1 थिस्सुलुनिक्यों 2:12 - नुवो नेम (मेवड़ी नया नियम)

¹² जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

1 थिस्सुलुनिक्यों 2:12 Iomraidhean Croise

रोमियों 8:28

अन आपाँ जाणा हा के, ज्यो मनक परमेसरऊँ परेम राके हे, वणा का वाते हारी बाताँ मलन भलई लावे हे। जीं परमेसर का मकसद का जस्यान बलाया ग्या हे।

रोमियों 8:30

ज्याँने वणी पेल्याँईं चुण मेल्या हा, वाँने वणी बलाया अन ज्याँने वणी बलाया वाँने धरमी भी ठेराया हे, अन ज्याँने वणी धरमी ठेराया, वाँने वणी मेमा भी दिदी हे।

1 कुरिन्थियों 1:9

परमेसर विस्वास जोगा हे, जणा थाँने खुद का बेटा अन आपणाँ परबू ईसू मसी की संगत में बलाया हे।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

गलातियों 5:16

पण मूँ केवूँ हूँ, पवितर आत्मा का हस्याबूऊँ चालो, तो थाँ पाप करबावाळी देह की मरजी ने कदी पुरी ने करो।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

इपिसियों 5:8

काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो।

फिलिपियों 1:27

थाँ थाँको जीवन मसी का हव हमच्यार के जोगो जियो, ताँके यद्याँ मूँ आन थाँने देकूँ कन ने देकूँ पण थाँका बारा में मूँ ओ हुण सकूँ के, थाँ एक मन अन एक मकसदऊँ अटल रेन हव हमच्यार का विस्वास का वाते कल्ड़ी मेनत कररिया हो।

कुलुसियों 1:10

ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

कुलुसियों 2:6

जस्यान थाँकाणी ईसू मसी ने परबू मानन गरण किदा हाँ, वस्यानीस वींका विस्वास मेंईस चालता रेवो।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

1 थिस्सुलुनिक्यों 4:12

जणीऊँ थाँने बना विस्वास करबावाळाऊँ आदर-मान मले अन थाँने कणी बात की कमी ने रेवे।

1 थिस्सुलुनिक्यों 5:24

थाँने बलाबावाळा परमेसर विस्वास जोगा हे अन वो अस्यानीस करी।

2 थिस्सुलुनिक्यों 1:10

ओ वीं दन वेई जद्याँ वो आपणाँ हाराई पुवितर मनकाँऊँ जतरा वींपे विस्वास करी मेमा अन आदर-मान लेवा आई। तो थाँ भी वाँका में भेळा वेवो, काँके माँ ज्यो हव हमच्यार थाँने बतायो हे, वींको थाँ विस्वास किदो हे।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

1 पतरस 2:9

पण थाँ तो अस्या मनक कोयने हो, थाँ तो परमेसर का थरप्या तका मनक हो, थाँ रजवाड़ी याजकाँ की टोळी अन पुवितर परवार का हो, परमेसर थाँने अंदारा का राज मेंऊँ अचम्बावाळा उजिता में लाया हे, जणीऊँ थाँ परबू का अचम्बावाळा काम का बारा में बता सको।

1 पतरस 3:9

बुरई का बदले बुरई मती करो। जद्याँ कुई थाँकी बेजती करे, तो वींके हाते थाँ भी वींकी बेजती मती करो पण वींका बदले थाँ वींने आसिरवाद दो, काँके परमेसर थाँने आसिरवाद का वारिस वेबा का वाते बलाया हे।

1 पतरस 5:10

अबे परमेसर, जीं दया करबावाळा अन दया का दाता हे, वींइस थाँने मसी में जुग-जुग का वाते खुद की मेमा करबा वाते बलाया हे। थाँने थोड़ोक दुक जेलबा केड़े, वो खुदई थाँने गाटा, जोरावर अन पाका बणाई।

2 पतरस 1:3

जीवन जीवबा का वाते अन परमेसर की सेवा करबा का वाते जो कई भी आपणे छावे हे, वो हारोई परमेसर आपणी तागतऊँ आपाँने दिदो हे। काँके आपाँ वींने जाणा हाँ, जणी आपणी धारमिकता अन मेमा की वजेऊँ आपाँने बलाया हे।

1 यहुन्ना 2:6

ज्यो कुई भी मनक ओ केवे हे के, वो परमेसर में पाको हे, तद्याँ वींने ईसू मसी का जस्यान जीवन जीवणो छावे।

3 यहुन्ना 1:6

ईं वाते तो वणा मण्डली का हामे थाँरा बारा में आ गवई दिदी हे के, थूँ वाँकाऊँ कस्यान को परेम राके हे। ईं वाते जद्याँ थूँ वाँने हिक देवे, तद्याँ अस्यान मदत करज्ये जस्यान परमेसर का मनक का हाते किदी जावे हे।