1 थिस्सुलुनिक्यों 2:4 - नुवो नेम (मेवड़ी नया नियम)

⁴ पण जस्यान परमेसर माँने ईं जोगा जाणन हव हमच्यार ने हुणाबा को काम हूँप्यो हे। माँ ईंने वस्यानीस हुणावा हा अन अस्यान करन माँ मनकाँने ने, पण परमेसर ने जीं हरदा ने परके हे वाँने राजी कराँ हाँ।

1 थिस्सुलुनिक्यों 2:4 Iomraidhean Croise

लूका 12:42

परबू क्यो, “हमजदार अन विस्वास जोगो दास कूण हे? जिंने वींको मालिक वींने नोकर-चाकर का ऊपरे हाकम ठेरावे के, वाँने टेम-टेम पे तनका देवे।

लूका 16:11

ईं वाते जद्याँ अधरम का धन में हाँचा ने रेवो, तो ज्यो हरग को हाँचो धन वो थाँने कूण देई?

यहुन्ना 21:17

ईसू तीजी दाण क्यो, “ए समोन, यहुन्ना का बेटा, कई थूँ माराऊँ परेम राके हे?” तो पतरस दकी वेग्यो के, वाँकाणी वींने तीजी दाण अस्यान काँ क्यो, “कई थूँ माराऊँ परेम राके हे?” अन वाँने क्यो, “ओ परबू, थाँ तो सब जाणो हो। थाँ ओ भी जाणो हो के, मूँ थाँकाऊँ परेम करूँ हूँ।” ईसू वींने क्यो, “मारा गारा ने चरा।

रोमियों 8:27

पण वो मना की जाणबावाळो जाणे हे के, आत्मा की मनसा कई हे? काँके परमेसर की मरजीऊँ वाँ परमेसर का पुवितर मनकाँ वाते अरज करे हे।

1 कुरिन्थियों 7:25

कूँवारी लुगायाँ का बारा में परबू की कस्यी आग्या मने ने मली हे, पण विस्वास के जोगो वेबा का वाते ज्या दया परबू मारा पे किदी हे, वींके जस्यान मूँ थाँने सला दूँ हूँ।

1 कुरिन्थियों 9:17

काँके यद्याँ आपणी मरजीऊँ ओ करूँ हूँ, तो मूँ ईनाम के जोगो हूँ, पण यो काम तो मूँ मारी जिमेदारीऊँ करूँ हूँ काँके परमेसर मने यो काम हूँप्यो हे।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 5:11

अणीऊँ माँ जाणा हाँ के, परबू की दरपणी कई हे, ईं वाते माँ लोगाँ ने हमजारिया हाँ के, वीं हाँच ने माने। परमेसर आपणाँ हाल-चाल जाणे हे अन मने पूरो विस्वास हे के, थाँ भी माकाँ बारा में हारोई जाणो हो।

2 कुरिन्थियों 5:16

अबे आगेऊँ आपाँ कणी भी मनक को ईं दनियाँ की रीत जस्यान न्याव ने कराँ। जद्याँ एक टेम आपाँ मसी को भी दनियाँ की रीत के जस्यानीस न्याव किदो हो, पण अबे कई भी वे आपाँ वींने अस्यान ने देकाँ।

गलातियों 1:10

कई अणीऊँ थाँने अस्यान लागे हे के, मूँ मनकाँ ने मानूँ हूँ कन यो के मूँ परमेसर ने मानूँ हूँ? कई मूँ मनकाँ खुस करणो छावूँ हूँ? यद्याँ मूँ अबाणू तई मनकाँ ने खुस करबा को काम करतो रेतो, तो मूँ मसी को दास ने वाजतो।

गलातियों 2:7

पण ईंका हामे वीं मानग्या के, जस्यान यहूदी मनकाँ में हव हमच्यार हुणाबा को काम परमेसर पतरस ने हुप्यो हे, वस्यानीस जीं यहूदी ने हे वणा मनकाँ में हव हमच्यार हुणाबा को काम मने हुप्यो ग्यो हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

इपिसियों 6:6

मनकाँ ने खुस करबावाळा के जस्यान दिकाबा का वाते वाँकी सेवा-चाकरी ने करो, पण मसी का दास का जस्यान मनऊँ परमेसर की मरजी पे चालो।

कुलुसियों 3:22

ओ हाळयाँ, ज्यो दनियादारी में थाँका मालिक हे, वाँकी हारई बाताँ ने मान्याँ करो, मनकाँ ने खुस करबा वाते वींका हामेईस ने, पण हाँचा मनऊँ अन परमेसर की दरपणी का हाते मान्याँ करो।

1 तिमुतियूस 6:20

हे तिमुतियुस, परमेसर ज्यो कई थने हूँप्यो हे वींने हमाळन राक। दनियादारी की बात अन फोगटपणाऊँ खुद ने छेटी राक जिंने थोड़ाक मनक गलतीऊँ “ग्यान” केवे हे,

2 तिमुतियूस 1:14

अन पुवितर आत्मा का आड़ीऊँ ज्यो आपणाँ में वास करे हे, हव चिजाँ की रुकाळी कर, जीं थने हूँपी गी हे।

2 तिमुतियूस 2:2

परमेसर को परच्यार करती दाण नरई गवा की मोजुदगी में, जीं बाताँ थें माराऊँ हिकी हे, वाँने विस्वास जोगा मनकाँ ने हूँप दे, जीं दूजाँ ने हिकाबा को मन राकता वेवे।

तीतूस 1:3

अन सई टेम पे परमेसर वीं हमच्यार ने परच्यार में परगट किदो हे, ज्यो मने हूँप्यो ग्यो अन बंचाबावाळा परमेसर की आग्याऊँ मूँ ईंको हेलो पाड़ू हूँ।

इब्रानियों 4:13

दनियाँ की कस्यी भी चीज परमेसरऊँ हपी तकी ने हे, वाँकी आक्याँ का हामे हारी चिजाँ खुली अन बना परदा की हे। वाँका हामे आपाँने आपणो लेको देणो हे।

1 पतरस 4:11

जद्याँ कुई उपदेस हुणावे तो वींने अस्यान हूणाणो छावे जस्यान के, वो परमेसरऊँ मल्या तका बचन ने हुणारियो वेवे। यद्याँ कुई सेवा करे, तो वो वीं तागतऊँ ज्या परमेसर वींने दिदी हे वींके जस्यान सेवा करे, जणीऊँ हारी बाताँ में ईसू मसी की वजेऊँ परमेसर की मेमा वेवे। मेमा अन तागत हमेस्या वींकीइस हे। आमीन।

परकासितवाक्य 2:23

मूँ वींका बाळकाँ ने मार देऊँ, तो हारी मण्डली ओ जाण जाई के, मूँ मन अन बदी जाणबावाळो हूँ। अन मूँ थाँ हाराई ने थाँका कामाँ के जस्यान बदलो देऊँ।