में हो, वो वीं दासऊँ घणो परेम करतो हो।

रोमियों 1:1

मूँ पोलुस ज्यो ईसू मसी को दास अन थरप्यो तको चेलो हूँ, परमेसर मने चुणन आपणाँ हव हमच्यार को परच्यार करबा वाते ठेरायो। यो कागद मूँ थाँ हाराई रोम में रेबावाळा मनकाँ का नाम लिकरियो हूँ, जीं परमेसर का लाड़ला हे अन पुवितर वेबा का वाते बलाया ग्या हे। आपणाँ बापू परमेसर अन परबू ईसू मसी का आड़ीऊँ थाँने करपा अन सान्ती मले। हव हमच्यार जिंको वादो परमेसर का आड़ीऊँ बोलबावाळा पेल्याई पुवितर सास्तर में किदो हो। यो हव हमच्यार परमेसर का बेटा का बारा में हे, ज्यो देह का भावऊँ तो दाऊद का बंस में जनम्यो हो। अन पुवितर आत्मा की पवितरताऊँ वींने मरिया तकाऊँ जीवतो करन तागत का हाते परमेसर को बेटो ठेरायो ग्यो अन ईंस ईसू मसी आपणाँ परबू हे। मसी का आड़ीऊँ परमेसर मने करपा अन थरप्यो तको चेलो बणबा को अदिकार दिदो हे के, धरती का हाराई मनकाँ के वाँपे विस्वास करबा में अन वाँकी हिक में चालबा का वाते आगेवाणी करूँ, जणीऊँ वाँके नाम की मेमा वेवे। थाँ ज्यो रोम में हो थाँ भी ईंमें आवो हो, थाँने परमेसर ईसू मसी का वेबा वाते बलाया हे।

रोमियों 10:1

हो मारा भायाँ-बेना, मारी मन की मरजी हे अन मूँ परमेसरऊँ हाराई इजराएली मनकाँ का वाते परातना करूँ हूँ के, वीं बंचाया जावे।

रोमियों 15:29

अन मूँ जाणूँ हूँ के, जद्याँ मूँ थाँका नके आऊँ तो मसी का हाराई आसिरवाद लेन आऊँ।

2 कुरिन्थियों 12:15

जटा तईं मारी बात हे तो, मारा नके ज्यो कई भी हे, वींने थाँका वाते राजी वेन खरच करूँ अटे तईं के, मूँ खुद ने भी थाँका वाते दी देऊँ। यद्याँ मूँ थाँकाऊँ घणो परेम करूँ हूँतो थाँ कई माराऊँ कम परेम करो?

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 4:19

हो लाड़ला बाळकाँ, जद्याँ तई थाँ मसी का रूप में ने बण जावो, वीं टेम तईं मूँ छोरा-छोरी जणवा की टेम वेबावाळी तकलिप का जस्यान दुक सेण करतो रेऊँ हूँ।

फिलिपियों 1:8

ईंमें परमेसर मारा गुवा हे के, मूँ ईसू मसी का लगावऊँ थाँ हाराई का वाते वाट नाळरियो हूँ।

फिलिपियों 2:17

थाँको विस्वास ज्यो परमेसर के चड़ी तकी बली अन सेवा के जस्यान हे, वींका वाते यद्याँ मने मारो लुई भी वेवाड़णो पड़े तद्याँ भी मूँ राजी हूँ अन थाँ हाराई का हाते खुसी मनाऊँ हूँ।

फिलिपियों 2:20

काँके माकाँ नके अस्यो कुई ने हे जिंका बच्यार मारे जस्यान का वे अन थाँकी भलई का वाते हाँचा मनऊँ चन्ता करे।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

कुलुसियों 1:28

मसी का बारा में परच्यार करन आपीं मनकाँ ने चेतावा हा अन पूरा ग्यानऊँ मनकाँ ने हिकावा हाँ, ताँके हाराई मनकाँ में मसी का हाराई गुण भरन परमेसर का हामे ला सका।

कुलुसियों 1:7

माकाँ हाते काम करबावाळो लाड़लो इपफरासऊँ थाँ आ बात हिक्या हा। ज्यो आपणाँ वाते मसी का विस्वास जोगो सेवक हे।

कुलुसियों 4:12

इपफरास, ज्यो थाँका मेईलोईस हे अन मसी ईसू को दास हे, वो थाँने आद कररियो हे अन हरदाण थाँका वाते आका मनऊँ परातना करे हे। जणीऊँ थाँ हमजदारी अन पूरा भरोसा का हाते परमेसर की मरजी में अटल रेवो।

फिलेमोन 1:1

ईसू मसी का हव हमच्यार का वाते बन्दी बण्यो मूँ पोलुस अन भई तिमुतियुस, आपणाँ खास हण्डाळ्याँ का हाते काम करबावाळो फिलेमोन,

इब्रानियों 13:17

आपणाँ आत्मिक मुक्या को भरोसो करो अन वाँके बंस में रो। वीं परमेसर का हामें थाँको लेको देबावाळा का जस्यान वीं जागता तका थाँके जीव की रुकाळी करे हे। अन यद्याँ वस्यानीस करो, तो वीं यो काम राजी वेन करी, पण थाँ वस्यान ने करो, तो वीं यो काम दकऊँ करी। अन अणीऊँ थाँको कई नफो ने वेई।

1 यहुन्ना 3:16

ईसू मसी आपाँ वाते आपणाँ जीवन त्याग कर दिदो हो, ईं वजेऊँ आपाँ जाण सका हाँ के, परेम कई हे? ईं वाते आपाँने भी आपणाँ भायाँ वाते जान भी देणी का वाते त्यार रेणो छावे।