1 पतरस 5:2 - नुवो नेम (मेवड़ी नया नियम)

² मूँ थाँने हमजाऊँ हूँ के, परमेसर की मडळी ज्याँ थाँकी देक-रेक में हे वींकी रुकाळी करो। ओ काम किंकई दबाव में आन मती करो पण परमेसर की मरजीऊँ राजी वेन करो। धन का लाळच की वजेऊँ ओ काम मती करो, पण मन लगान यो काम करो।

1 पतरस 5:2 Iomraidhean Croise

लूका 12:32

“ओ नाना गारा, दरपो मती। काँके थाँरा बापू ने यो हव लागो हे के, थाँने राज देवे।

थरप्या तका का काम 20:29

मूँ जाणूँ हे के, मारा जाबा के केड़े उगड्याँ तका बरगड़ा थाँका गाबे अई, जो थाँका गारा ने, ने छोड़ी।

थरप्या तका का काम 21:13

पण पोलुस जवाब दिदो, “थाँ अस्यान रो-रोन मारी मन काँ तोड़ रिया हो। मूँ तो परबू ईसू का नाम वाते बेस बन्दवा वातेईस ने पण मरवा के वाते भी त्यार हूँ”।

रोमियों 1:15

जणीऊँ मूँ थाँ रोम में रेबावाळा में भी हव हमच्यार को परच्यार करबा का वाते लळक राकूँ हूँ।

1 कुरिन्थियों 9:7

कूण आपणाँ घर की कमई खान सपई को काम करे हे? कूण अंगूरा को बाग लगान वींको फळ ने खावे हे? कूण गवाळ्यो गारा की रुकाळी करन वाँको दूद ने पिवे?

1 तिमुतियूस 3:3

वो दारू पियावाळो ने वेवे, लड़ई-जगड़ो करबावाळो ने वेवे, पण दयाऊँ भरियो तको अन सान्तीऊँ रेबावाळो वेणो छावे, वींको मन रिप्या-कोड़ी में ने वेवे।

1 तिमुतियूस 3:8

अणीस तरियाँ मण्डली का दास भी हाँचा अन हव वेवार का वेवे, वीं रिप्या-कोड़ी का भूका अन दारू पियावाळा ने वेवे।

तीतूस 1:11

ओ जरूरी वेग्यो हे के, वाँको मुण्डो बन्द किदो जावे, जीं ईं गलत बाताँ हिकान विस्वास्याँ का घर ने बगाड़रिया हे अन ईं हाराई नीचपणाऊँ रिप्या-कोड़ी कमावा का चकर में अस्यान करता रेवे हे।

तीतूस 1:7

परमेसर का काम ने आपणाँ हाताँ में लेबा का वाते एक मण्डली का परदानाँ में ओ जरूरी हे के, वींमें एक भी खोट ने वेणी छावे। वीं ने तो घमण्डी वेवे, ने फटाकऊँ गुस्सो करबावाळा वेवे, नेईं पियावाळा, ने लड़ायाँ करबावाळा अन नेई रिप्या-कोड़ी का लालची वेवे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

तीतूस 3:1

थूँ मनकाँ ने आद अवाड़ के, राज करबावाळा अन अदिकारी को क्यो माने। अन हरेक तरियाँ का भला काम करबा का वाते त्यार रेवो।

फिलेमोन 1:14

पण हे फिलेमोन थाँरी हा के बना मूँ कई ने करणो छारियो हूँ ताँके थूँ ज्यो भी हव काम करे हे, वो जबरदस्तीऊँ ने पण खुद की मरजीऊँ करे हे।

इब्रानियों 12:15

ध्यान देता रेवो, अस्यान ने वे, कुई परमेसर की करपाऊँ छुट जावे। कन अस्यी कई फुट पड़ जावे, ज्या दुक देवे, अन वणीऊँ नरई मनक असुद बण जावे।

2 पतरस 2:3

वीं लाळच की वजेऊँ थाँने दिकावटी बाताँ बोलन थाँकाऊँ धन कमाई। वाँको दण्ड तो पेल्याँऊँ परमेसर ते कर मेल्यो हे अन वाँको नास वाँकी वाट नाळरियो हे।