1 थिस्सुलुनिक्यों 2:13 - नुवो नेम (मेवड़ी नया नियम)

¹³ एक ओरी वजेऊँ माँ थाँका वाते परमेसर को धन्नेवाद करा हाँ के, जद्याँ माँ थाँने परमेसर को हव हमच्यार हुणायो हो जद्याँ थाँ ईंने मनकाँ का आड़ीऊँ ने जाण्यो पण परमेसर को जाणन ईंने मान्यो अन हाँच भी योईस हे, ईं वजेऊँ परमेसर थाँकामें जद्याँ विस्वास करो हो तो काम करे हे।

1 थिस्सुलुनिक्यों 2:13 Iomraidhean Croise

मत्ती 10:20

अन ओ आद राकज्यो बोलबावाळा थाँ कोयने, पण थाँको परम बापू परमेसर की आत्मा थाँकामें आन बोली।

मत्ती 10:40

“ज्यो थाँने माने हे वीं मने भी मानी अन ज्यो मने मानी हे वो अदिकार का हाते मने खन्दाबावाळा परमेसर ने भी मानी।

लूका 11:28

ईंपे ईसू वींने क्यो, “हाँ, पण अणीऊँ भी हेला धन्ने हे वी, जी परमेसर की वाणी हुणे अन माने हे।”

लूका 5:1

एक दाण ईसू गन्नेसरत का समन्द का कनारे ऊबा तका हा अन लोगाँ की भीड़ परमेसर का बचन हुणाबा का वाते वाँके च्यारूँमेर ऊबी तकी ही।

लूका 8:11

अणी केणी को अरत यो हे, बीज तो परमेसर की वाणी हे।

लूका 8:21

पण ईसू वींने जवाब दिदो के, “मारी बई अन मारा भई तो ईं हे, ज्यो परमेसर की बात ने हुणे हे अन माने हे।”

यहुन्ना 15:3

थाँ तो वणा बचनाँने मानबा का मस ज्यो में थाँकाऊँ क्यो हे पेल्याऊँ साप हो।

यहुन्ना 17:17

हाँचऊँ वाँने पुवितर करन थाँरी सेवा का वाते त्यार कर। थाँका बचन हाँचा हे।

यहुन्ना 17:19

मूँ वाँका वाते खुद ने पुवितर करन थाँरी सेवा करबा का वाते देवूँ हूँ। जणीऊँ वीं भी हाँचऊँ पुवितर वेन थाँरी सेवा का वाते खुद ने दिदे।

थरप्या तका का काम 10:33

ईं वाते में तरत थने बलाबा खन्दाया अन थें अटे आन हव काम किदो। तो अबे परमेसर की मोजुदगी में माँ वो हारई हुणबा के वाते त्यार हा, जो परबू थने आदेस दिदो हे।

थरप्या तका का काम 13:48

वाँ लोगाँ जो यहूदी ने हे जद्याँ ओ हुण्यो, तो वे घणा राजी व्या अन परमेसर का वसना को मान किदो अन जणा अमर जीवन जीबा ने चुण्यो वणा विस्वास किदो।

थरप्या तका का काम 16:14

वटे लुदिया नाम की एक लुगई ही, जो थुआतीरा नगर की ही, ज्या रेसम का गाबा बेंचती अन भगती करबावाळी ही। परमेसर वींका मन में आ बात नाकी के, वा पोलुस की बाताँ ने ध्यानऊँ हुणे।

थरप्या तका का काम 17:11

बिरिया का लोग थिसलुनीके का लोगाऊँ खुला मन का हा। आपणो मन लगान बचन हूणता हा अन हरेक दन पुवितर सास्तर में होदता के, जो भी पोलुस केरियो हे, वो हे के ने हे।

थरप्या तका का काम 17:32

पाछो जी उठबा की बात ने हुणन कुई मनक रोळ करबा लागा, अन कुई तो क्यो “आ बात माँ पाच्छी हूणणो छावाँ हाँ”

थरप्या तका का काम 2:41

वामूँ जणी-जणी सन्देसा ने मान्यो, वाँने बतिस्मो दिदो ग्यो अन वीं दन वाँकी मण्डली में लगे-भगे तीनेक हजार लोग-बाग मलग्या।

थरप्या तका का काम 8:14

जद्याँ जो थरप्या तका यरूसलेम में हा, वाँकाणी हुण्यो के, सामरिया का लोगाँ परमेसर को बचन मान लिदो हे, तो पतरस अन यहुन्ना ने वाँका नके खन्दाया।

रोमियों 10:17

हूणबाऊँ विस्वास आवे हे अन हूणणो मसी का बचनाऊँ वेवे हे।

2 कुरिन्थियों 3:18

जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।

गलातियों 4:14

मारे देह की कमज्योरी का मस मूँ थाँका पे बोज बण्यो तो भी थाँ मारो अपमान ने किदो अन ने मारा पे रिस्याँ बळ्या, पण मने परमेसर को हरग-दुत हमज मारी आवभगत किदी के, जस्यान मूँईस ईसू मसी हूँ।

इब्रानियों 4:12

परमेसर का बचन तो जीवता अन काम करबावाळा हे, वीं कस्यी तीकी तरवारऊँ भी तिका हे। अन परमेसर को बचन पराण, आत्मा, हन्ट अन गुदा ने अलग करन आर-पार वेवे हे अन मन की मनसा अन बच्यार ने जाँचे हे।

इब्रानियों 4:2

काँके आपाँने वाँके जस्यानीस हव हमच्यार हुणायो ग्यो हे, पण हुण्या तका बचनऊँ वाँने कई नफो ने व्यो, काँके वीं हूणबावाळा वींने विस्वास के हाते ने हुण्यो हो।

याकूब 1:18

वणी आपणी मरजीऊँ हाँच का बचनऊँ पेदा किदा हे जणीऊँ आपाँ वींकी बणई तकी दनियाँ में पेला फळ वेवा।

1 पतरस 1:23

काँके थाँ नुवो जीवन पायो हे, अन थाँको यो नुवो जीवन मनकाँ का आड़ीऊँ कोयने, जिंको अंत वेवे हे, पण यो जीवन तो परमेसरऊँ आयो हो, जिंको अंत किदी ने वेवे हे। काँके थाँ परमेसर का बचना पे विस्वास किदो हे ज्यो हमेस्यान जीवतो अन अटल रेवे हे।

1 पतरस 1:25

पण परबू को वसन जुग-जुग का वाते अटल रेवे हे।” यो वोईस हव हमच्यार हे, जो थाँने हुणायो ग्यो हे।

1 पतरस 2:2

जस्यान नुवो जनम लिदो तको बाळक माँ का खरा दूद की मनसा करे हे वस्यानीस थाँ आत्मिक दूद की मनसा राको, जणीऊँ थाँकी आत्मिक बड़ोतरी वे सके अन बंचाया जा सको।

2 पतरस 3:2

जणीऊँ थाँ वीं बाताँ ने जी परमेसर का आड़ीऊँ बोलबावाळा पुवितर मनकाँ पेल्याँई क्यो हो, वाँने थाँ आद कर सको अन आपणाँ छुटकारो देबावाळा परबू ईसू मसी की आग्या ने, अन जो थाँका खासतोर थरप्या तका चेला थाँने जो आग्या दिदी ही, वाँको थाँ ध्यान कर सको।

1 यहुन्ना 3:3

ज्यो भी मनक मसी पे आ आस राक हे, वो खुद ने वस्यानीस पुवितर राके, जस्यान मसी पुवितर हे।