1 थिस्सुलुनिक्यों 2:14 - नुवो नेम (मेवड़ी नया नियम)

¹⁴ हो भायाँ-बेना, थाँका हाते भी वस्यानीस व्यो जस्यान यहूदियाँ परदेस में परमेसर की मण्डली का हाते व्यो हो, काँके वीं भी ईसू मसी ने मानता हाँ। थाँने भी थाँका मनकाँऊँ वस्योईस दुक मल्यो जस्यान वाँने यहूदी लोगाऊँ मल्यो हो।

1 थिस्सुलुनिक्यों 2:14 Iomraidhean Croise

थरप्या तका का काम 11:19

जो लोग-बाग इस्तीपनुस की टेम में व्या हतावऊँ बखरग्या हा। वीं फिनिक, साइपरस अन अन्ताक्या में पराग्या अन वे यहूदी मनकाँ नेईस हव हमच्यार हुणाता हा।

थरप्या तका का काम 13:50

तो वटने यहूदियाँ, जानी-मानी लुगायाँ जणी यहूदी धरम ने मान लिदो हो अन नगर का मुक्या ने उकसाया, तो वे पोलुस अन बरनबास पे अन्याव करन हताबा लागा अन दरपाता तका जोरावरीऊँ वाँने आपणाँ अटूँ बारणे निकाळ दिदा।

थरप्या तका का काम 14:19

पण थोड़ाक यहूदियाँ अन्ताक्या अन इकुनियमऊँ आन मनकाँ ने आपणी आड़ी करन पोलुस के भाटा ठोक्या अन वींने मरियो तको हमजन नगरऊँ बारणे गड़ीन लेग्या।

थरप्या तका का काम 14:2

पण विस्वास ने करबावाळा यहूदियाँ मनक जो यहूदी ने हे वाँका मन में विस्वास्याँ को विरोद करबा वाते उकसाया।

थरप्या तका का काम 14:4

पण वीं नगर का मनकाँ में फुट पड़गी, तो थोड़ाक मनक यहूदियाँ के आड़ी अन थोड़ाक थरप्या तका का आड़ी वेग्या हा,

थरप्या तका का काम 14:5

पण जो यहूदी ने हा वीं अन यहूदी मनक आपणाँ नेता ने भी हाते लेन वाँकी नन्दया करबा वाते अन भाटाऊँ ठोकबा वाते होच्यो।

थरप्या तका का काम 17:13

पण जदी थिसलुनीके का यहूदी जाणग्या के, पोलुस बिरिया में भी परमेसर का बचन हुणारियो हे, तो वीं वटे आन भीड़ ने उकसान भड़कई।

थरप्या तका का काम 18:12

जदी गलिया नाम को अखाया देस को राजपाल बण्यो, यहूदी लोगाँ एगट करन पोलुस ने पकड़ लिदो, अन वींने न्याव-गादी का हामे लाया

थरप्या तका का काम 8:1

अस्यान साउल इस्तीपनुस की हत्या में मदत किदी। वणीस दनऊँ यरूसलेम की विस्वास्याँ की मण्डली पे घणो हताव वेबो सरू वेग्यो। थरप्या तका ने छोड़न वे हारई विस्वासी यहूदियाँ अन सामरिया का हिमाड़ा में वखर ग्या।

थरप्या तका का काम 8:3

साउल विस्वास्याँ की मण्डली ने खतम करबो सरू कर दिदो। वो घर-घर में जान विस्वासी लोग-लुगायाँ ने ठल्डतो तको जेळ में नाकबा लागो।

थरप्या तका का काम 9:1

साउल अबाणू भी परबू का चेला ने मारबा का वाते दरपातो हो। वो खास मोटा याजक नके ग्यो

थरप्या तका का काम 9:13

हनन्या जबाव दिदो, “परबू, में ईं मनक के वाते नरई लोगाऊँ हुण्यो हे। यरूसलेम में थाँने मानबावाळा लोगाँ की लारे अणी जो भी बुरो किदो हो, वो हारोई में हुण्यो हे।

थरप्या तका का काम 9:31

अस्यान वीं टेम में हारई यहूदियाँ, गलील अन सामरिया की मण्डळ्याँ सान्तीऊँ रेरी ही। ओरी हेली तागतवर वेबा लागी अन परबू ने मानता तका जीरिया हा अन पुवितर आत्मा वाँने ओरी मदत किदी, तो वे ओरी हेली वेबा लागी।

1 कुरिन्थियों 10:32

थाँ कदी भी ने तो यहूदियाँ अन ने ज्यो यहूदी ने हा अन ने परमेसर की मण्डळ्याँ का वाते ठोकर का मस बणज्यो।

1 कुरिन्थियों 7:17

परबू जिंने जस्यो वरदान दिदो हे अन जिंने जस्या रूप में चुण्यो हे, वींने वस्यानीस रेणो छावे। हारी मण्डळ्याँ में मूँ ओईस आदेस दूँ हूँ।

गलातियों 1:22

वटे यहूदियाँ परदेस में मसी की मण्डली में जीं विस्वासी हा, वाँकाणी मने कदी ने देक्यो हो।

1 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते ओ कागद थिस्सुलुनिक्यों नगर की मण्डळ्या ने लिकरियो हूँ, जीं बापू परमेसर अन परबू ईसू मसी में हे, थाँका पे दया अन सान्ती बणी तकी रेवे।

1 थिस्सुलुनिक्यों 1:6

थाँ घणा कळेसाँ में भी पुवितर आत्माऊँ मलबावाळा आणन्द का हाते बचन मानन माँके अन परबू का जस्यान चालबावाळा बणग्या हो।

1 थिस्सुलुनिक्यों 3:4

काँके जद्याँ माँ थाँका नके हाँ, तो पेल्याँई थाँने बतायो हो के, माँने दुक मली अन वस्यानीस व्यो, ओ थाँ भी जाणो हो।

2 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते यो कागद थिस्सुलुनिक्यों नगर की मण्डली का नाम लिकरियो हूँ, ज्या बापू परमेसर अन परबू ईसू मसी में हे।

2 थिस्सुलुनिक्यों 1:4

ईं वाते माँ खुद ईं परमेसर की मण्डली में थाँका पे मेपणो करा हा, काँके जतरा भी दुक अन कळेस हाँ, वाँने थाँ जेल्या, ईं हारी बाताँऊँ थाँके धीरज अन विस्वास का बारा में पतो चाले हे।