1 थिस्सुलुनिक्यों 1:10 - नुवो नेम (मेवड़ी नया नियम)

¹⁰ अन परमेसर का बेटा ईसू मसी के हरगऊँ पाच्छा आबा की वाट नाळता रेवो, जिंने वणा मरिया तका मेंऊँ पाच्छा जीवतो किदो हो, अन वींइस आपाँने परमेसर की आबावाळी रीसऊँ बंचावे हे।

1 थिस्सुलुनिक्यों 1:10 Iomraidhean Croise

मत्ती 1:21

वाँ एक छोरा ने जणी, थूँ वींको नाम ईसू राकज्ये, काँके वो आपणाँ मनकाँ ने वाँका पापाऊँ बचाई।”

मत्ती 16:27

मनक को पूत आपणाँ हरग-दुत का हाते आपणाँ बाप की मेमा में आई, अन वीं बगत वीं हाराई ने वाँका करमा का जस्यान फळ देई।

मत्ती 16:28

मूँ थाँने हाचेई केवूँ हूँ के, ज्यो अटे ऊबा हे, वाँका मूँ कुई अस्या हे के, वीं जद्याँ तईं मनक का पूत ने वींका राज में आता तका ने देक लेई, जद्याँ तईं वाँने मोत ने आई।”

मत्ती 3:7

जद्याँ यहुन्ने यो देक्यो के, नरई फरीसी अन सदुकी वाँका नके बतिस्मो लेबा ने आरिया हे तो वणी वाँकाऊँ क्यो, “ओ, हाँप का बच्या। थाँने कणी हेंचेत कर दिदा हे के, थाँ परमेसर की आबावाळी रीसऊँ बंच निकळो?

लूका 2:25

वीं टेम यरूसलेम में समोन नाम को एक मनक हो, वो धरमी अन भगत हो। वो इजराएल की सान्ती की वाट नाळरियो हो अन पुवितर आत्मा वींका हाते ही।

लूका 3:7

ज्या मनकाँ की भीड़ यहुन्ना का नके बतिस्मो लेबा ने अई वाँकाऊँ वणी क्यो, “ओ, हाँप का बच्या। थाँने कणी हेंचेत कर दिदा हे के, थाँ परमेसर की आबावाळी रीसऊँ बंच निकळो?

थरप्या तका का काम 1:11

अन पछे वाँ दुई जणा क्यो, “ओ गलील का रेबावाळा, थाँ अटे ऊबा-ऊबा आकास में काँ देकरिया हो? वीं ईसू, जीं आज अटूँ हरग में पराग्या वस्यानीस, एक दन थाँ वाँने पाच्छा हरगऊँ आता तका देको।”

थरप्या तका का काम 17:31

काँके वणी एक दन ठेरायो हे, वीं आपणाँ थरप्या तकाऊँ वो धरती का हंगळा मनकाँ को हाँचऊँ न्याव केरी, अन वणी मरिया तका मूँ पाछो जीवतो वेन हंगळा मनकाँ में आ बात पाकी कर दिदी हे।

थरप्या तका का काम 2:24

पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके।

थरप्या तका का काम 2:32

अणीस ईसू ने परमेसर पाछो जीवतो कर दिदो, ईं बात का माँ हारई गवा हाँ।

थरप्या तका का काम 3:15

थाँ जीवनदाता ने मरवा नाक्यो, पण परमेसर वींने मरिया तका मूँ पाछो जीवतो कर दिदो, माँ ईं बात का गुवा हा।

थरप्या तका का काम 3:21

मसी ने वीं दाण तईं हरग में रेणो पेड़ी, जतरे वीं हारी बाताँ परमेसर पेल्याँ के जस्यान कोयने कर दे, जिंका बारा में नरई पेल्याँ परमेसर आपणाँ आड़ीऊँ बोलबावाळा पुवितर मनकाँ का मुण्डाऊँ बतायो हो।

थरप्या तका का काम 4:10

तो थाँ सब जणा अन इजराएल का लोगाँ ने ओ पतो वेणो छावे के, ओ मनक थाँके हामे ईसू मसी नासरी का नामऊँ पुरी तरियाऊँ हव वेन थाँका हामे ऊबो हे, वो ईसू नासरी, जिंने थाँकाणी हूळी पे चड़ा दिदो हो अन परमेसर पाछो वींने मरिया तका मूँ जीवतो कर दिदो।”

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

रोमियों 4:25

ईसू ने आपणाँ पाप का वाते मरबा दिदो ग्यो अन आपाँने धरमी बणाबा का वाते मरिया तकाऊँ पाछो जिवायो ग्यो।

रोमियों 8:34

पछे कूण हे ज्यो आपाँने दोसी बतावे? काँके ईसू मसी आपणाँ वाते मरग्यो हो अन वींने पाछो जिवायो ग्यो। वोईस हे ज्यो परमेसर का जीमणा पाल्ड़े बेटो हे अन आपणाँ वाते अरज करे हे।

1 कुरिन्थियों 1:7

ईं मस थाँ जद्याँ आपणाँ परबू ईसू मसी के परगट वेबा की वाट नाळता रेवो हो, तो थाँका नके वाँके कस्यी भी आत्मिक वरदान की कमी ने हे।

गलातियों 3:13

ईसू मसी ज्यो आपणाँ वाते हरापित व्यो अन आपाँने वणा मूसा का नेमाऊँ छोड़ाया, काँके सास्तर में लिक्यो हे के, “ज्यो कुई हूळी पे लटकायो जाई वो हरापित वेई।”

फिलिपियों 3:20

पण आपणो देस तो हरग हे अन आपीं आपणाँ बंचाबावाळा परबू ईसू मसी की वटूऊँ आबा की वाट नाळरिया हा।

कुलुसियों 1:18

वोईस आपणी देह को, मतलब मण्डली को मातो हे। वोईस सरुआत हे अन वोईस पेलो हे ज्यो मरयाँ तका मूँ पाछो जी उट्यो हो। ताँके हारी बाताँ में वींनेईस पेली जगाँ मले।

1 थिस्सुलुनिक्यों 1:7

ईं वाते थाँ मकिदुनिया अन अखाया परदेस का हाराई विस्वास्याँ का वाते एक हिक देबावाळो नमुनो बणग्या हो।

1 थिस्सुलुनिक्यों 2:16

वीं मनक जी यहूदी ने हे, वाँने बंचाबा को हव हमच्यार हुणाबा का वाते आपाँने रोके हे। अस्यान करबाऊँ वाँका पाप को घड़ो भरियो हे अन परमेसर को परकोप वाँका पे आग्यो हे।

1 थिस्सुलुनिक्यों 2:7

पण जस्यान बई आपणाँ बाळकाँ को पालण करे हे वस्यानीस नरमाई को वेवार माँ थाँका हाते राक्यो हे, ने तो माँ मसी का काम का वाते थरप्या तका को हक लगान थाँका पे बोज नाक सका हाँ।

1 थिस्सुलुनिक्यों 5:9

काँके परमेसर आपाँने वींका गुस्सो ने भुगतबा का वाते ने, पण परबू ईसू मसीऊँ बंचाबा का वाते चुण्या हे।

2 तिमुतियूस 4:1

ईसू मसी राजा का रूप में आई अन हाराई जीवता अन मरिया तका को न्याव करी, वाँने अन परमेसर ने गवा मानन मूँ थने आदेस दूँ हूँ के,

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

इब्रानियों 10:27

पण ईंका केड़े तो जोरदार न्याव वेणो अन धधकती तकी वादीईस वाट नाळरी हे, आ वादी परमेसर का दसमणा ने बाळ नाकी।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।

1 पतरस 2:21

परमेसर थाँने ईं वाते बलाया हे, काँके मसी आपणाँ वाते दुक जेल्यो हो अन अस्यान करन वणा आपणाँ वाते एक हिक दिदी हे के, आपाँ भी वींका जस्यानीस चाल सका।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

2 पतरस 3:12

अन वीं दन की वाट नाळणी छावे, जीं दन परमेसर न्याव करी। वीं दन ने लाबा का वाते कोसीस करणी छावे। वीं दन के आताई आकास वादी की लपटाऊँ बळन नास वे जाई अन आकास की चिजाँ वादी की तपतऊँ पिगळ जाई।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

परकासितवाक्य 1:18

मूँ वोईस हूँ, जिंका नके जीवन हे। पेल्याँ मूँ मरग्यो हो, पण अबे देक, मूँ जुग-जुग वाते जीवतो हूँ। मोत अन पाताळ की चाब्याँ मारा नके हे।

परकासितवाक्य 1:7

देको, वो वादळा का हाते आबावाळो हे अन वींने हाराई आपणी आक्याँऊँ अन वीं मनक भी जणा वींने दुक दिदो हो देकी। अन धरती का हाराई मनक वाँके वजेऊँ रोई। अस्यान पाको हे के, यो वेई, आमीन।