1 थिस्सुलुनिक्यों 2:15 - नुवो नेम (मेवड़ी नया नियम)

¹⁵ जणा मनकाँ परबू ईसू ने अन परमेसर का आड़ीऊँ बोलबावाळा ने मारिया अन आपाँने हताया हाँ, अणीऊँ परमेसर घणा नाराज हे, काँके वीं हाराई का विरोद में हे।

1 थिस्सुलुनिक्यों 2:15 Iomraidhean Croise

मत्ती 23:37

“हे यरूसलेम, हे यरूसलेम! थूँ परमेसर का आड़ीऊँ बोलबावाळा की हत्या करे हे, अन ज्याँने थाँरा नके खन्दाया ग्या, वाँके थूँ भाटा की ठोके हे। कतरी दाण में बच्यार किदो के, जस्यान कूकड़ी आपणाँ बच्या ने आपणाँ फाकड़ा रेटे भेळा करे हे, वस्यानीस मूँ भी थाँरा छोरा-छोरी ने भेळा करूँ, पण थाँ ओ ने छायो।

मत्ती 27:25

हाराई लोगाँ जवाब दिदो, “ईंकी मोत की जवाबदारी माँ अन माकाँ छोरा-छोरी लेवा हा।”

मत्ती 5:12

तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

लूका 24:20

वींने मुक्य याजकाँ अन माकाँ हाकमाँ पकड़वा दिदो के, वींने मोत की सजा को दण्ड दिदो जावे अन वींने हूळी पे चड़ायो।

थरप्या तका का काम 12:3

वणी जद्याँ ओ देक्यो के, ईं बातऊँ यहूदी राजी वेरिया हे, तो पतरस ने भी बन्दी बणाबा के वाते आगे बड़्यो। आ बात बना हाज्या की रोट्याँ का तेंवार पे व्यी ही।

थरप्या तका का काम 2:23

ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो।

थरप्या तका का काम 3:15

थाँ जीवनदाता ने मरवा नाक्यो, पण परमेसर वींने मरिया तका मूँ पाछो जीवतो कर दिदो, माँ ईं बात का गुवा हा।

थरप्या तका का काम 4:10

तो थाँ सब जणा अन इजराएल का लोगाँ ने ओ पतो वेणो छावे के, ओ मनक थाँके हामे ईसू मसी नासरी का नामऊँ पुरी तरियाऊँ हव वेन थाँका हामे ऊबो हे, वो ईसू नासरी, जिंने थाँकाणी हूळी पे चड़ा दिदो हो अन परमेसर पाछो वींने मरिया तका मूँ जीवतो कर दिदो।”

थरप्या तका का काम 5:30

ईं आपणाँ बड़ाबा का परमेसर, ईसू ने मरयाँ तकाऊँ पाछो जीवतो करन ऊबो कर दिदो हे, जिंने हूळी पे लटकान थाँ लोगाँ मार नाक्यो।

थरप्या तका का काम 7:52

अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो।

1 कुरिन्थियों 10:5

पण परमेसर वाँका मूँ नरईऊँ राजी ने व्या, ईं वाते वाँको काकड़ में नास वेग्यो हो।

2 कुरिन्थियों 11:26

नरी दाण तो मूँ लम्बी जातरा पे ग्यो, नरी दाण खतरनाक नन्दयाँ, जबरा डाकूँऊँ, खुद का लोगाऊँ, ज्यो यहूदी ने हा वाकाँऊँ खतरा को सामनो किदो, नरी दाण नगरा में, समन्द में, काकड़ में, दिकावटी भायाँऊँ खतरा को सामनो किदो।