1 थिस्सुलुनिक्यों 2:2 - नुवो नेम (मेवड़ी नया नियम)

² थाँ ओ भी जाणो हो के, थिस्सुलुनिक्यों आबाऊँ पेल्याँ फिलिप्पी नगर में माँ दुक उटायो अन बेजत व्या, पछे भी माँने परमेसर का आड़ीऊँ अस्यान की हिम्मत मली के, थाँने हव हमच्यार हूणावाँ।

1 थिस्सुलुनिक्यों 2:2 Iomraidhean Croise

थरप्या तका का काम 14:3

वीं दुई जणा घणा दन तईं वटीस रिया अन बना दरप्याँ परबू की बाताँ ने बताता रिया, अन परबू वाँने तागत देन वाँकाऊँ अचम्बा अन हेन्याणी का काम करवान वाँका करपाऊँ भरया तका संदेसा को मान बड़ातो रियो।

थरप्या तका का काम 14:5

पण जो यहूदी ने हा वीं अन यहूदी मनक आपणाँ नेता ने भी हाते लेन वाँकी नन्दया करबा वाते अन भाटाऊँ ठोकबा वाते होच्यो।

थरप्या तका का काम 16:12

पछे वटूँ माँ फिलिप्पी पूग्या, जो मकिदुनिया देस को मुक्य नगर हो अन रोमियाँ की वस्ती ही, अन वटे थोड़ाक दन रिया

थरप्या तका का काम 16:19

जदी वींका मालिकाँ देक्यो के, आपणी कमई की आस जाती री, तो पोलुस अन सिलास ने पकड़न बजार का बंच में अदिकारियाँ का नके गड़ीन लाया।

थरप्या तका का काम 16:37

पण पोलुस अदिकारियाँ ने क्यो “माँ रोमी मनक हाँ, तुई वे बना दोसऊँ माँने मनकाँ के हामे कुट्या अन जेळ में नाक्या, अबे कई माँने छानेकूँ निकळबाने केरिया हो?, अस्यान ने वेवे, पण वीं खुद आन माने बारणे काड़ी।”

थरप्या तका का काम 17:1

पछे वीं अम्पिपुलिस अन अपुलोनिया नगराँ में वेन थिसलुनीके में आया, जटे यहूदियाँ को एक परातना घर हो।

थरप्या तका का काम 17:17

वो यहूदियाँ का परातना घर में यहूदियाँऊँ अन जो यहूदी ने हा वीं भगताऊँ, चोराया अन बाजार में जो कुई मलतो वाँकाऊँ रोज बात-बच्यार करतो रेतो।

थरप्या तका का काम 19:8

वो वटे यहूदियाँ का परातना घर में जान तीन मिना तईं बना दरप्या बचन बोलतो रियो, अन परमेसर का राज का बारा में बात-बच्यार करन लोगाँ ने हमजातो रियो।

थरप्या तका का काम 4:13

जद्याँ वणा पतरस अन यहुन्ना की हिम्मत देकी अन हमज्या के, वे दुई अणभण्या अन भला मनक हे। तो वाँने घणो अचम्बो व्यो। पछे वे जाणग्या के, ईं दुई ईसू की लारे रे चुक्या हाँ।

थरप्या तका का काम 4:20

अन ओ तो वेई ने सके के, माँ जो कई भी देक्यो अन हुण्यो हे, वींने ने बतावा।”

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 5:41

अन वे थरप्या तका यहूदी सबाऊँ राजी वेन पराग्या काँके, परमेसर वाँने ईसू का नाम का वाते अपमान भोगबा का जोगा मान्याँ हे।

रोमियों 1:1

मूँ पोलुस ज्यो ईसू मसी को दास अन थरप्यो तको चेलो हूँ, परमेसर मने चुणन आपणाँ हव हमच्यार को परच्यार करबा वाते ठेरायो। यो कागद मूँ थाँ हाराई रोम में रेबावाळा मनकाँ का नाम लिकरियो हूँ, जीं परमेसर का लाड़ला हे अन पुवितर वेबा का वाते बलाया ग्या हे। आपणाँ बापू परमेसर अन परबू ईसू मसी का आड़ीऊँ थाँने करपा अन सान्ती मले। हव हमच्यार जिंको वादो परमेसर का आड़ीऊँ बोलबावाळा पेल्याई पुवितर सास्तर में किदो हो। यो हव हमच्यार परमेसर का बेटा का बारा में हे, ज्यो देह का भावऊँ तो दाऊद का बंस में जनम्यो हो। अन पुवितर आत्मा की पवितरताऊँ वींने मरिया तकाऊँ जीवतो करन तागत का हाते परमेसर को बेटो ठेरायो ग्यो अन ईंस ईसू मसी आपणाँ परबू हे। मसी का आड़ीऊँ परमेसर मने करपा अन थरप्यो तको चेलो बणबा को अदिकार दिदो हे के, धरती का हाराई मनकाँ के वाँपे विस्वास करबा में अन वाँकी हिक में चालबा का वाते आगेवाणी करूँ, जणीऊँ वाँके नाम की मेमा वेवे। थाँ ज्यो रोम में हो थाँ भी ईंमें आवो हो, थाँने परमेसर ईसू मसी का वेबा वाते बलाया हे।

2 कुरिन्थियों 3:12

आपाँ अणी नुवी आस का वजेऊँ बेधड़क वेन परच्यार कराँ हाँ।

कुलुसियों 2:1

मूँ छावूँ हूँ के, थाँकाणी जाण लो के, “थाँके अन ज्यो लोदकिया नगर में हे, अन वाँकाणी हंगळा का वाते जणा मारो मुण्डो कदी ने देक्यो के, वाँका वाते मूँ कस्यान मेनत कररियो हूँ?

1 थिस्सुलुनिक्यों 1:5

ओ हव हमच्यार बेस बोली कोईस ने हे, पण तागत अन पुवितर आत्मा का हाते अन ईंकी हाँच की खरई का हाते थाँका नके पूग्यो हे। थाँ तो जाणोइस हो के, माँ थाँकी भलई का वाते थाँका हाते कस्यान रिया हा।

2 तिमुतियूस 1:12

अन ईं वजेऊँ मूँ ईं हारई दुक जेलूँ हूँ, पण मूँ ईं वाते हरमा ने मरूँ हूँ, काँके मूँ जाणूँ हूँ के, मारो विस्वास किंपे हे? अन मूँ ईं बात वाते पाको हूँ के, ज्यो कई वणा मने हूँप्यो हे, वींने मसी के पाच्छा आबा का दन तईं बंचाबा में तागतवर हे।

यहूदा 1:3

हो लाड़ला भायाँ, मूँ तो घणो छावतो हो के, थाँने वीं छूटकारा का बारा में लिकूँ, जिंका आपाँ पांतीदार हा। मने अस्यान भी लागे हे के, मूँ थाँने ईं बाताँ लिकन हिम्मत देऊँ जणीऊँ थाँ विस्वास में बड़ता रेवो, ज्यो विस्वास परमेसर का पुवितर मनकाँ ने दिदो ग्यो हो।